Паримии на церковнославянском гражданским шрифтом

Скачать 3.34 Mb.

Название	Паримии на церковнославянском гражданским шрифтом
страница	8/94
Дата публикации	12.07.2013
Размер	3.34 Mb.
Тип	Документы

100-bal.ru > Философия > Документы

1 ... 4 5 6 7 8 9 10 11 ... 94

По 11 дни сего месяца, в приидущую неделю.
Святых отец VII Вселенскаго Собора.

Паримии свв. отцем.

13 октовриа.
Иверския иконы Пресвятыя Богородицы.

1. Бытия чтение.

Изыде Иаков от студенца клятвеннаго и иде в Харрань. И обрете место, и спа тамо: зайде бо солнце, и взят от камения места того, и положи возглавие себе, и спа на месте оном. И сон виде. И се лествица, утверждена на земли, eяже глава досязаше до небес, и Ангели Божии восхождаху и низхождаху по ней. Господь же утверждашеся на ней, и рече: Аз Бог Авраамов, отца твоего, и Бог Исааков, не бойся: земля, идеже ты спиши на ней, тебе дам ю и семени твоему. И будет семя твое, яко песок земный, и распространится на море, и ливу, и север, и на востоки; и возблагословятся о тебе вся колена земная и о семени твоем. И се Аз с тобою, сохраняяй тя на всяком пути, аможе аще пойдеши. И возвращу тя в землю сию, яко не имам тебе оставити, дондеже сотворити Ми вся, елика глаголах тебе. И воста Иаков от сна своего, и рече: яко eсть Господь на месте сем, аз же не ведех. И убояся, и рече: яко страшно место сие; несть сие, но дом Божий и сия врата Небесная.

Быт 28:10–17

2. Исхода чтение.

Моисей бяше пасый овцы Иофора, тестя своего, священника Мадиамска, и гнаше овцы в пустыню, и прииде в гору Божию Хорив. Явися же ему Ангел Господнь в пламени огненне из купины; и видит, яко купина горит огнем, купина же не сгараше. Рече же Моисей: мимошед увижду видение великое сие, яко не сгарает купина. Егда же виде Господь, яко приступает видети, воззва его Господь из купины, глаголя: Моисее, Моисее. Он же рече: что есть, Господи? Он же рече: не приближайся семо; изуй сапоги от ног твоих: место бо, на немже ты стоиши, земля свята есть.

Исх 3:1–5

3. Исхода чтение.

Обведе Бог люди путем, иже в пустыни к Чермному морю. Пятаго же рода изыдоша сынове Израилевы от земли Египетския. И взя Моисей кости Иосифовы с собою, клятвою бо закля Иосиф сыны Израилевы, глаголя: присещением присетит вас Господь, и изнесете отсюду кости моя с собою. Воздвигшеся же сынове Израилевы от Сокхофа, ополчишася во Офоме при пустыни. Бог же вождаше их: в день убо столпом облачным, показати им путь, нощию же столпом огненным, светити им. И не оскуде столп облачный во дни, и столп огненный нощию пред всеми людьми.

Исх 13:18–22

14 октовриа.
Преподобныя Параскевы.

Паримии преподобныя.

18 октовриа.
Святаго Апостола и Евангелиста Луки.

1. Соборнаго послания Иоаннова чтение.

Еже бе исперва, еже слышахом, еже видехом очима нашима, еже узрехом, и руки наша осязаша, о Словеси Животнем. И Живот явися, и видехом, и свидетельствуем, и возвещаем вам Живот вечный, Иже бе у Отца, и явися нам. Еже видехом и слышахом, поведаем вам, да и вы общение имате с нами: общение же наше со Отцем и с Сыном Его Иисусом Христом. И сия пишем вам, да радость ваша будет исполнена. И сие есть обетование, еже слышахом от Него, и поведаем вам, яко Бог Свет есть, и тмы в Нем несть ни единыя. Аще речем, яко общение имамы с Ним, и во тме ходим, лжем и не творим истины. Аще же во свете ходим, якоже Сам Той есть во свете, общение имамы друг ко другу, и кровь Иисуса Христа Сына Его очищает нас от всякаго греха.

1 Ин 1:1–7

2. Соборнаго послания Иаковля чтение.

Иаков, Богу и Господу Иисусу Христу раб, обеманадесяте коленома, иже в разсеянии, радоватися. Всяку радость имейте, братие моя, егда во искушения впадаете различна, ведяще, яко искушение вашея веры соделовает терпение. Терпение же дело совершенно да имать, яко да будете совершени и всецели, ни в чемже лишени. Аще же кто от вас лишен есть премудрости, да просит от дающаго Бога всем нелицеприемне, и не поношающаго, и дастся ему. Да просит же верою, ничтоже сумняся: сумняйся бо уподобися волнению морскому, ветры возметаему и развеваему. Да не мнит бо человек он, яко приимет что от Бога. Муж двоедушен, неустроен во всех путех своих. Да хвалится же брат смиренный в высоте своей, богатый же во смирении своем, зане, якоже цвет травный, мимоидет. Возсия бо солнце со зноем, и изсуши траву, и цвет ея отпаде, и благолепие лица ея погибе. Сице и богатый в хождении своем увядает. Блажен муж, иже претерпит искушение, зане искусен быв, приимет венец жизни, егоже обеща Бог любящим Его.

Иак 1:1–12

3. Соборнаго послания Иудина чтение.

Иуда, Иисусу Христу раб, брат же Иакову, сущим о Бозе Отце освященным, Иисус Христом соблюденным званным. Милость вам, и мир, и любы да умножится. Возлюбленнии, всяко тщание творя писати вам о общем спасении вашем, нужду возимех писати вам, моля подвизатися о преданней вере святым единою. Привнидоша ко нецыи человецы, древле предуставленнии на сие осуждение, нечестивии, Бога нашего благодать прелагающии в скверну, и Единаго Владыки Бога, и Господа нашего Иисуса Христа отметающиися. Воспомянути же вам хощу, ведущим и вам единою сие, яко Господь люди от земли египетския спасе, последи неверовавшия погуби. Ангелы же не соблюдшия своего начальства, но оставльшия свое жилище, на суд великаго дне, узами вечными под мраком соблюде. Якоже Содома и Гоморра, и окрестныя их грады, подобным им образом преблудивша, и ходивше в след плоти иныя, предлежат в показание огня вечнаго суд подъемше. Вы же, возлюбленнии, поминайте глаголы преждереченныя от апостол Господа нашего Иисуса Христа. Зане глаголаху вам, яко в последнее время будут ругатели, по своих похотех ходяще и нечестиих. Сии суть отделяюще себе от единости веры и суть телесни, Духа не имуще. Вы же, возлюбленнии, святою вашею верою назидающе себе, Духом Святым молящеся, сами себе в любви Божией соблюдайте, ждуще милости Господа нашего Иисуса Христа в жизнь вечную. И овех убо милуйте разсуждающе, овех же страхом спасайте, от огня восхищающе. Обличайте же с боязнию, ненавидяще и яже от плоти оскверненую ризу. Могущему же сохранити вы без греха и без скверны, и поставити пред славою своею непорочных в радости, Единому Премудрому Богу и Спасу нашему, Иисусом Христом Господем нашим, слава и величие, держава и власть, прежде всего века, и ныне, и во вся веки. Аминь.

Иуд 1:1–7; 20–25

1 ... 4 5 6 7 8 9 10 11 ... 94

Похожие:

	Вопрос Вес : 1 Что представляет собой монография? Какая книга в 1708 году была впервые напечатана новым гражданским шрифтом, введенным Петром I?		Должна четко выражать его суть Работа должна быть выполнена 14 шрифтом, сноски – 10, название отдельных частей работы – 14 шрифт (выделенный жирным шрифтом)
	Требования (регламент) по оформлению статей для публикации Формулы размещать в центре, а их номера у правого поля страницы; тензорные и векторные величины набираются прямым полужирным шрифтом,...		Требования к оформлению статей на бумажном и электронном носителях Русские и греческие буквы и индексы, а также цифры, набираются прямым шрифтом, а латинские – курсивом. Аббревиатуры и стандартные...
	Каждой главы и параграфа в тексте работы можно писать более крупным... Реферат должен отражать точку зрения автора на эту проблему, освещать имеющийся практический опыт. Реферат не содержит поучительных...		Документа выполняется шрифтом 26 пунктов, начертание «обычное», шрифт... Текстовые документы выполняются на листах белой бумаги формата А4 (210x297 мм). Иллюстрации, таблицы и компьютерные распечатки допускается...
	Тематика рефератов, курсовых работ Дисциплина «Гражданское право» Предмет гражданско-правового регулирования. Понятие и виды имущественных отношений, регулируемых гражданским правом. Понятие и виды...		Секция: Техника и инженерные науки гоу межшкольный учебный комбинат №25 «Центральный» Предмет гражданско-правового регулирования. Понятие и виды имущественных отношений, регулируемых гражданским правом. Понятие и виды...
	Программа государственного экзамена по специализации «Гражданское... Предмет гражданско-правового регулирования. Понятие и виды имущественных отношений, регулируемых гражданским правом. Понятие и виды...		Поправка к закону всемирного тяготения из уравнений Предмет гражданско-правового регулирования. Понятие и виды имущественных отношений, регулируемых гражданским правом. Понятие и виды...
	"Это вызывает невероятное уважение и хохот" Предмет гражданско-правового регулирования. Понятие и виды имущественных отношений, регулируемых гражданским правом. Понятие и виды...		Биографическая справка пономарев владимир николаевич Предмет гражданско-правового регулирования. Понятие и виды имущественных отношений, регулируемых гражданским правом. Понятие и виды...
	Современное состояние физической науки Предмет гражданско-правового регулирования. Понятие и виды имущественных отношений, регулируемых гражданским правом. Понятие и виды...		Программа Фестиваля науки в Улгпу Предмет гражданско-правового регулирования. Понятие и виды имущественных отношений, регулируемых гражданским правом. Понятие и виды...
	Ауд. 255 красный зал Предмет гражданско-правового регулирования. Понятие и виды имущественных отношений, регулируемых гражданским правом. Понятие и виды...		Гражданское право Предмет гражданско-правового регулирования. Понятие и виды имущественных отношений, регулируемых гражданским правом. Понятие и виды...

Школьные материалы