Xvi в. О святых иконах. Максим Грек. XVII в. Вопросы и ответы по русской иконописи. Евфимий Чудовской
Скачать 5.56 Mb.
|
| ГЛАВА 1. О святых иконах, им же поклонятися подобает. Понеже нецыи тщатся вопрошати мя, от кого иконное поклонение нчало прият, мы же отвещаем к ним, яко исперва и искони. Якоже и Павел, божественный апостол и избранный сосуд, ко евреом, обличая их, сице глаголет, еже в скинии, рекше во святых святая, поверх ковчега святаго херувими славы сказует, иже осеняюще олтарьа. Аще ли убо святый ковчег осеняюще херувими являет, яве убо есть, яко на славословие и поклонение Богу небесному. Прочее же и о сем речем. Егда убо явися во плоти Бог, тогда сам ко июдеом глагола, вопрошаше убо их, чий на дате образ есть и написание? Реша же ему: кесарев. Он же рече им: воздатите убо кесарево кесареви, и божия Боговиб. Что же кесарево? Точию дань и страх. Что же Богови? Еже честь и поклоняние. И не рече: не зрите образа, но - воздадите подобное подобному. Понеже и тогда быша образы, но не вси равны и единаци. Овии убо на показание века памяти ради, якоже Менандровв и прочих. Овии же святыни ради, якоже и зде херувими славы вещает. Сего ради и воучения их не глаголет, ниже евангелисти возвещающе. Понеже должно есть и всяко естествено первообразному человеческому существу, и кто на земли не родивыйся, той безобразен быти не может. Зри опасно и внимли о сем разумно. Аще убо римских кесарей по евангелистову речению на датах и на златицах и деках писаша образы, то и прочих царей и силных и славных мужей не непщуй же образом их быти писанным, якоже и о раклиове столпе повестьг поведает. Господа же Исуса Христа, истиннаго Бога нашего, по вочеловечению его како может кто рещи, еже оставити и не писати пречистыя и божественныя плоти его воображения? Аще уже пречистый образ Его, рекше Спаса Христа писати подобает, то достоит ли ему без чести быти и с простыми образы смешати? Якоже и глаголет: кое совокупление свету ко тьме, и Христу со велияром? Такоже подобает внимати и о образе пречистыя его Богоматери, и святых его всех. Сам бо рече Господь: идеже буду Аз, ту и слуга мой будетд. Прочее же и о иконном Божий образе подобает рещи, ему же всегда поклоняхуся вси, естеством понуждающеся, а не законного ради предания. Понеже исперва создал Бог человека по образу своему и по подобию. Что же сие являет, еже рече «по образу своему и по подобию»? Яве убо подобие нарицается, якоже и глаголет: будите щедри, якоже Отец ваш небесный щедр есть. И паки Павел вопиет: будите убо мне подобии, якоже аз Христуе. Образ же есть Живоначальныя и Святыя Троицы Отца и Сына и Святаго Духа - ум, слово и дух. Кроме бо ума, слова же и духа быти человек не может, аще и верен, аще и неверен. Сего же ради и поклоняющеся между себе вси человеци; не плоти убо поклоняхуся, но образу Божию. Аще бы плоти поклонялися, то бы и всякому скотинному животну, сиречь коню, и волу, и прочим безсловесному естеству поклонялися, но сего ради от сих различии есмы, рекше вышши и честнейши сих, яко да образ Божий носим в себе и поклоняемся ему. Понеже есть ум, слово и дух невидимый образ невидимаго Бога, в видимей нашей плоти славу, и честь, и поклоняние приемлет. Егда же воплощением Слова плоть человеческая обожилася по реченному, и Слово плоть быстьж, и тогда плоти видимаго Бога видимый образ написуем, ему же и поклоняемся, и тако честь первообразному существу приносим. А иже кто не поклоняется образу во плоти явльшемуся Богу, сей не верует, яко Бог Слово от Пречистыя и Присно Девы Марии плоть прият, и бысть совершен Бог и совершен человек. ГЛАВА 2. Сказание о иконописцах, каковым подобает быти. Подобает убо изъграфом, рекше иконописцам, чистителным быти, житием духовным жити и благими нравы, смирением же и кротостию украшатися и о всем благое гонити, а не сквернословцем, ни кощунником, ни блудником, ни пияницам, ни клеветником, ни иным таковым, иже последующе обычаем скверным. Понеже на сицевое святое дело таковым не прощено есть. Якоже и древле рече Господь к Моисею, еже Веселеила наполних духа Божияз. Сей же Веселеил делатель бысть скинии свидения закона Ветхаго. Колми же паче подобает нынешния благодати писавшим образ Спаса Христа Бога нашего, и Пречистыя Его Богоматере, и святых Его тщатися к восприятию духа Божия. И был бы иконописец хитр о подобии древних переводов и первых мастеров, богомудрых мужей, им же от начала предано бысть по объявлению когождо гды бывшаго, чюдеси или явления, а собою бы ново не прибавливал ни единыя отыи, аще убо и зело кто мнится смыслити, а кроме святых отец предания не дерзати. Аще же кто и зело имать быти хитр святых икон воображению, а живый не благолепотне, таковым писати не повелети. И паки, аще кто и духовное житие имать жити, а благолепно вообразити святыя иконы не может, таковым писати святых икон не повелевати же. Но да питается иным рукоделием, им же хощет. ГЛАВА 3. О том, еже кроме святых икон правоверному изографу ничто же писати. Аще кто на таковое святое дело, еже есть иконное воображение, всяко сподобится искусен быти, тогда не подобает ему кроме святых воображении ни что же начертовати, рекше вообразити, еже есть на глумление человеком: ни зверска образа, ни змиева, ниже ино что от плежущих, или рода гмыжевескк, кроме где любо в прилучившихся деяниях, якоже есть удобно и подобно. ГЛАВА 4. О иконах, иже над вратами поставляеми. Над вратами же домов у православных христиан воображаемых зверей и змиев и никаких неверных храбрых мужей поставляти не подобает. Ставили бы над вратами у своих домов православныя християне святыя иконы или честныя кресты, им же в дом входя или из дому исходя поклоняемся, и почитаем первообразное существо, якоже отцы предаша. Се бо есть правоверных знамение. Всего же сего подобает назирати и учити святителем и иереом, духовным настоятелем, якоже рече апостол: покаряйтеся наставником вашимл. А на непослушающих и непокоряющихся со епитимиями запрещение налагати, якоже и божественныя правила повелевают. Паки о иконописцах Достойных же иконописцов и сподобльшихъся таковаго святаго детельства истоваго воображения и изряднаго жительства, таковых подобает честно почитати, и посаждати их на седалищах и на вечерях близ святителей с честными людьми, якоже и прочих причетников. ГЛАВА 5. О иконах, иже от рук неверных написанных, не приимати, и святых икон в руки неверных не предавати. От неверных и иностранных римлян и германов иконнаго воображения православным христианом приимати не подобает. Аще ли же по некоему прилучаю от древних лет где обрящется в наших странах верных, рекше в греческих или в руских, а вообразуема будет уже после разколу церковного, еже с римляным, и тогда, аще и зело иконное воображение есть по подобию, и хитро, поклонения же им не творити, понеже от рук неверных воображени суть. Аще и по подобию суть, но совесть их нечистоте подлежит. О таковых бо Павел божественный апостол к Титу посылая пишет сице глаголя: вся чиста чистым, оскверненным же и неверным ничто же чисто, понеже осквернися им ум и совесть. Бога исповедают ведати, а делы отмещутся его. Мерзки суще, и непокориви, и ко всякому делу благу неискуснин. А неверным и иностранным, паче же рещи нечестивым и поганым арменомо святых икон не писати, и на сребро и злато не меняти. Писано бо есть: не дадите святая псомп. ГЛАВА 6. О том, на коих вещех писати и воображати святыя иконы, и на коих не писати. Писати святыя иконы и воображати, якоже и на седмом соборе святии и богоноснии отцы повелеша, на всяком древе, и камени, и на столпех, и на стенах, и на сосудах церковных, иже суть крепцы существом, сиречь вещию. А на сткле святых икон не писати и не воображати, понеже сия сокрушителна есть вещь. Подобает же и се ведати честным изграфом, рекше иконописцем. Иже аще благоговейно жителство имать, к тому же истоваго и изряднаго подобия воображению от древних богомудрых изграфов подражати сподобился есть, к тому же и ценою сребра да не отягчит святыя иконы, но доволен будет от имущаго прияти на пищу, и одежду, и на рукоделие шаровнаго запасцур. О том, еже не оскудити изграфа Тако же и всякому правоверному християнину имущему веру, написа коего любо святый образ, подобает ему неоскудити, удоволити честнаго изграфа, якоже должно и удобно, да не стужает о неких нужных потребах нань. Примечания редактора Печатается впервые по полууставной старообрядческой рукописи XIX в. ГИМ Хлуд. 75, л. 772-774 об. Два других известных нам списка-ГБЛ ф. 37, № 437 (прежний шифр: ф. 178, Музейн. 3840, ч.II), и ГБЛ ф. 199 Никиф. 557, л. 1-5 - никаких существенных разночтений не дают. Последний восходит к 123-й главе «Древлеписменной Кормчей» и именем Максима не надписан. а Евр. 9, 4-5. б Мф. 22, 20-21. в Максиму Греку принадлежит «Сказание Менандра философа», и, надо полагать, ему было известно какое-то изображение греческого писателя IV в. до Р. Хр., изречения которого ценили христианские мыслители. г Так во всех списках. По смыслу здесь следовало ожидать «Повесть о Серухе» (из Лексикона Свиды) о начале почитания храбрейших мужей. Вероятно также чтение «Ираклиове столпе», или «Сказание о Хозрове» (см.: Творогов О.В. Древнерусские хронографы. М., «Наука», 1975, с. 95). д Ин. 12, 26. е I Кор. 11, 1. ж Ин. 1, 14. з Исх. 31, 1-3. и Т. е. йоты. к Пресмыкающихся. л Евр. 13, 17. м Т.е. после 1054 г. н Тит. 1, 15-16. 0 Отношение преп. Максима к «арменом» обусловлено главным образом политическими мотивами. п Мф. 7, 6. р Приготовление красок. ВОПРОСЫ И ОТВЕТЫ ПО РУССКОЙ ИКОНОПИСИ. Евфимий Чудовской. Вопрос об образе Бога-Отца 1. Подобает ли образ Бога-Отца писати седа власы, зане Божество неописанно есть, яко глаголется в церковном песнопении: не лжите слепии, не описуйте Божества. 2. В образе Спаса Христа, пишемом овогда млада суща, именуема Еммануил, овогда же пишема в недрех Бога-Отца, Единороднаго Слова Божия, из чрева прежде светоносца рождение. И паки на престоле седяща и в руце яблоко имуща, зовемое державу, овогда же во одежде архиерейстей, саккосе, омофории, и митру на главе имуща и жезл архиерейский в руках держаща и сапоги червлены на ногах. Ему же предстоящую Пресвятую Богородицу, в одежде царстей и крила имущую, и святаго Иоанна Предтечу, венец царский на главе имуща и крилата суща. Аще по церковному преданию таковии образи пишутся? Ответ. По существу и естеству Бог не токмо неописан и безъобразен, но и безименен, и ангели же и душа наша, по существу безъобразни и неописанни, описании же токмо местом и временем. По схождению убо, но не по Божеству, образ БогаОтца подобает писати, яко видеша праоци Адам, Авраам, Исаак, Иаков и пророци Исайа, Иезекеиль и Даниил, яко и святый Иоанн Дамаскин глаголет: четвертый нрава иконы писания возобразующаго чертания и образы и типы незренных и безтелесных, Бога же и ангелов, за еже мощи нам безтелесная зрети. И паки: вемы убо, яко ниже Бога, ниже ангела, ниже души, ниже демона можно позретися естеству, но в преображении некоем зрятся сия, Божиему промыслу образы и чертания прилагающу безтелесным и безобразным, к еже руководитися нам к тех знанию, да не во всеконечном невежестве будем Бога и безтелесных зданийб. Мало нижше, и сия чертаем и иконопишем, яко черташася и иконописашася херувимы, но и Бога чертания и иконы писание имать. До зде святый Дамаскин. А яко Бог по существу не токмо безъобразен, но и безименен, глаголет святый Дионисий Ареопагит: пресущественнаго Божества ниже имя есть, ниже слово (о Божественных имен[ех] слово 13); и святый Дамаскин глаголет: Божество непостижно сущо, всячески и безименное будет, невежествующе убо существа Его, существа его не взыщим имене. Нижше: но есть убо пресуществен, зане и безименен (Дам. 1 книга, глава 16). И святый Златоуст глаголет: Павел святый нигде же существа самаго имя обрет. Мало нижше: зане ниже, еже Бог имя существа есть, ниже есть отнюдь существа онаго имя обрести (Бес., лист 2763). В толковании святаго Дионисиа на первую главу о Божественных именех глаголет: что убо Божие имя, и самым ангелом неизследно, от некиих же действ того (яко сие: Бог благ, Спас, юже и нарицательную теологиюв глаголют), и паки от сущих по нам, по отречению, юже и отъятельную теологию глаголют (яко же непостижен, безвиден, безсмертен), от сих убо именоватися не есть разгласно священному святству, не бо естество того многовеществуем, сие бо не можно, но якоже от священнописаний Божиих, яко от сложных неких, на простое некое знания возводимся, сице и от сих именований и на сих обыкновения, на неименовное возводимся. Святый Кирилл Александрийский глаголет в книзе о святей Троице: подобает убо коеждо о Бозе глаголемых, не что по существу знаменати мнети, но паче что не есть являти. Мало нижше: мнится убо свойственше (господственше) всех сущих в Бозе имен быти Сый, второе же Бог. Мало нижше: безначальное же и незданное и безтелесное и таковая, что не есть, являют, благое же и праведное и преподобное и таковая, божественному убо естеству последуют, не самое же существо являют. До зде святый Кирилл. И яко убо безъименному по существу Богу имена от действ налагаем, да не во всеконечном невежестве останем, тако и безъобразнаго суща образы, яко видеша пророцы, не по существу, но по схождению, чертаем и иконствуем. Чесого же ради, по видению Даниилову, сед пишется Бог, по Авраамову же видению юн, сказует святой Дионисий о божественных именех в главе десятой. Святого селенскаго 7-го синода прочитаемое в неделю православия. Пророческая видения, якоже самое Божество начерта тая, изобрази ведущим и приемлющим и верующим, яже пророческий лик, видев, поведа, и апостолы, и на отцы прешедша писанное же и не писанное предание держащим, и сего ради изобразующым святая и почитающым вечная память трижды. Пророческая убо видения, аще бы и не хотяху, приемлющым, образописания же, явлыпаяся им и прежде воплощения Слова, не приемлющым, и прочее, яко тамо писано есть, анафема трижды. Иосифа Волоцкого слово пятоег. На святых иконах пишем и поклоняемся божественному и пречистому подобию, естеством неописаннаго и неизреченнаго и непостижимаго, иже милосердия ради и милости безмерныя отцем же и пророком, патриархом же и царем в сенех и образех по вместному тем являшеся, и якоже тогда являшеся, тако ныне сподобися нами воображатися и писатися во всечестных иконах. Второе. Еммануил именуется Христос Бог не точию в младом возрасте, но и совершенном мужестве, и в самом страдании, и из мертвых возстании; толкуется же Еммануил: с нами Бог, и имя сие определеннаго времене не имать, и по тому имяни млада Христа образ писати, яковое предание есть, не обретается видение о том разве точию млада писати; предание имамы держима младенца на руках Пресвятыя Девы Богородицы, и егда во Иерусалиме бысть Христос дванадесятолетен, с учителями во святилище седящ разглаголствоваше. А еже на престоле во архиерейстей одежди седяща пишут, не вем по чесому, разве по реченному апостолом Павлом, яко наречен от Бога архиерей по чину Мелхиседекову; Мелхиседек же царь бе Салимский и иерей Бога высочайшего, но не ношаше саккоса и омофора, ниже митры, яко нынешний архиерее имут. Глаголется же Христос многше иерей вечный по реченному: Ты еси Иерей во век, по чину Мелхиседековуд. Зовется Христос и игумен, и агнец, и пастырь, и царь царей, и ина премнога имать имена нарицательная; негли восхощут иконописателе писати Христа иереа, в фелоне и епитрахили и прочих, или по подобию игумена, монаха, и что будет сего нелепотнее. Писаша убо древле Христа во образе агнца, указуема перстом Предтечевым, по реченному от Иоанна во евангелии (егда Иоанн Креститель во утро по крещении виде грядущаго Иисуса и глаголя о Нем, показуя перстом): се агнец Божий, емляй грех мира; но таковое иконописание упраздниша святии отци на 6-м синоде селенском, и повелеша иконописати самаго Христа Бога по человеческому образуе, явленно яко совершенна мужа во одежде подобней апостольстей, яко апостоли пишутся, яко и сам Христос в мире хождаше и чудодействоваше, и яко страждаше, и яко воста из мертвых, и яко на небеса вознесеся, и яко приидет судити живыя и мертвыя, яко пишутся апостоли. И святых угодников Его пишутся образи, яко кийждо их хождаше на земли: царие в царстей одежди, архиерее во архиерейстей одежди, иерее во иерейстей одежди, воины в воинстей, монаси в монашестей. Аще и глаголет святое писание о верных, яко Иисус Христос, перворожденный из мертвых, сотвори ны цари и иереи Богу и Отцу Своему; обаче не вси пишутся снятии в царстей и архиерейстей одежди, но кийждо пишется по своему чину, яко живяше и хождаше на земли. Апостол и вси сущно бяху архиерее, ихже преемници и наместници ныне сущий архиерее и иерее, и прилично было бы писати апостоли во одежде архиерейстей и иерейстей, но понеже, живуща на земли, не ношаху таковых одежд, того ради и не пишутся в тех одеждах, но яковыя одежды ношаху, в таковых и пишутся. Саккосы же и митры архиерейская носитися примыслишася от отцев и благочестивых царей, по многом времени после Христовы смерти и востания; при Христе же и, по Нем, при апостолех, не быша сии саккосы и прочая, и не носими бышя, того ради апостоли тако и не пишутся; но отнеле же таковыя одежди примыслишася и носити во священнодействии начашася, оттоле и носивший тыя архиерее святии начашася в таковых одеждах иконописатися. А еже пишут иконописцы Единороднаго Слова Божиего, из чрева прежде светоносца рождение, и сие видится дерзость неразмысльная и пишущих и повелевающих, непостижно бо есть сие не точию человеком, но и пренебесным силам. О таковом иконописании ведят пишущий и предстателие и правителие святые церкви, священночальници вси, тии да разсуждают о сицевых, понеже и слово Богу имут о том отдати, по своему архипастырскому истины правлению; мне же мнится, яко таковая иконописания, аще от отцев святых суть преданная, подобает опасно разсмотряти, писати же Христа Бога Младенца, держима в руках Пречистыя Девы Матери Его, и 12-ти летня во святилищи бывша и в полном мужеском возрасте, яко в мире хождаше и чудодействоваше, яко вышше речеся, во одежди подобней апостолов, и яко виде Его в апокалипси святый Иоанн Богослов во одежди белей одеяна в подир, и яко пророкам видешася Божия явления по схождению, яко Аврааму, Лоту, Исайи, Даниилу, и иная подобная сим. А еже Пресвятую Богородицу и предтечу Иоанна пишут в царских одеждах и венцах и крилаты, а иногда Пресвятую Богородицу, имущу ризы червленые, иногда девицу простовласую, иногда на луне стоящую, иногда, аще и в ризе багряней, обаче имущу на главе покров белый, о сем ничто болше вем, точию яко в мире сем жившим им, не бысть сие, но ношаше пресвятая Богородица ризу багряну, смиренну и нищетну. Предтеча же святый одежду имяше из велблуждих власов состроенную, и пояс кожанный, прочее же ничто. И яко в мире сем жиша и от человек видешася, тако и образы их подобает писати. Не издавна же времене начаша иконописцы, с Латинских и Лютеранских образцов, писати Всемилостиваго Спаса, в руце яблоко имуща, или сферу, юже снятии отцы отрицают; и о сем яблока в руце Спасове писании обличительно писаше в двох своих словесех мудрый муж и благочестия ревнитель и поборник, Максим Грек монах, глаголя: увеща диавол Латины и Германы, басненныя фортуны, пречистый и покланяемый образ писати Господа нашего Иисуса Христа, рукою Святою Его правяща ея, писанною пред нею коло облое, или сферу, да тем прелыцаеми благочестивии бывают, смотряще фортуну, правиму пречистою рукою Спасовой, но бо обрящеши где в писаниях богодуховных обносимо сицево душегубительное мудрование. Разумей отсюду, яко велми Латини и Германи хулят Творца и Правителя всех, приписующе Пречистому Спасову Образу богомерзкое подобие кола, яко некое споспешество и строительство человеческих вещей, еже не токмо отметаемо сие от всех богодухновенных отцев и учителей, но и анафеме предаемо то самое и проходящыя тое. До зде Максим. Показуют и древле писании образы, яко образ Всемилостиваго Спаса, зовемый Златая риза, живописания Греческаго, писанный при царе Гречестем, иже поставлен в престольной патриаршества Всероссийскаго церкви, в храме Успения Пресвятыя Богородицы, и чудотворный образ Пресвятыя Богородицы, зовемый Владимирский, там же стоящий, писанный (яко глаголют повести) Святым Лукою Евангелистом, и образы Пресвятые же Богородицы, зовемии Казанский, Тифинскийж, Феодоровский, Толгский, Иверский, и писанный рукою Петра Митрополита, всея России Чудотворца, и инии чудотворнии образы. У Пресвятыя Богородицы на руках Превечный Младенец пишемый, имущ не яблоко Немецкаго и Латинскаго умышления, но свиток, или разгбенную книгу священное свое Евангелие, еже словом учаще воплотився, тое и в руце своей держимо имать, яко всегда учащее. А еже Давидом реченное: в руце Его концы землиз, не о телесной руце сие разумителыю, но о божественной власти Его, яко толкуя, Блаженный Феодорити сказует: во святей своей руце содержит вся концы, сиречь во власти Его суть вся здания. И приличнее рещи: держава Божия есть не сфера, но слово Его Божественное, вещанное усты Его святыми, Святое Евангелие, и послушающих Его животворящее и от вечныя смерти избавляющее. По древнему преданию церкве писахуся святии апостоли, свитки имуще в руках, или согбенныя книги, являющие учение их и проповедь спасительную о Христе Бозе воплощенном, ныне же нецыи иконописцов начинают писати святыя апостолы с Немецких образцов, с мучительными орудии, имиже они мучени быша. И тако писати святыя, аще есть предание святыя церкве, неизвестно. Понеже святии мученицы еще до днесь пишутся по древнему преданию, не мучительная орудия держаще, аще и многообразно мучени быша, но крест Христов имущий, сим показующе, яко за укрестовавшагося на нем пострадаша, и тем в страдании своем укрепляеми бяху, и ныне тем хвалятся, а не мучительными органы. Такожде и архиерее, аще нецыи их и мученическими смертми умроша, обаче пишутся не мучительные органы, томившия их, но священныя книги держаще, являющая бывшее учение их к пользе и спасению нашему. И пророци святые пишутся предстоящий Пресвятей Богородице, свитки имуще, в них же писана пророчествия их о воплощении Христа Бога нашего, или образы проречения их, яко: Даниил - гору, Иезекиил - храм, Исаиа - клещук, гадательствующая Пресвятую Богородицу, а не мучительная орудия держаще, ими же мучени быша, яко: Исаиа - пилою претрен, Иеремиа - камением побиен, Амос - палицею убиен. Пресвятую Богородицу пишут иконописцы с Латинских же образцов, непокровенну главу имущу, власы растрепаны, на руках держащую Младенца, Сына Своего, Христа Бога нашего. И Пресвятая убо Богородица, отнеле же бяше обручена Иосифу и безмужно родила Христа Иисуса, не хождаше простовласа, непокровенну главу имущи, аще и Дева присно бе и есть. Но о деле своем ведят иконописци и церковни предстателие. Еже предста же Царица из десных тебел, яко глаголет псалмопевец, в ризе позлащенней, и сие толкуют неции толковници, сказующе царицу быти церковь сущую от языков предчестншу и паче иных возлюбленну, одеянну же в ризу златую, украшенну, глаголю разными даровании. Мощно же рещи тое и о Пресвятей Богородице, но не ради одежда царския царица именуется Святая Богородица, но ради рождения Сына Ея Превечнаго Царя царей, и ради ныне в небесном царствии пребывания и с Сыном Ея вечнаго царствования, Мати Его Царица именуется и есть. Каковыя же одежды тамо имать, никто человеков весть; точию вемы, яко нетлением вечным и славою Божественною одеяна и украшена. Является же многащи Пресвятая Богородица (потребе яковей сущей), многым человеком праведным во одежде багряней, в яковей и в мире сем хождаше. Предтечу же Иоанна пишут крылата разве по сему, о нем же речеся: се Аз посылаю Ангела Моего пред лицем твоимм. И сие имя Ангел и многым святым приписуется, яко земный ангел и небесный человек; но не пишутся святии крилати, аще и зовутся ангели. Ангел же имя есть Еллинска языка, толкуется же - вестник, и Предтеча Иоанн назвася ангел сиречь вестник сего ради, за еже малым прежде Христа родися, возвещая Христово пришествие, обаче не бяше крила имущ. О иконе же святыя Софии, червлено лице имущей, крилатей, в царстей одежди со жезлом седящей, ей же предстоит из десници Пресвятая Богородица с Превечным Младенцем, над главою вторицею образ Христов, в левой же стране предстоит Предтеча Иоанн: кому же предстоят, Творцу или твари, ведят иконописци. Сие же точию ведомо, яко София имя есть греческое, толкуется же мудрость; мудрость же ипостасная есть Слово и Сила, Сын Божий. И аще писати смеют вымышляемым яковым подобием мудрость, писати уже начнут дерзати иным яковым вымыслом и Слово, и иным паки вымыслом Силу, и что будет сего безместнее? Но приличнее мнится писати Святую Софию, рекше: мудрость, воплощеннаго Христа Бога, яко и пишется муж совершен яков бе; или паки писати Святую Софию, яко уже и витися пишемый образ Святыя Софии, по пророчеству мудраго Соломона, храм, имущ внутрь Христа и столпы седмь и над столпами Дух Святый в голубике образе. Вящше о тех образех ничто же глаголательно, точию сие, яко не подобает по Божию завещанию прелагати пределов вечных, яже положиша святии оци. О всех сих мудрейшия вопрошати, тии да скажут известнше, точию дабы сказание было от божественных писаний, а не от человеческих силлогисмов, рекше умышлений, многолгущих, повелевают бо святии, по преданию святых апостолов, бегати от пособия силлогисмов, во лжу приводящаго, аще бо (глаголют святии) силлогисмом веру оставим, погибнет вера наша, не Богу бо, но человеком веровати имамы. Кирилл святый Иерусалимский сказует, во оглашении своем шестом, глаголя: возмнеша неции зле Бога крилата, яко человека, за еже писатися убо добре, разуметися же зле, еже: в крове крил твоих покрыеши мян. Сия вся писанная предложити достоит священным архиереем на достоверное свидетельство истинны, и что подобает держати, да держится, что же аще не подобает, оное да отринется, недоуменное же судом церкве да исправится. Ты же в божественных писаниях поучайся, и яже оная повелевают, сие и твори, кроме же тех ничто твори, или мудрствуй; за сим здравствуй во Господе. Аминь. {...} Примечания редактора Впервые опубликовано Г. Д. Филимоновым по рукописи Син. 473 в сборнике: Вестник общества древнерусского искусства при Московском Публичном музее. 1874. Вып. 1-3. Материалы, с. 17-20. Печатается по этому изданию. Сборник Син. 473 написан рукою монаха Чудова монастыря Евфимия (t 1708), ученика Епифания Славинецкого; хотя статья им не подписана, нет оснований сомневаться в его авторстве. а Здесь: тип. б Здесь: созданий. в Катафатическое, или положительное, богословие, противопоставляемое отрицательному, или апофатическому,-теологии «отъятельной». Данное различение получило на Руси распространение главным образом благодаря сочинениям, надписанным именем св. Дионисия Ареопагита. г Имеется в виду пятая глава «Просветителя», совпадающая с третьим «словом» о почитании св. икон, представленным в настоящем издании. д Пс. 109, 4. е Имеется в виду 82-е правило Трулльского собора. ж Тихвинский. з Пс. 94, 4. и Имеются в виду «Толкования на Псалтирь» Феодорита Киррского. к Ис. 6, 6. л Пс. 44, 10. м Мф. 11, 10. н Пс. 16, 8. |
Похожие:
 | II. История Иконописи III. Гонения на Иконы Икона это живописное, реже рельефное изображение Иисуса Христа, Богоматери, ангелов и святых. Ее нельзя считать картиной, в | | Тема урока Содержание программы Восприятие красоты как святости и ее отражение в русской православной культуре. Почитание на Руси Иисуса Христа, Богородицы и православных... |
| Программа по формированию навыков безопасного поведения на дорогах... Аннотация урок по программе Министерства образования РФ. Урок связан с темой эпохи конца XVII – первой четверти XVIII века, которая... | | План Смутное время в России: причины, сущность, последствия. Социально-экономическое... Российского государства в конце XVI начале XVII вв. Следует выявить причины, сущность и проявления общенационального кризиса начала... |
| «Спор рационализма и эмпиризма» в философии Нового времени В последней трети XVI начале XVII века происходит буржуазная революция в Нидерландах, а с середины XVII века буржуазная революция... | | Реферат Причины Смуты в России в представлении европейца XVII в Целью моего исследования является раскрыть причины смуты в России в конце XVI- начале XVII века. Перед тем как начать исследования,... |
| Рабочая программа Предмет история История Россия XVII Программа по курсу истории России XVII – XVIII вв являются продолжением авторской программы по курсу отечественной истории с древнейших... |  | Приход в честь архангела михаила Русская Церковь, приняв крещение от Византии, чтила древних святых, воздавая должное великим подвигам веры. И наряду с ними создавала... |
| Программа дисциплины Компаративные аспекты истории русской культуры... Программа предназначена для преподавателей, ведущих данную дисциплину, учебных ассистентов и студентов направления подготовки 032700.... | | Средневековые города и Позднее Средневековье (XVI – нач. XVII вв.) Цель: сформировать представление учащихся об эпохе Великих географических открытий |
| Конкурс «Зеленая планета» Тема работы: Эта всем знакомая бумага И я решила найти ответы на интересующие меня вопросы с помощью взрослых и разных источников информации. Для этого я прочитала разные... | | Реферата и дипломной работы Общая тематика Каргалов В. В. Московские воеводы XVI – XVII вв. – М., 2002; Разин Е. А. История военного искусства, в 3-х т. — Спб., 1999 |
| «медицина в московском государстве XVI-XVII веке» Государственное образовательное учреждение высшего профессионального образования Санкт-Петербургский Государственный Медицинский... | | Программа по формированию навыков безопасного поведения на дорогах... Воспитывать умение выслушивать ответы товарищей, давать точные, полные ответы на вопросы |
| Программа по формированию навыков безопасного поведения на дорогах... Задачи: Углубить знания обучающихся о святых русской земли, расширять их кругозор | | Документальная история сибири XVII середина XIX вв. Владивосток I. Сибирские архивы в системе приказных учреждений русского государства (Конец XVI начало XVIII вв.) |
