Молитвы к Пресвятой Богородице перед Ея иконой, именуемой «Почаевская» Молитва первая перед Почаевской иконой Божьей Матери
Скачать 53.21 Kb.
|
| Молитвы к Пресвятой Богородице перед Ея иконой, именуемой «Почаевская» Молитва первая перед Почаевской иконой Божьей Матери О, Всемилостивая Госпоже, Царице и Владычице, от всех родов избранная, и всеми роды небесными и земными ублажаемая! Воззри милостивно на предстоящий пред святою иконою Твоею и усердно к Тебе молящийся народ сей, и сотвори предстательством и заступленном Твоим у Сына Твоего и Бога нашего, да никтоже изыдет отсюду упования своего тощ и посрамлен в надежде своей, но да приимет кийждо от Тебе вся, по благому изволению сердца своего и по нужде и потребе своей, во спасение души и во здравие телу. Призри благосердием, Всепетая Богородице, и на обитель сию, Твоим именем нарицающуюся, юже от лет древних возлюбила еси, избравши ее в достояние себе, и неоскудно источающи токи исцелений от чудотворныя иконы Твоея и от приснотекущаго источника, в следе стопы Твоея, нам открытаго, и сохрани ю от всякаго прилога и навета вражия, якоже древле сохранила еси Твоим явлением целу и неврежденну от лютаго нашествия агарянскаго, да выну воспевается и славится в ней Пресвятое Имя Отца и Сына и Святаго Духа, и Твое преславное успение, во веки веков. Аминь. Молитва вторая перед Почаевской иконой Божьей Матери Царице наша Преблагая, Владычице Преблагословенная, Надеждо наша Богородице! К Тебе умиленно ныне притекаем, и сокрушенною душею и смиренным сердцем молим Тя, Всепетая, пред Пречистым Твоим образом: помяни щедроты Твоя древния, яже от Тебе зде бывшия, и якоже иногда явилася еси на скале Почаевстей, в столпе огненнем, от камене цельбоносную воду источающи, сице и ныне предстани нам, Мати многомощная, и теплотою Богоматерния любве Твоея согрей сердца наша окамененная, слезы любве и покаяния нераскаяннаго от очей наших исторгающи. Ты бо едина еси Заступница наша Богодарованная: Тя убо молим, избави от всех бед, от всякия напасти, болезни и скорби, рабы Твоя, предстательством великаго о нас ходатая и молитвенника Твоего, всеблаженнаго отца нашего Иова, угодника Твоего Почаевскаго, егоже молитве яве внимала еси на воздусе иногда, егда всеславным и страшным явлением Твоим избавила еси обитель Твою от нашествия и обложения агарянскаго. Призри благосердием, Всепетая, призрением милостиваго Твоего заступления и на все царство и страну нашу, и на вся люди Твоя излей богатыя Твоя милости: разсеянные собери, неверныя же и иноверныя, во странах наших, на путь истинный настави, отпадшия от благочестивыя отеческия веры паки возврати и сопричти их Святей Твоей Православней и Кафоличестей Церкви; в семействах наших мир утверди, старость поддержи, юныя настави, младенцы воспитай, сирыя и вдовицы заступи, плененныя свободи, болящия уврачуй, на судищи и в темницах, и в заточениих, и в горьких работах сущих помяни, ограждающи ны выну, посещающи и утешающи токами чудес и знамений многоразличных, яже присно изливаеши всем от святыя иконы Твоея цельбоносныя. Даруй, Всеблагая, земли плодородие, воздуха благорастворение и вся, яже на пользу нашу дары благовременныя и благопотребныя, молитвами избранных угодников Твоих, благодатный Твой лик на святей иконе Твоей окружающих: Илии богоглаголиваго, святаго архидиакона Стефана первостра-дальнаго, преподобнаго Авраамия всеблаженнаго, и богомужнаго Мины мученика многоименитаго, и с ними купно святых и праведных жен: Параскевы прехвальныя, Ирины преблаженныя и святыя Екатерины великомученицы многострадальныя, и всех святых. Егда же приспеет наше от жития сего отшествие и к вечности переселение, сице предстани нам, Преблагословенная, якоже иногда благопоспешила еси обители Твоей во спасение во время брани Збаражской, и Твоим теплым ходатайством даруй нам христианскую кончину живота нашего безболезненну, непостыдно, мирну и Святых Таин причастну; да якоже в сей жизни, сице и в будущем веце сподобимся вси, молитвами Твоими, безконечныя небесныя жизни во Царствии возлюбленнаго Сына Твоего, Господа Бога и Спаса нашего, Иисуса Христа, Емуже подобает всякая слава, честь и поклонение, во веки веков. Аминь. Молитва третья перед Почаевской иконой Божьей Матери О, Пресвятая Дево, Владычице Богородице! Благодарю Тя от всего сердца моего, яко сподобила мя еси грешнаго и недостойнаго раба Твоего предстати зде и покланятися на святей горе Твоей. О, коликих благ удостоихся тако многогрешный аз милосердием Твоим. Вижду, Пречистая, и ужасаюся, и истаевает дух мой, зря воочию многоцелебный сей источник благодати Твоея, егоже издревле во следе святыя стопы Твоея неизреченно явила еси, и всеблагоговейно покланяемся на месте, идеже стоясте Девичестии нозе Твои, молю Тя, благословенная Надеждо и Спасение душ и телес наших: омый мя цельбоносною водою Твоею от всякия скверны плоти и духа, утоли благодатными струями Твоими вся страсти моя сердечныя, уврачуй каплями от приснотекущaгo источника Твоего вся недуги моя телесныя, да, Тобою наставляемый, врачуемый и избавляемый, воспеваю Тебе всеусердно: Радуйся, источниче радости непрестаемыя, радуйся, точе доброты неизреченныя. Радуйся, вожделений нечистых потопление, радуйся, скверн всяких измовение. Радуйся, струе световиднейшая во здравие верным от горы приосененныя чащи благодать исцелений подавающая, радуйся, росо небесная, свыше токи премудрости жаждущим истиннаго познания ниспосылающая. Радуйся, похвало Почаевская, спаси ны, молящияся Тебе, Надеждо наша и утешение. Аминь. Молитва четвертая перед Почаевской иконой Божьей Матери К Тебе, о Богомати, молитвенно притекаем мы, грешнии, чудеса Твоя во святей Лавре Почаевстей явленная гюминающе и о своих сокрушающеся прегрешениих. Вемы, Владычице, вемы, яко не подобаше нам, грешным, чесого просити, токмо о еже Праведному Судии беззакония наша оставити нам. Вся бо, нами в житии претерпенная, скорби же, и нужды, и болезни, яко плоды падений наших, прозябоша нам, Богу сия на исправление наше попущающу. Темже вся сия истиною и судом Своим наведе Господь на грешныя рабы Своя, иже в печалех своих к заступлению Твоему, Пречистая, притекоша и во умилении сердец к Тебе взывают сице: грехов и беззаконий наших, Благая, не помяни, но паче всечестныя руце Твоя воздвигши к Сыну Твоему и Богу предстани, да люте содеянная нами отпустит нам, да за премногия неисполненная обещания наша лица Своего от рабов Своих не отвратит, да благодати Своея, спасению нашему пособствующия, от душ наших не отъимет. Ей, Владычице, буди спасению нашему Ходатаица и, малодушия нашего не возгнушавшися, призри на стенания наша, яже в бедах и скорбех наших пред чудотворным Твоим образом возносим. Просвети умиленными помыслы умы наша, веру нашу укрепи, надежду утверди, любве сладчайший дар сподоби нас прияти. Сими убо, Пречистая, дарованьми, а не болезньми и скорбьми живот наш ко спасению да возводится, но от уныния и отчаяния души наша ограждающи, избави нас маломощных от находящих на ны бед, и нужд, и клеветы человеческия и болезней нестерпимых. Даруй мир и благоустроение жительству христианскому предстательством Твоим, Владычице, утверди православную веру в стране нашей, во всем в мире. Церковь Апостольскую и Соборную умалению не предаждь, уставы святых отец на веки непоколебимы сохрани, всех к Тебе притекающих от рова погибельнаго спаси. Еще же и ересию прельщенных братии наших или веру спасительную в греховных страстех погубивших паки ко истинней вере и покаянию приведи, да вкупе с нами Твоему чудотворному образу поклоняющеся Твое предстательство исповедят. Сподоби убо нас, Пречистая Госпоже Богородице, еще в животе сем победу истины Твоим заступлением узрети, сподоби нас благодатную радость прежде кончины нашея восприяти, якоже древле насельники почаевстии Твоим явлением победители и просветители агарян показала еси, да вси мы благодарным сердцем вкупе со ангелы, и пророки, и апостолы, и со всеми святыми Твое милосердие прославляюще, воздадим славу, честь и поклонение в Троице певаемому Богу Отцу, и Сыну, и Святому Духу во веки веков. Аминь. Тропарь Пресвятой Богородице перед Ея иконой, именуемой «Почаевская» Тропарь, глас 5 Пред святою Твоею иконою, Владычице, молящиися исцелений сподобляются, веры истинныя познание приемлют и агарянская нашествия отражают. Темже и нам, к Тебе припадающим, грехов оставление испроси, помыслы благочестия сердца наша просвети, и к Сыну Твоему молитву вознеси о спасении душ наших. Величание Величаем Тя, Пресвятая Дево, и почитаем честную икону Твою, юже от лет древних на горе Почаевстей прославила еси. |
Добавить документ в свой блог или на сайт
Похожие:
 | Урок в 7 классе по предмету «Катехизис». Тема: Третий член Символа веры. О пресвятой Богородице Первая часть Символа Веры была составлена на Никейском соборе (325 год) (7 членов) | | «Города России защитники Отечества» М. И. Скотти. «Минин и Пожарский» (1850). Красное знамя с иконой, которое несёт князь, исторически достоверно |
 | Урок основ православной культуры в 5 классе Тема: «Рождество Пресвятой Богородицы» Рождества Пресвятой Богородицы, пополнить знания учащихся о церковном начале года, изучить новые понятия: тропарь, послушание, молитва;... | | Программа по формированию навыков безопасного поведения на дорогах... Нехристианские системы этики. 21. Христианская любовь. 22. Влияние христианства на все стороны жизни. 23. Семья и государство. 24.... |
| Задачи урока: Обучающая: узнать значение и связь слов «православие»,... Ключевые понятия урока православие, молитва, благодать, святые, Священное Предание | | Программа мбоу захоперской сош нехаевского муниципального района... В начале XX века в хуторе была школа с тремя классами, позже стало четыре. В школе учили закон божий, русский язык, арифметику. Перед... |
| Программа по формированию навыков безопасного поведения на дорогах... Театрализованное представление «Страницы истории», посвященное празднованию иконы Казанской Божьей Матери | | Программа по формированию навыков безопасного поведения на дорогах... Зрительный ряд урока: «Сикстинская мадонна» Рафаэль, икона Тихвинской Божьей матери, фото мемориала «Скорбящая мать» |
| Урок №1. Молитва Мы знаем, что молиться – это значит обращаться к богу и что без молитвы, без постоянного обращения к Богу христианину было бы очень... | | Элективный курс (география, экология) 8 класс мигутина Галина Юрьевна, учитель географии Все мы обязаны своей жизнью нашей планете – прекрасной и единственной, голубой от океанов, зеленой от лесов, желтой от песков, взывающей... |
| Оно Зигмунд Фрейд я и Оно «По ту сторону». Оно носит скорее характер синтеза, чем спекуляции, и ставит, как кажется, перед собою высокую цель. Но я знаю, что... | | Программа по формированию навыков безопасного поведения на дорогах... Странно: почему мы так же, как и перед родителями, всякий раз чувствуем свою вину перед учителями? И не за то вовсе, что было в школе,... |
| Программа по формированию навыков безопасного поведения на дорогах... Посвящается истинным патриотам прошлого, настоящего и будущего, отважным рыцарям чести и народной свободы, несломимому духу галгайскому,... | | Программа по формированию навыков безопасного поведения на дорогах... Сегодня перед вами стоит такая задача: открытие тайны увеличения чисел в 10, 100, 1 000 раз. Перед вами числа: 10, 100, 1 000 |
| Сковорода Григорій Сковородинівка на Харківщині. Перед смертю поет I філософ заповідавпоховати себе на підвищенні біля гаю, а на могилі зробити напис:... | | "Иосиф Прекрасный". Уроки батюшки Артемия. Выпуск 4 Описание: Перед вами рассказ протоиерея Артемия Владимирова о великом ветхозаветном святом- иосифе Прекрасном. Размышляя над основными... |
