МОУ «Кочкуровская средняя общеобразовательная школа»
Уроконь темась
Урокось ютась 6 - це классо.
Ютавтыцясь: Юртайкина С. И.
Уроконь темась «Собственной ды нарицательной существительнойтне»
Уроконь цельтне:
существительнойде содамочитнень кемекстамось;
домкалгатовмс содамочитнень собственной ды нарицательной существительнойтнень коряс;
тонавтомс видестэ сермадомо собственной лемтнень, толковамс, зярдо тевс нолдавить кавычкатне;
тонавтомс вечкеме тиринь енксонть ды а стувтомо сеть ломантнень, кить веленть славизь паро тевсэ.
Оборудованиясь: компьютерэсь, презентация «Собственной ды нарицательной существительнойтне», краб-тест, тест орфографиянь кемекстамонь кисэ.
Уроконь молемась.
Организационной моментэсь.1мин (слайдатне 1-це ды 2-це)
Речевой разминкась.3-4 мин (слайдась 3-це)
Ловносынек стихотворениянть мельс туезь. Евтынка, кие авторось?
Нама, авторонть тынь пек парсте содасынк, те Любовь Дергачева, од поэтессась, минек велень ломанесь. А мезде корты эсь стихотворениясонзо авторось? Мезес эйсэнек тонавты?
( тесэ евтави,кода авторось вечксы тиринь енксонзо, тонавты минек содамс, ванстомс ды вечкемс эсь велеть)
Ютазенть мельс ледстямось.
Орфографической минутка. 3-4 мин Тест1.tst приложение
Теевить тест. Вейкесь озы компьютер экшс, тейсы тестэнть ды «превей машинась» сонсь путсы тензэ отметканть. Остаткатненень явшавить лист лангсо тест. (Бути урокось ютавтови компьютерной классо, весе топавтыть тевенть компьютерсэ).
Существительноень коряс кевкстнемась.2-3 мин
-Кодамо келень наукань раздел тонавты кортамопелькстнэнь? Мезде мерить существительной?Кодат эрсить существительнойтне? Кода полавтневить существительнойтне? Мейсэ явовить эрзянь ды рузонь существительнойтне? (слайдатне 4- 7-це)
IV. 1)Течинь уроконь теманок «Собственной ды нарицательной существительнойтне»(сермадови тетрадьс) 1-2 мин (слайдась 8-це)
2)Уроконь вешематне истят.
3)Кода явовить собственной лемтне нарицательнойтнень эйстэ? Мезе эряви кирдемс мельсэ, зярдо сермадовить газетань, книгань, заводонь лемтне? Ловносынек экранстонть собственной существительнойтнеде. 3мин(слайдась 9-це)
4)Тейтяно кемекстамонь кис истямо упражнения. Доскасо невтезь фотографият, тыненк эрявить сынст содамс, киеть сынь, невтемс сынст тевдеемаст( максови образец) Евтынк, мекс путови тиресь. 5мин (слайдась 10-це)
Физкультурной минутка.
1)Тонавтыцясь евты существительнойть, бути собственной кедтне кепедевить верев, бути нарицательной - бокав.
2) Тонавтыцясь евты существительнойть, бути ойме марто, прясь кепедеви верев, бути оймевтеме нолдави алов.
5)Книга марто важодемась.
Теевить 58це упражнениясь сермадозь. 4мин
59-це ды 61-це упражнениятне превсэ. 5-6мин
6) Творческой важодемат. 5мин(слайдась 12-це)
максозь картинатнень коряс арсемс а покшке евтнемат, тевс нолдамс собственной лемть.
(васенце вариантось арси 5-6 сюлмавозь валрисьметь васенце фотонть коряс, омбоце вариантось – омбоцень коряс.)
а)Поладомс валрисьметнень.4 мин(слайдась 13-це)
7) «Мезе? Косо? Зярдо?» налксемась.3-4мин(слайдась 19-це)
а)Тынк каршо налкси сыре эрзянь келень тонавтыцясь Кочеткова Нина Леонтьевна. Кунсолынк кевстеманть. (слайдась 20-це)
Минек велень сермадыця, кона эрясь тона пингень 30-50-це иетнестэ,ды кодамо произведения сон сермадсь тиринь велень народтонть?
б) Тынк каршо налкси эрзянь келень тонавтыцясь Наумкина Галина Ивановна. Кунсолынк кевстеманть. (слайдась 21-це)
Минек буйсэ чачозь героенть лемезэ, кона васенцетнеде вейкесь, кие вастызе Ине ойнанть пингстэ минек масторонть лангс каявоманть. Сонзэ лемсэ ней лемдязь веле.
в)Тынк каршо налкси 11це тонавтницясь Ермошкина Дина. Кунсолынк кевстеманть. (слайдась 22-це)
Евтынк, мокшэрзянь народонть эпосонть лемензэ, кие сонзэ авторозо.
V. Уроконь коряс итогт. 1мин(слайдась 26-це)
Мезе од кармиде содамо собственной лемтнеде? Мекс саевить кавычкас газетань, журналонь, школань ды седе тов лемтне?
VI. Кудов заданиясь.7-це §,66-це упражнениясь (толковави, кода теемс) 2 мин
VII.Отметкань путомась.
Приложение.
Тест
1.Кона строчкань эрьва валонтень путови чевте тешксэсь?
1)сэд..га, кед..не
2)вир..не,пеел..не
3)вед..кев, вир..с
4)озим.., морков..
2.Козонь путови калгодо тешксэсь?
1)вал..юр
2)степ..сэ
3)зеп..сэ
4)вал..сюлмавкс
3.Кона валсонть весе согласнойтне калгодот?
1)ципака
2)чакш
3)столь
4)китне
4.Кона валсонть весе согласнойтне чевтеть?
1)пакся
2)пире
3)узере
4)нешке
5.Кона валтнэ сермадозь видестэ (ильведькстэме)?
1)ведсэ, вирьне
2)кедьтне, кальть
3)кустнэ, сарастнэ
4)крандазсо,недькс
6.Кона валтнэсэ гайтнеде букватнеде ламо?
1)каль
2)сеель
3)кельюр
4)юртава
7.Кона валтнэ сермадовить черькске вельде?
1)ведь..прамо
2)килей..пуло
3)атят..бабат
4)чеерень..карькс |