Учебно-методический комплекс по дисциплине история удмуртской литературы
Скачать 0.98 Mb.
|
Содержание лекций и задания для самостоятельной работыЛекциослэн пуштроссы1. Туала удмурт литература сярысь огъя валан (1970-2000-тӥ аръёс) Литератураез вакытъёслы люкон: 1985-тӥ арозь – советской; 1985-1992-тӥ аръёс – выльдӥськон-воштӥськон; 1992-тӥ арысен – берло вакыт но таин валче кылдэм ужпумъёс. «Туалалык» пумысен вераськон, литературалэн ас дырызлы тупась тодметъёсыз. Удмурт литература выльдӥськон азьын: улонэн герӟаськемез, валтӥсь жанръёс, ӝутэм ужпумъёс, конфликтъёс, героез суредан амалъёс. Литературалэн идеология улэ пачкамез но со дыре ик пӧртэм тусо луыны тыршемез (нылкышно лирика, пичи жанръем проза, драматургия). 1990-тӥ аръёсысь литература критикалэн синучконаз. Туала удмурт литературалэн Россиысь но дуннеысь пӧртэм йӧскалык литератураосын герӟаськемез, ас пушдуннезэ утьыны быгатэмез. Вопросы для самостоятельной работы (ас коже ужаны юанъёс) 1. Кыӵе воштӥськонъёс ортчизы кунамы 1970-2000-тӥ аръёсы? Кызьы соос шӧдӥськизы литератураын? 2. Маин висъясько выльдӥськон-воштӥськон вакытэ потэм текстъёс, соослэсь азьло но соос бере печатласькемъёсыныз ӵошатыса? 3. Возьматэ та вакытысь удмурт литературалэсь ӟуч но кунгожсьӧр литератураосын азинлыко кусыпъёс тупатэмзэ. Литература: Бассель Н. М. И глубже и разнообразнее. О развитии удмуртского литературоведения за 1975 год // Удмуртская правда. 1980. 27 сент. Богомолова З. А. Человек, земля, труд. Об удмуртской литературе // Волга. 1972. № 11. С. 170-183. Богомолова З. А. Туала улонлэн куремезъя // Молот. 1976. № 8. 48-50-тӥ б. Богомолова З. А. Яркыт кылын, ӟырдыт сюлмын // Сов. Удмуртия. 1976. 18 март. Богомолова З. А. Песня над Чепцой и Камой. 2-е изд., доп. М., 1981. Ванюшев В. М. Удмурт чеберлыко литература. Лекторлы юрттэт. Ижевск, 1984. Ванюшев В. М. Ӝыныё дӥсьтон аръёс: Удмурт литература 1960-80-тӥ аръёсы // Молот. 1989. № 5. 38-40-тӥ б. Вань-а асьме литератураын нылкышно ӧр?: Котырес ӝӧк // Кенеш. 1996. № 3. 3-8-тӥ б. Домокош П. История удмуртской литературы. Ижевск, 1993. Ермаков Ф. К. Удмурт литература шоры – туала синмын // Вордскем кыл. 1992. № 1. 4-15-тӥ б. Ермолаев А. А. Асьме вакытлэн тодметъёсыз // Молот. 1982. № 12. 44-46-тӥ б. Ермолаев А. А. Туннэ но ӵуказе. Ижевск, 1984. Зайцева Т. И. Характер и конфликт в современной прозе литератур народов Поволжья // Проблемы творческих связей удмуртской литературы и фольклора. Устинов, 1986. С. 140-160. Зайцева Т. И. Идеал и реальность. Герой и конфликт в художественной литературе народов Поволжья и Приуралья (50–80-е гг.). Ижевск, 1993. Зуева А. С. Поэтика удмуртского романа. Ижевск, 1984. Зуева А. С. Усьтӥсько выль инвисъёс. Ижевск, 1992. Зуева А. С. Удмуртская литература в контексте языческих и христианских традиций. Ижевск, 1997. Ившин В. Н. Чебер осконъёс // Молот. 1988. № 4. 50-52-тӥ б. История удмуртской советской литературы. Ижевск, 1988. Т. 2. Кралина Н. П. Огӵош вамыштӥськом: 1985-тӥ ар ӵоже потэм удмурт проза сярысь // Молот. 1986. № 3. 46-47-тӥ б. Лаптев А. М. Ыштэм луонлыкъёс: Удмурт верос 1980-тӥ аръёсы // Молот. 1986. № 11. 32-38-тӥ б. Малые жанры прозы в литературе народов Поволжья и Приуралья: Сб. статей. Ижевск, 1989. От съезда к съезду. Литературные материалы о работе писательской организации. Ижевск, 1984. Перевозчиков Г. К. Чебер-а пушъе литературамы // Сов. Удмуртия. 1981. 29 янв. Пономарёв К. А. Улонлэн ӧраз // Молот. 1975. № 1. 3-5-тӥ б. Современная удмуртская проза. Статьи, рецензии, обзоры / Сост. Т. А. Полторацкая. Ижевск, 1981. Туала удмурт литература сярысь малпанъёс // Кенеш. 1997. № 1. 49-51-ти б. Туала удмурт литература сярысь малпанъёс // Кенеш. 2002. № 1. 66-70-тӥ б. Уваров А. Н. Писательлэн дано нимыз // Сов. Удмуртия. 1987. 30 июль. Удмуртская литература ХХ века: основные тенденции и направления. (Удмурт литература ХХ дауре: будон сюресэз но азинскон ӧръёсыз). Ижевск, 1999. Шибанов В. Л. Мар вите асьмеды азьпалан // Кенеш. 1995. № 4. 49-50-тӥ б. Шибанов В. Л. Зигзаги современности, или ростки этнофутуризма в удмуртской литературе // Литературная Россия. 2002. 14 сент. С. 10-11. Шкляев А. Г. Времена жизни – времена литературы. Ижевск, 1992. 2. С. А. Самсонов. Улон но ужан сюресэз, туала удмурт литератураын интыез Семен Александрович Самсонов (1931–1993). Гожъяськон сюрессэ вакытъёслы люкыса эскерыны тыршон (1950-65; 1965-89; 1989-93), творчествоез пумысен пӧртэм дунъетъёс но вераськонъёс (З. Богомолова, А. Шкляев, Т. Зайцева но мукетъёсыз). Литературае пыремез, очеркъёс бордын ужамез, очеркъёсызлэн пуштроссы, поэтиказы, жанр ласянь аспӧртэмлыксы («Азьлане сюрес» (1959), «Адямилы но бурдъёс кулэ» (1988), «Гурезез ӝужыт, ошмесэз кезьыт» (1988). С. Самсоновлэн удмурт литератураез жанр но проблематика ласянь выльдыны сюлмаськемез, исторической, производственной, документальной, очерковой, детективной, «путевой» но мукет проза кылдытэмез. «Тугаськем бугор» (1967) повестьлэн поэтикаез, отын ӝутэм ужпумъёс. «Кам вадьсын гудыръя» (1969) – нылпиослы сӥзем книга. «Яратӥсько тонэ» (1965) повесть но «Дыдыкъёс бус пӧлы уг йыромо» (1979) роман – выльдӥськон азьын удмурт литературалэсь жанр, герой, конфликт, стиль но мукет ласянь валтӥсь тодметъёссэ шараясь книгаос. Ӟуч производственной прозаен но драматургиен герӟаськемзы (В. Кожевников, М. Колесников, А. Гельман). «Выжыкыл ӧвӧл та» документальной повестьын история, ож но нылкышно ужпумъёсты ӝутыны тыршон. 1990-тӥ аръёсысь удмурт литература но С. Самсоновлэн кык берло повестьёсыз («Вужер», «Гожтӥсько тыныд со пал дуннее»). Выль утчанъёс, дунне шӧдонэзлэн воштӥськемез. С. Самсоновлэн творчествоезлэн удмурт прозаын интыез. Вопросы для самостоятельной работы (ас коже ужаны юанъёс) 1. Нималэ С. А. Самсоновлэн гожъяськон удысысьтыз ас вакытсэ возьматӥсь тодметъёсты. 2. Кыӵе жанръёс С. А. Самсоновлэн творчествояз валтӥсь инты басьто? Маин со герӟаськемын? 3. Ӵошатэ пӧртэм аръёсы С. Самсонов сярысь гожтэм дунъетъёсты но вералэ, кудӥз тӥледлы матынгес луэ? 4. Кин туала удмурт прозаын азинтэ С. Самсоновлэсь йылолъёссэ? Литература: Блинов А. Д. Радость открытия. М., 1982. С. 114–126. Блинов А. Д. Вера в человека: Штрихи к портрету Семена Самсонова // Лит. Россия. 1981. 28 авг. Богомолова З. А. Как эхо долины родной. Ижевск, 1983. С. 260-265. Богомолова З. А. Понимать связь времен // Удм. правда. 1991. 16 окт. Богомолова З. А. Это не сказка // Луч. 1992. № 3. С. 45–50. Власенко А. Н Героизм сельских будней // Лит. Россия. 1982. 22 окт. Власенко А. Н Расцвет. М., 1984. С. 172–177. Возняков В. Б. Шильырто писпу куаръёс // Ӟечбур. 1996. 5 сент. Воспоминания о Семене Самсонове: Статьи, воспоминания, письма. Ижевск, 2000. Емельянов Л. П. Трудно говорить о нем в прошедшем времени // Удм. правда. 1996. 3 сент. Ермаков Ф. К. Ӟечез адями уз йыромы // Молот. 1980. № 8. 45–47-тӥ б. Ермолаев А. А. Рыжая и горбатая // Дружба народов. 1973. № 5. С. 275–277. Загребин Е. Е. Адями понна // Инвожо. 1996. № 9. 46–48-тӥ б. Зайцева Т. И. Образ нашего современника в рассказах С. Самсонова // Вопросы истории и поэтики удмуртской литературы и фольклора. Ижевск, 1984. С. 89–99. Зайцева Т. И. Шедьтон но ыштон // Вордскем кыл. 1994. № 3. 12–16-тӥ б. Зайцева Т. И. Возвращаясь к писателю (К проблеме эволюции творчества С. А. Самсонова) // Удмуртская литература ХХ века: направления и тенденции развития (Удмурт литература XX дауре: будон сюресэз но азинскон ӧръёсыз). Ижевск, 1999. С. 207–216. Зайцева Т. И. Ас вакытэзлэн пиез: ваче син пуксьыса вераськон // Кенеш. 2001. № 8. 50–54-тӥ б. Каримова Г. Литература единой семьи // Детская литература. 1972. № 12. С. 27. Кравцов Ф. А. Край мой родниковый // Детская литература. 1976. № 8. С. 63–64. Кралина Н. П. Удмурт шаер сярысь мадён // Сов. Удмуртия. 1975. 13 дек. Лазарева Н. Озимь зеленеет // Лит. обозрение. 1976. № 10. С. 48. Поздеев П. К. Сюлэмезлы матысьсэ бырйыса // Дась лу!. 1974. 23 нояб. Самсонов С. А. Улэмез но творчествоез: Дышетскисьёслы но дышетӥсьёслы пособие / Дасяз Ф. К. Ермаков. Ижевск, 1996. Уваров А. Н. Мыло-кыдо аръёс // Ӟечбур. 1996. 31 авг. Ходырев Г. А. С.Самсоновез буре вайыса // Удмурт дунне. 1993. 8 сент. Ходырев Г. А. Шунды выллань – нунал азьлань: С. Самсонов сярысь сюлэмысь потэм веран // Вордскем кыл. 2001. № 8. 78–83-тӥ б. Шкляев А. Г. Ужан инты сярысь // Удмурт дунне. 1994. 22 нояб. Яшина Р. И. О повестях Семена Самсонова // Удм. правда. 1969. 17 апр. Яшина Р. И. Литературамылэн визылаз // Сов. Удмуртия. 1981. 1 сент. 3. Г. К. Перевощиков. Аспортэмлыко гожъяськон сюресэз, туала улонлы сӥзем ужъёсыз Генрих Ксенофонтович Перевощиков (1937). Биографиез, улонысьтыз яркыт суредъёс. Туалалыкез но туала улонэз писатель синмын сэрттыны-пертчыны тыршемез, улонысь ужпумъёсты литература амалэн выльдон, умоятон понна сюлмаськемез. Литература удысын ассэ утчамез, нылпиослы но егитъёслы сӥзем нырысь ужъёсыз («Тӧдьы гырлы», 1960; «Омырын Меркушев», 1970). «Йыбыртты музъемлы» тетралогия бордын ужамез. Та вакытысь литературалэн но улонлэн тусбуйзы но туслыксы. Адямиез но ужез возьматон амалъёс. «Гужем лымы» (1984) повестьлэн ас вакытсэ «сэзъялтэмез». Критикаен но лыдӟисен та произведенилы сётэм дунъетъёс (В. Туганаев, Р. Яшина, А. Зуева). «Гужем лымы» повестьлэн «Йӧвалег» (1989) дилогиозь вуэмез. Споръяськонъёс, утчаськонъёс. Улонлэн кужымез, астэ ачид быдтон ужпумъёс дилогилэн пуштросаз. 1990-тӥ аръёсы гожтэм ужъёсыз: «Тӧдьы куака» роман, «Сюлэмтэм дунне» повестьёсын трилогия, «Шелеп» повесть. Писательлэн кылсуред, пушсузьет, огъя кылчеберет кылдытон амалъёсты выльдыны тыршемез. 1990-тӥ аръёсысь критика Генрих Перевощиковлэн творчествоез сярысь. Вопросы для самостоятельной работы (ас коже ужаны юанъёс) 1. Шаерысьтымы кыӵе социальной, политической но экономической ужпумъёс сэрттэмын-пертчемын Г. Перевощиковлэн 1980-тӥ но 1990-тӥ аръёсы гожтэм произведениосаз? 2. Кыӵе сямъёсынызы ог-огзылы матын луо пӧртэм вакытъёсысь геройёс Николай Никитин, Роман Овчинников, Иван Ушаков но Андрей Соловьёв? 3. Кыӵе чеберлыко амалъёс пыр усьтэ Г. Перевощиков геройлэсь пушдуннезэ? Нимысьтыз чаклалэ диалогъёсты, «уйбыртон» амалэз, ассэ ачиз быдтон калэ вуэм адямилэсь бугырес малпанъёссэ. 4. Дасялэ вакчияк ивортон Г. Перевощиковлэн удмурт кыллэсь чылкытлыксэ утен бордын тыршемез сярысь. Литература: Богомолова З. А. Роман поиска решений // Перевощиков Г. Поклонись земле. Ижевск. 1983. С. 3–10. Богомолова З. А. Как наше слово отзовется // Литературная Удмуртия. 1994. 27 окт. С. 13. Богомолова З. А. Быръем сюресэз ӧз поя // Вордскем кыл. 1997. № 4. 45–50-тӥ б. Вахрушев В. М. Диалектизмы в произведениях Г. К. Перевощикова // Вопросы удмуртской диалектологии и ономастики. Ижевск. 1983.С. 5–35. Емельянов В. И. Быть человеком // Г. Перевощиков. Гололед. Ижевск, 1991. С. 378–383. Ермаков Ф. К.Тодмо геройёсын пумиськон // Сов. Удмуртия. 1980. 22 июнь. Ермаков Ф. К. Тулкымлы пумит // Сов. Удмуртия. 1982. 17 янв. Ермаков Ф. К. Книгаосаз – асьме вакыт // Молот. 1988. № 12. 49–51-тӥ б. Зайцева Т. И. «Гужем лымы» но «Йӧвалег» // Вордскем кыл. 1994. № 2. 39–43-тӥ б. Зуева А. С. Связь поколений // Удм. правда. 1979. 28 янв. Зуева А. С. Югыт ӟардонъёс // Молот. 1981. № 11. 52–54-тӥ б. Зуева А. С. Туала героез утчаса // Молот.1985. № 1. 41–42-тӥ б. Зуева А. С. Удмуртская литература в контексте языческих и христианских традиций. Ижевск, 1997. С. 100–120. Каракулов Б. И. Музъемлы сяна, кыллы но йыбырттоно // Молот. 1984. № 7. 41-тӥ б. Кралина Н. П. Живут среди нас // Удм. правда. 1987. 29 окт. Лаптев А. М. Юн лу, адями! // Молот. 1985. № 1. 42-тӥ б. Перевощиков Г. К. «Гужем лымы» но «Йӧвалег» пумысен куд-ог малпанъёс // Кенеш. 1994. № 7. 62-тӥ б. Пумозяз-а быдэсмемын малпан?: Котырес ӝӧк // Молот. 1985. № 2. 39–41-тӥ б. Туганаев В. В. Чебер куараен кырӟам ӝож гур // Молот. 1984. № 12. 32–33-тӥ б. Пукроков Ф. П. Pеч кылын гинэ-а // Молот. 1984. № 12. 34–35-тӥ б. Ушаков Г. А. Текстообразующая роль диалектизмов и просторечных слов в произведениях художественной литературы (на материале романа Г. Перевощикова «Поклонись земле» // Вопросы диалектологии и лексикологии удмуртского языка. Ижевск, 1990. С. 126–136. Чернов П. К. Г. Перевощиков но солэн романъёсыз сярысь // Инвожо. 1996. № 7. 17–20-тӥ б. Шибанов В. Л. «Тӥрен» коть «тӥртэк» // Кенеш. 2001. № 10. 53–61-тӥ б. Шибанов В. Л. Туала улон: визылъёс но муркожъёс // Вордскем кыл. 2002. № 1. 55–63-тӥ б. 4. П. К. Чернов – писатель, журналист, мерлыко улонэз радъясь Петр Константинович Чернов (1936–2000). МГУ-ын журналистлы дышетскемез, «Дась лу!» газетын но «Молот» журналын ужамез. Чеберлыко произведениосаз ас улон сюресэзлэн пыӵамез (автобиографизм но автопсихологизм), гожъяськон удысэзлэн таин герӟаськем пӧртэмлыкъёсыз, кужмо но ляб интыосыз. Нылпиослы сӥзем «Кион кар» (1970) трилогия, нравственной ужпумъёсты сэрттэмез-пертчемез. «Лыз яг» (1969), «Дор» (1985) книгаосаз улонысь тырмымтэосты возьматон. «Атай музъем» (1983) очеркъёсын книгаез. «Кыклэн огез» (1986) повестьын литератураез улонэн мултэсгес герӟаны выремез. «Тулысысен сӥзьылозь» (1989) роман, кылсуред кылдытонын публицистикалэн интыез. Удмурт литератураын «производственной» прозалэн лыдӟисьсэ ыштэмез, выль гожъяськон амалъёс кулэ каремез. «Егит дыр кырӟанъёс» (1991–1997) тодэ ваёнъёсын повесть. Удмурт интеллигенцилэн улонэз сярысь аспӧртэм чакланъёс. Вопросы для самостоятельной работы (ас коже ужаны юанъёс) 1. Маин валэктыны луоно удмурт литературоведенилэсь П. Черновез, Г. Перевощиковез но С. Самсоновез одӥг радэ пуктыса эскеремзэ? 2. П. Черновлэсь «Лыз яг», «Кион кар» повестьёссэ но «Егит дыр кырӟанъёс» тодэ ваенъёссэ лыдӟелэ но шедьтэлэ огкадь интыоссэ? Та произведениос вылэ пыкиськыса валэктэ, ма со биграфической контекст? 3. Возьматэ «Тулысысен сӥзьылозь» романысь публицистикалэсь интызэ; валэктэ авторлэсь лыдӟисеныз меӵак вераськонэ потон мугъёссэ. Литература: Африканов В. Чем измеряется человечность? // Лит. Россия. 1988. 4 нояб. С.14. Богомолова З. А. Зеркало времени: к 60-летию писателя П. К. Чернова // Удм. правда. 1996. 16 июля. Ванюшев В. М. Малы-о шеп кузьыт? // Молот. 1978. № 8. 47–49-тӥ б. Ванюшев В. М. Улон бугор: Тугаев, Мадьяров но мукетъёсыз // Сов. Удмуртия. 1990. 26 окт. Ванюшев В. М. Художественное своеобразие повести П. Чернова «Егит дыр кырӟанъёс» // Четвертая российская университетско-академическая конференция. Тезисы докладов. Ижевск, 1999. С. 155–156. Ч. 3. Виноградова Е. М. Дормес яратыны кулэ // Сов. Удмуртия. 1986. 2 окт. Виноградова Е. М. Валче огазеяськыса // Дась лу!. 1988. 29 апр. Головченко Л. С. Нылпиослы – нылпиос сярысь // Молот. 1984. № 5. 49-тӥ б. Демьянов А. И. До берега еще далеко. О писателе П. Чернове // Известия Удм. Республики. 1996. 18 июля. Демьянов А. И. Лошадь белая в поле черном // Известия Удмуртской Республики. 2000. 5 сент. Ермолаев А. А. Дор сярысь сюлмаськыса // Дась лу! 1982. 20 нояб. Ермолаев А. А. Буйгасьтэм сюлэм // Дась лу! 1986. 12 июль. Ермолаев А. А. П. Чернов: штрихи к портрету писателя лауреата Гос. Премии УАССР 1990 г. // Удм. правда. 1990. 4 декабря. Ермолаев А. А. «Вератэк сюлэм уг чида…» Писательлы П. Черновлы – 60 // Удмурт дунне. 1996. 18 июль. Житков А. Доброе пополнение // Комсомолец Удмуртии. 1980. 18 окт. Кралина Н. П. Веттасько тыр шепъёс // Молот. 1986. № 7. 48–49-тӥ б. Поздеев П. К., Чернов П. К. Ӵыдонтэм яратонэз – чеберлыко литература: ваче син пуксьыса вераськон // Кенеш. 1996. № 7. 20–25-тӥ б. Решитько М. В. Песня – душа народа (Удмуртские песни в произведениях П. Чернова) // Литературная Удмуртия: Спец выпуск «Удмурт дунне». 1994. 27 окт.С.15. Яшина Р. И. Чидан чигымтэ // Кенеш. 1992. № 1. 53–55-тӥ б. 5. Никвлад Самсонов. Творческой сюресэз, туала удмурт литературае выль амалъёс пыртэмез Владимир Яковлевич Самсонов (1946–2002). Улон сюресэз. Егит кужымъёсты дасян бордын тыршемез («Пурга кизилиос» нылпи школа). 1980-ти аръёсы потэм книгаосызлэн идеология но эстетика ласянь ас вакытэнызы герӟаськемзы («Кызаузыос», 1980; «Льӧмпу сяськая лымыяку», 1983). Ас куаразэ утчамез, гожъян ужъёсызлэн кыл ласянь узыр луэмзы. Верос жанр бордын ужамез, драматической мылкыд кылдытыны быгатэмез («Лыз наличникъёс», «Ӵӧж но ӵӧжпиос»). Пичи жанръем гожтосъёс (миниатюра) бордын тыршемез, вакчи гердо сузьетъёсыз. Ӟуч гожъяськись В. Шукшинлэсь вакчи верос бордын ужаны дышетскемез. Адями но инкуазь кусыпъёс сярысь чеберлыко литературалэн амалъёсыныз лэчыт вераськон ӝутэмез. Пьесаосыз («Шундыберганъёс») но отын ӝутэм ужпумъёс. «Адӟон» (1989) повесть – удмурт литература понна выль, кема возьмам но со дыре ик дышымтэ, выль эскеремез кулэ карись чеберлыко произведение. Адями но вакыт, миф но история. Мифъёс пыр нравственной но философской ужпумъёсты эскерон. Оберъянлэн образэз. Книгаын юморлэн (иронилэн) аспӧртэмлыкез. «Агбай» роман (1996). Выль героез утчаны тыршон. Ыштонъёс но шедьтонъёс. Вопросы для самостоятельной работы (ас коже ужаны юанъёс) 1. Сётэлэ огъя дунъет Никвлад Самсоновлэн чеберлыко гожъяськон удысын тыршемезлы. 2. Мар выльзэ ваизы удмурт верос жанре Никвлад Самсоновлэн вакчи гожтосъёсыз? Малы «Чечег йӧэз быжыныз пильылыку» ужзэ автор огаз учыре верос шуэ, мукетаз – повесть? Мар бордын кужымез та гожтослэн? 3. Кызьы «Адӟон» повестьын огинэ вуо миф но история, вашкалалык но туалалык? 4. Кыӵе гожтосъёсыз тужгес но яркыт возьмато Никвлад Самсоновлэсь инкуазьлы матын луэмзэ? Кыӵе финн-угор писательёсын ӵошатыны луоно та ужъёсты? Литература: Архипов Т. А. Маин жингресэсь «Чингыли гуръёс» // Молот. 1977. № 3. 48–53-тӥ б. Богомолова З. А.Чильтэро укно // Кенеш. 1994. № 11. 52–58-тӥ б. Богомолова З. А. «Время сталь перекусывать…» Так говорят удмурты, когда речь идет о возмужании человека // Удм. правда. 1996. 27 нояб. Виноградова Е. М. Шундыё нуналлы оскыса // Сов. Удмуртия. 1987. 23 авг. Гильмаев А. Сюлмасько, нюръясько // Молот. 1988. № 6. 52–54-тӥ б. Грязев Г. Г. Сяськая-а льӧмпу лымыяку? // Сов. Удмуртия. 1984. 28 апр. Ермаков Ф. К. Чингыли гуръёс // Сов. Удмуртия. 1976. 30 окт. Ермаков Ф. К. Кызаузыос // Сов. Удмуртия. 1981. 25 март. Ермаков Ф. К. Автор задушевных произведений // Никвлад Самсонов. Веросъёс=Рассказы. Ижевск. 2002. С. 100–134. Зайцева Т. И. Конфликт в современном удмуртском рассказе (размышления о прозе молодых) // Малые жанры прозы в литературе народов Поволжья и Приуралья. Ижевск, 1989. С. 84–105. Зайцева Т. И. Геройёссэ котырысьтыз шедьтэ // Кенеш. 1996. № 11–12. 17–20-тӥ б. Зайцева Т. И. Человек, земля, труд // Удм. правда. 1996. 25 сент. Ломагин К. Е. Вань мылкыдыз – гуртъёс понна // Сов. Удмуртия. 1990. 1 марта. Пушина-Благинина С. П. Пасека на границе (В гостях у писателя Н. Самсонова) // Удм. правда. 1993. 6 окт. Самсонов Н. «Выжыеным мон Тылоысь…» // Дась лу! 1989. 30 авг. Самсонов Н. «Югытсэ азьланяз уг адӟиськы» // Ӟечбур! 1996. 2 нояб. Сергеев В. В. Ньыль книгаос, ньыль кызьпуос… Н. Самсоновлы гожтэт // Сов. Удмуртия. 1988. 17 сент. Чернов П. К. Ужаны жадёно ӧвӧл: Егитъёслэн творчествозы сярысь // Молот. 1981. № 4. 42–43-тӥ б. Чернова Т. Н. Пукись вуэз но поръятоз // Удмурт дунне. 1996. 5 нояб. Шкляев А. Г. «Араны егит муртъёс лыктозы…» // Араны егит муртъёс лыктозы. Критика: статьяос, очеркъёс, рецензиос. Устинов, 1986. 133–138-тӥ б. Шкляев А. Г. Пичильтык жанрен трос верамед // Инвожо. 1996. № 11–12. 26–27-тӥ б. Яшина Р. И. В неоплатном долгу // Удм. правда. 1988. 6 янв. Яшина Р. И. Адямиосыз валаны сюлмаськон // Кенеш. 1992. № 7. 56–58-тӥ б. 6. О. Г. Четкарёв. Удмурт литератураын ас сюрессэ утчамез, ас куаразэ шедьтэмез Олег Геннадьевич Четкарёв (1955). Улон сюресысьтыз яркыт суредъёс. Быдэс творчествоез пыр ортчись тема – гурт но город вискы сюрем адямиез эскерон, солэсь маргинальной пушдуннезэ усьтыны тыршон. Нылпиослы но егитъёслы сӥзем книгаосыз («Мон ворми тонэ, тӧл» (1982), «Выж герӟа ярдуръёсты» (1985). Творчествоезлэн нырысетӥ вакытэзлэн аспӧртэмлыкез. Дунне шоры учкемезлэн воштӥськемез но выль ӧре кожемез. «Чагыр но дыдык…» (1989), «Кыӵес» (1991) повестьёсысь маргинальной герой. Текстъёслэсь пушсузьетъёссэс быгатыса радъямез, удмурт прозаын выль луонлыкъёс шедьтэмез. Чингиз Айтматовлэсь йылолъёссэ уже кутэмез. Реализмез но условностез, фольклорез но мифез артэ вуттэмез, огинэ герӟаны быгатэмез. «Пиртэш толэзь» романын фантастикалэн интыез. Критикъёс но тодосчиос О. Четкаревлэн творчествоез сярысь. Вопросы для самостоятельной работы (ас коже ужаны юанъёс) 1. Пусъелэ О. Четкарёвлэн прозаезлэсь валтӥсь тодметъёссэ? 2. Маин луэ герӟаны О. Четкарёвлэн гуртысь потэм геройёсызлэсь – Конди, Гирыш, Санко но мукетъёсыз – городын асьсэлы инты шедьтымтэзэс? 3. Кыӵе бадӟым писательёслэсь дышетскиз О. Четкарёв? Кызьы со шӧдӥське О. Четкарёвлэн книгаосаз? 4. Маин висъясько ог-огзылэсь О. Четкарёвлэн творчествоезлы дунъет сетӥсь статьяос? Литература: Архипов Т. А. Новые дали // Удм. правда. 1982. 1 янв. Богомолова З. А. Первая борозда // Комсомолец Удмуртии. 1983. 9 июля. Богомолова З. А. Гримаса времени // Удм. правда. 1992. 24 сент. Богомолова З. А. Улон тубатлэн лёгетъёсыз // Инвожо. 1993. № 4. 3–7-тӥ б. Богомолова З. А. «Бьется любовью к людям сердце мастера» // Удм. правда. 1994. 14 сент. Гаврилова М. В. Дыдыкъёс лекесь уг луо // Сов. Удмуртия. 1990. 12 авг. Емельянова О. Человек многое должен уметь // Комсомолец Удмуртии. 1983. 9 июля. Ермаков Ф. К. Егитъёс сярысь повесть // Сов. Удмуртия. 1985. 25 май. Зайцева Т. И. О. Четкарёвлэн творчествояз – туала вакыт // Вордскем кыл. 2001. № 9. 23–32-тӥ б. Звонарева Л. Вера, надежда и поддержка // Детская литература. 1987. № 12. С. 35–38. Лаптев А. М. Вубергась асдунне // Кенеш. 1990. № 10. 43–45-тӥ б. Морозов В. Г. О. Г. Четкарёв // Завьялово ёросысь писательёслэн но поэтъёслэн творчествозы: Дышетӥсьёслы пособие. Ижевск, 1997. 79–86-тӥ б. Ходырев Г. А. Мон ворми тонэ, тӧл // Сов. Удмуртия. 1983. 5 март. Четкарёв О. Г. «Верос гожъясьёс ӧжытгес кылизы…» // Дась лу! 1991. 28 авг. Шибанов В. Л. Привязанный голубь, или размышления о молодой удмуртской прозе // Удм. правда. 1994. 26 окт. Шуртаков С. Больше творческой дерзости // Москов. литератор. 1984. 25 мая. 7. В. Ар-Серги – прозаик, драматург, кылбурчи но берыктӥсь Вячеслав Витальевич Сергеев (1962). Улон но гожъяськон сюресэз, Россиысь валтӥсь писательёсын оградэ султэмез, туала удмурт литератураез пӧртэм жанръёсын узырмытэмез. Туала удмурт литератураын верос жанрлэсь выль луонлыкъёссэ улӟытэмез, пӧртэм буёлъёс пыр адямилэсь мылкыдзэ суреданы быгатэмез. Нырысетӥ веросъёсыз пумысен критикаын ӝутэм вераськон. Веросъёсаз ӟуч гожъяськись В. Шукшинлэн утчаськонъёсызлэн шӧдӥськемез, бадӟым пичи суредъёс пыр бадӟым малпанъёс возьматыны дышетскемез. Творчествоезлэн азинскемез, будон «висёнъёсыз», гожъяськон сямызлэн узырмемез, кужмоямез. «Лыдъя, лыдъя, кикые» (1988), «Гурезё сюрес» (1986), «Уйвӧтын усе лымы»(1987), «Тулкымъёс вылын пыжед» (1993) повестьёсаз ӝутэм нравственной ужпумъёс. Гожъяськон манерызлэн аспӧртэмлыко психологизмез, удмурт психологической прозалэсь ӧрзэ азинтэмез. Драматургия удысын азинсконъёсыз («Тонэ кожай вал юг дыдык», удмурт кино бордын ужамез («Тень Алангасара»). 1990-тӥ аръёсы потэм книгаосыз. «Уй вадьсын – бубылиос» романаз выль чеберлыко амалъёс кутэмез. Профессинальной писатель луыса ужамез, берыктон удысын тыршемез, лыдӟисьёсын кусып воземез но литературно-общественной улонэ пыриськемез. Вопросы для самостоятельной работы (ас коже ужаны юанъёс) 1. Вералэ, кыӵе пӧртэм жанръёс бордын ужа Вячеслав Ар-Серги? Маин сое валэктыны луэ? 2. Творчествоезлэсь кыӵе аспӧртэмлыкъёссэ висъязы критикъёс, Ар-Сергилэсь нырысетӥ гожтосъёссэ дунъякузы? 3. Кыӵе выль луонлыкъёсыз усьтӥськизы Ар-Сергилэн 1990-тӥ аръёсы? Возьматэ прозаез вылын, кызьы воштӥськиз егит авторлэн дуннешӧдонэз? 4. Кыӵе инты басьто Ар-Сергилэн пьесаосыз туала удмурт драматургиын? Литература Бадретдинов У. Ш. Тылгизьы мур пуромоз // Сов Удмуртия. 1986. 2 май. Богомолова З. А. У него своя судьба и свой голос // Удм. правда. 2000. 21 марта. Ванюшев В. М. Кикы лыдъя арлыдъёсты // Молот. 1988. № 11. 48–50-тӥ б. Ванюшев В. М. Вакытъёсты герӟа малпан // Сов. Удмуртия. 1988. 12 окт. Ванюшев В. М. Точка роста (о рассказах и коротких повестях Вячеслава Сергеева) // Малые жанры прозы в литературах народов Поволжья и Приуралья. Ижевск, 1989. С. 106–120. Демьянов А. И. В огне брода нет // Известия Удм. Республики. 1999. 11 нояб. Ермолаев А. А. Мар дуно асьмелы // А. Ермолаев. Туннэ но ӵуказе. Ижевск, 1984. 177–186-тӥ б. Ермолаев А. А. В. Сергеевлэн веросъёсыз сярысь // Молот. 1984. № 4. 26–27-тӥ б. Зайцева Т. И. Конфликт в современном удмуртском рассказе (размышления о прозе молодых) // Малые жанры прозы в литературах народов Поволжья и Приуралья. Ижевск, 1989. С.101–103. Захаров П. М. Куараез юнма // Сов. Удмуртия. 1989. 16 июня. Клименко А. Творческой сюресэзлы 20 ар // Ӟечбур! 1998. 16 апр. Ломагин К. Е. Вячеслав Ар-Серги // Удмурт дунне. 1992. 19 дек. Котков В. В. Вячеслав Сергеев: о творчестве удмуртского прозаика // Комсомолец Удмуртии. 1988. 1 окт. Мамонтова Г. В. Ар-Сергилэсь произведениоссэ школаын дышетонъя куд-ог урокъёс // Вордскем кыл. 2001. № 5. 28–35-тӥ б. Матвеев С. В. Нырысетӥ предложение шеде ке… // Дась лу! 1989. 4 янв. Морозов В. Г. Вячеслав Витальевич Сергеев // Завьялово ёросысь писательёслэн но поэтъёслэн творчествозы: Дышетӥсьёслы пособие. Ижевск, 1997. 47–58-тӥ б. Пукроков Ф. П. В сложностях и противоречиях // Удм. правда. 1987. 21 июля. Романов В. В. Знакомьтесь: Вячеслав Сергеев // Комсомолец Удмуртии. 1986. 18 сент. Сергеев В. В. «Я видел свет других веков…» // Известия Удм. Республики. 1994. 19 февр. Сергеев В. В. И чудо на блюде несут… // Удм. правда. 1994. 11 февр. Пушина-Благинина С. П. «Я пришел в этот мир – жизнь моя, как тельняшка» // Пригородные вести. 1996. 16 февр. Федотов М. И. Капчи-а гурезе сюрес // Сов. Удмуртия. 1988. 4 июль. Шибанов В. Л. Калык йылолъёсты утьыны ӧте // Молот. 1987. № 7. 55–56-тӥ б. Шибанов В. Л. Стихи прозаика В. Ар-Серги // Удмуртская правда. 2001. 21 нояб. 8. Удмурт драматургия но театр 1970–2000-тӥ аръёсы. Азинсконъёс, воштӥськонъёс Удмурт драматургия, солэн удмурт литературалэн азинскон сюресаз интыез. Москваын но Уфаын артистъёсты дасян йылолъёслэн театрын шӧдӥськемзы. Удмурт драмтеатрлэн сцена вылаз туала улонлы сӥзем ужьёс. Анатолий Григорьевлэн, Никвлад Самсоновлэн, Фатых Пукроковлэн тужгес но тодмо луэм пьесаоссы. Выльдӥськон ортчем бере исторической жанръёслэн нырысетӥ радэ потэмзы (П. Захаров «Эбга», Е. Загребин «Эш-Тэрек»). Удмурт прозаикъёслэн пьесаос бордын ужамзы, пӧртэм жанръёс кылдытыны тыршемзы. Кузебай Гердлы сӥзем драматической конкурс но отчы вуэм ужъёс (Е. Загребин, А. Шкляев, А. Уваров но мукетъёсыз). Театрлэн выль вакытэ улыны дышетскемез. Театр но коммерция: умой но урод палъёсыз. Удмурт кылэ берыктыса пуктэм спектакльёс, азьло аръёсысь текстъёсты выль сямен чузъяськытон. ӟуч авторъёсъя (А. Островский, А. Вампилов) но кунгожсьӧр авторъёсъя (Еврипид, Килпинен) быгатыса возьматэм ужъёс. Вопросы для самостоятельной работы (ас коже ужаны юанъёс) 1. Кыӵе жанръёс азьпал радэ потӥзы туала удмурт драматургиын? Маин сое герӟаны луоно? 2. Кудъёсыз поэтъёс но прозаикъёс басьтӥськылӥзы пьесаос кылдытон борды? Кызьы малпаськоды, удмурт драматургия понна таӵе утчанъёс вормонъёсын яке ыштонъёсын берытско? 3. Кудъёссэ удмурт кылэ берыктэм пьесаосты тужгес но вылӥ дунъязы театральной критикъёс? Мар ӟечез отын удмурт лулчеберет понна пусъемын вал? 4. Кыӵе учкем спектакле тӥ выльысь жалятэк мынысалды на? Соин валче котырес ӝӧк люкаса, кыӵе вараськон ӝутысалды? Литература: Айтуганова Л. Д. Ма сярысь вера «Эш-Тэрек» // Удмурт дунне. 1997. 15 май. Александрова Ю. М. Театр улэ, театр ужа // Удмурт дунне. 1996. 6 февр. Александрова Ю. М. Девочка пела в десятом ряду… Ижевск вечерний. 2000. 7 апреля. С.11. Ардашева Т. И. Действие происходит в наши дни // Многонациональный театр России. М.,1980. С. 207–219. Ардашева Т. И. Традиции и современность // Удмуртская правда. 1980. 19 октября. Ардашева Т. И. Предмет забот, огорчений, радости // Театральная жизнь. 1984. № 23. С. 10–11. Ардашева Т. И. В поиске // Удмуртская правда. 1990. 11 янв. Ардашева Т. И. Минул еще один сезон // Удмуртская правда. 1993. 21 мая. Ардашева Т. И. Драматург рождается в театре // Удмуртская правда. 1995. 30 мая. Баймурзин В. Коркамы куашкамтэ на… // Удмурт дунне. 1993. 27 март. Безымянов В. Драматург и прозаик // Удмуртская правда. 1997. 2 июля. Богомолова З. А. Шокатэк кадь учким // Удмурт дунне. 2000. 16 май. Ведрова О. А. Малпаськонэ усёно // Сов. Удмуртия. 1991. 29 окт. Веретенников Г. В. Творческий путь // Удмуртская правда. 1971. 21 февр. Виноградов С. Н. Возьматэ висёнъёсмес // Удмурт дунне. 1992. 8 дек. Виноградова Е. М. Нырысьсэ! Удмурт театрын пуктэмын удмурт выжыкыл-пьеса // Удмурт дунне. 1994. 10 март. Владыкина Т. Г. Уже не сказка // Удмуртская правда. 1993. 23 марта. Гаврилова М. В. Эмезь кисьмаку… // Удмурт дунне. 1994. 22 нояб. Гаврилова М. В. Быдэс дунне – театр // Удмурт дунне. 1997. 18 февр. Гаврилова М. В. Выль синмын учкемын // Удмурт дунне. 1999. 30 апреля. Григорьев А. Л. Ортчемзэ чотаса вордӥсько малпанъёс // Молот. 1987. № 7. 24–26-тӥ б. Голдовский Б. С Камой еще сильнее // Театральная жизнь. 1982. № 14. С.26–28. Гуннарссон Х. Оскисько Удмурт театрлэн ӝутсконэзлы // Удмурт дунне. 1995. 25 март. Евсеева А. Я. Смеяться, право, не грешно // Удм. правда. 1992. 14 февр. Евсеева А. Я. Был расцвет, теперь застой // Удм. правда. 1996. 7 февр. Евсеева А. Я. Новые актеры, новые спектакли // Удм. правда. 1997. 29 окт. Евсеева А. Я. Жаркая пора гастролей // Удм. правда. 1998. 14 июля. Евсеева А. Я. Пӧсь нуналъёс вуизы // Удмурт дунне. 2000. 6 июнь. Евсеева А. Я. Удмурт элькунысь национальной театр: вордскем нуналэныд, яратоно театрмы. Ижевск, 2001. Загребин Е. Е. Кызьы потоно шуг югдурысь? // Молот. 1981. № 6. 50–51-тӥ б. Загребин Е. Е. Ӧте удмурт театр // Сов. Удмуртия. 1987. 30 окт. Загребин Е. Е. Катанчиез пытсаса // Сов. Удмуртия. 1991. 13 мая. Загребин Е. Е. Вай кидэ, эше! // Удмурт дунне. 1992. 16 окт. Загребин Е. Е. Тревоги и радости // Удм. правда. 1992. 22 окт. Зайцева Т. И. «Делай, что должно, и пусть будет, что будет» // Удм. правда. 1997. 4 нояб. Зуева А. С. Богатые тоже плачут // Удм. правда. 2000. 31 мая. Ивашкин В. М. Яркытэсь образъёс // Дась лу! 1972. 15 янв. Измайлова А. С. От поколения к поколению // Удм. правда. 1985. 8 мая. Измайлова А. С. С кулаками против зла // Удм. правда. 1986. 4 июля. Измайлова А. С. Пасечник и драматург // Известия Удмуртской. Республики. 1997. 10 июля. Корнован Н., Говорухо А. Дышетскытэк улыны уг яра // Удмурт дунне. 1993. 11 дек. Кралина Н. П. Театрлэн огазеясь кужымез // Сов. Удмуртия. 1972. 6 авг. Кралина Н. П. Театр но драматург // Молот. 1975. № 9. 33–35-тӥ б. Кралина Н. П. Тулыс зор емышъёс // Кенеш. 1991. № 3. 55–57-тӥ б. Куликов П. В. Артист ке тон… // Сов. Удмуртия. 1977. 15 февр. Лебедева Н. Н. Букет роз из Суоми // Удм. правда. 1993. 20 апр. Лебедева Н. Н. Продолжая традиции // Удм. правда. 1993. 4 нояб. Лебедева Н. Н. Режиссер из Норвегии // Удм. правда. 1995. 1 апр. Лепковская Е. К. Экзамен каждый день: записки театрального педагога. Ижевск, 1978. Лепковская Е. Дышетске, тодэ! // Молот. 1982. № 2. 51-тӥ б. Ложкин В. В. Удмуртский театр: исторический очерк. Ижевск, 1981. Ложкин В. В. Геройёс кыдало нюръяськонын // Сов. Удмуртия. 1981. 27 окт. Ложкин В. В. Улонысьтымы кырсезлы пумит // Сов. Удмуртия. 1984. 31 окт. Ложкин В. В. Духовный мир сценического героя: на материале спектаклей Удмуртского государственного драматического театра. Ижевск, 1988. Ложкин В. В. Мастера удмуртского театра: Очерки. Ижевск, 1991. Ложкин В. В. Театральное искусство Удмуртии. Ижевск, 1994. Ломшакова В. Новые дали // Удм. правда. 1982. 1 янв. Матвеев С. В. Чиданъёсты мед пилиськозы // Ӟечбур! 1992. 9 дек. Михайлов К. Калык йылолъёсты утьыса // Дась лу! 1991. 6 февр. Николаева Р. П. Трос-а кулэ шудо луон понна? // Удмурт дунне. 2001. 16 февр. Петрова Т. Н. Амалъяськон но пӧртмаськон // Сов. Удмуртия. 1986. 30 дек. Петрова Т. Н. «Айна». Ма сярысь вера крезь // Удмурт дунне. 2000. 28 марта. Пузанова Н. Н. Пьеса на экспорт // Удм. правда. 1994. 22 марта. Пузанова Н. Н. На краю пропасти // Удм. правда. 1997. 14 янв. Пукроков Ф. П. Семья юнма // Советской Удмуртия. 1985. 13 апр. Пукроков Ф. П. Театрлэн матысь эшез // Советской Удмуртия. 1987. 4 июля. Разин А. А. Паймытэ но шумпоттэ «Эбга» // Удмурт дунне. 1992. 8 дек. Романов Л. Г. Содружество культур // Удм. правда. 1972. 4 нояб. Садаева В. А. Нас где-то ждут // Театральная жизнь. 1985. № 24. С.4–5. Саушкин Б. А. Сельские маршруты // Удм. правда. 1985. 5 сент. Саушкин Б. А. Удмурт театрлэн ортчем вамышъёсыз // Вордскем кыл. 1997. № 1. 55–64-тӥ б. Саушкин Б. А. Театр вылэ вужер усиз… // Удмурт дунне. 1998. 24 янв. Саушкин Б. А. Удмурт театр. Ортчем вамышъёс. Ижевск, 2000. Сергеев В. В. Где же наши вожди? // Удм. правда. 1997. 13 мая. Самсонов Н. Кытын-о тӥ, удмурт спектакльёс? // Удмурт дунне. 1998. 5 дек. Хайдар Р. О. Шуныт зоръёс мед усёзы // Вордскем кыл. 1997. 3 3. 41–43-тӥ б. Ходырев Г. А. Ортчем сюрес дано // Дась лу! 1981. 7 нояб. Федорова Л. П. Своеобразие трагедии П. Захарова «Эбга» // Вестник удмуртского университета. 2002. № 7. С. 87–91. Шкляев А. П. Кидыс вань, му ӧвӧл // Удмурт дунне. 1998. 19 дек. Шкляев А. П. Удмурт спектакль Финляндиын // Удмурт дунне. 1994. 6 июль. |
Похожие:
 | Учебно-методический комплекс по дисциплине история удмуртской литературы... Учебно-методический комплекс предназначен для студентов факультета журналистики Удгу очной и заочной форм обучения, содержит планы,... | | Учебно-методический комплекс по дисциплине «История» Учебно-методический комплекс по дисциплине история разработан в соответствии с требованиями Федерального Государственного образовательного... |
| Учебно-методический комплекс по дисциплине «история и философия науки» И 90 Учебно-методический комплекс по учебной дисциплине «История и философия науки» для подготовки соискателей и аспирантов к сдаче... | | Учебно-методический комплекс дисциплины «История культуры и литературы стран изучаемых регионов» Учебно-методический комплекс составлен в соответствии с требованиями государственного образовательного стандарта высшего профессионального... |
| Учебно-методический комплекс дисциплины «История культуры и литературы стран изучаемых регионов» Учебно-методический комплекс составлен в соответствии с требованиями государственного образовательного стандарта высшего профессионального... | | Учебно-методический комплекс по дисциплине «История отечественного государства и права» ... |
| Рабочая программа дисциплины (модуля) История удмуртской литературы Целью освоения дисциплины является формирование у студента представлений об особенностях развития удмуртской литературы в 1917/1920-1950-е... | | Учебно-методический комплекс по дисциплине «Философия права» Учебно-методический комплекс включает учебную программу курса, учебно-тематический план, конспект лекций, планы проведения семинарских... |
| Учебно-методический комплекс по дисциплине «Информационный менеджмент» Методический комплекс включает учебную программу курса, планы проведения занятий, список основной и дополнительной рекомендуемой... | | Учебно-методический комплекс материалов по дисциплине «Философия» Учебно-методический комплекс включает учебную программу курса, планы проведения семинарских занятий, список основной и дополнительной... |
| Учебно-методический комплекс по дисциплине «история и методология... Учебно-методический комплекс разработан на основе требований Государственного образовательного стандарта высшего профессионального... | | Учебно-методический комплекс по дисциплине «право и религия» Учебно-методический комплекс включает учебную программу курса, планы проведения семинарских занятий, список основной и дополнительной... |
| Учебно-методический комплекс учебной дисциплины «Литературы народов снг» ... | | Учебно-методический комплекс учебной дисциплины «Литературы народов снг» ... |
| Учебно-методический комплекс по дисциплине «Государственная власть... Направление подготовки 030900. 62 Юриспруденция (квалификация (степень) «бакалавр») |  | Учебно-методический комплекс дисциплины Д история зарубежной литературы Х1Х века. Романтизм.: Учебно-методический комплекс дисциплины / Сост.: М. А. Ковалева; Бийский пед... |
