9-ти классын цикло-блочной системая сложной предложениосъя урок-блокъёс

9-ти классын цикло-блочной системая сложной предложениосъя урок-блокъёс. Азькыл. Обществоямы ортчись бадзымесь социально-экономической воштиськонъёс пукто выль куронъёс будись егит адямиос азе. Туала улон кулэ каре малпаськыны быгатись адямиосты , кудъёсыз асьсэос сэрттыны-пертчыны быгато кылдэм шуг-секытъёсты, ялан ужало тодон-валанзэс будэтон бордын , азьлань мыныны тыршо,огинтыязы сылон соослы уг яра. Валамон ини, сыче быгатонлыкъёс пинал адямилы пычаны кулэ, школаын дышетскыкуз ик. Озьыен, туала улон школа азе но пуктэ бадзымесь куронъёс., соин валче дышетисьёс но огинтыязы сылыны кулэ овол – ялан выльзэ но умойзэ амалъёсты утчаны но пычатыны асьсэлэн ужазы. Милям малпаммыя, одигез сыче амал – школаын цикло- блочной лабораторной технологияя ужан. 1982-ти арын, Удмурт Кун университетлэсь кылъя но литературая факультетсэ йылпумъяса, мон ужаны кутски аслам гуртам ик - Вуж Утчан шор ёзо школаын, удмурт кылъя но литературая дышетись луыса. Трос аръёс чоже нылпиосын ужаса, мон таче малпанэ вуи: пиналъёслэн дышетскон мылкыдзы арысь аре ичиёме, уката ик асьсэ понна ужан быгатонлыкъёссы туж косытэсь. Со сяна, пиналъёс урокын ожыт верасько (чемгес дышетисез кылзо) выль темаез валэктонэ но сокем уг пырисько, эскероно темая мур анализ, выводъёс – обобщениос но лэсьтыны шугъясько. Озьы, ужан амалъёсысьтымы трос портэм тырмымтэосмес лыдэ басьтыса, милям коллективмы 1999-2000-ти дышетскон арын басьтиськиз выль ужан амал борды – со, кызьы верай ини, цикло- блочной технологияя ужан. Та технологиен ми тодматскимы, Сарапулысь кыкети номеро школаысь дышетисьёслэсь ужан амалъёссэс эскерыса. Цикло-блочной системалэн аспортэмлыкъёсыз. Цикло-блочной системалэсь аспортэмлыкъёссэ азьвыл ужан амалъёсынымы чошатыса, ми нырысетиезлэсь трос кужмо палдуръёссэ пусйимы: 1) Кыче ке предметъя быдэс цикл бырытозь, пинал со предметэн гинэ выре –озьы та предметъя мургес тодон-валанъёс басьтэ. 2) Нунал куспын пиналъёс, азьвыл сямен, 5-6 портэм предметъёс бордын уг ужало ини – кык предметэн гинэ выро. Озьы пиналъёс гуртазы но кык предметъя гинэ дасясько, тросгес дыр кыле та предметъёсья ватсам литература лыдзыны. 3) Урокын пиналъёслы луонлык кылдэ куспазы вераськыса ужаны – озьы соос вераськон кылзэс волято, асьсэлэсь малпанъёссэс но шара вераны уг кышкало ни (группаосын ужан). 4) Система сётэ дышетисьлы луонлык, котькуд пиналлэсь быгатонлыкъёссэ чакласа, ужъёс бырйыны. (группаосын ужакузы но, зачётэз быдэстыкузы но). 5) Дышетись, быдэс цикл бырытозь, эскерыны быгатэ котькуд дышетскисьлэсь «вамышъёссэ»: тодэ солэсь ляб но кужмо интыоссэ, угось котькуд блок йылпумъяське зачётэн. 6) Котькуд урок-блокын пинал ужа таблицаосын, опорной конспектъёсын – выль темаез « синмыныз но адзе», 2-3 темаосты огазеяса, чошатыса эскерыны быгатэ. Школамылэн улоназ та амалэз пычатэммы бере, воштиськиз пиналъёслэн дышетскон нуналзылэн радыз но. Сое тазьы суредаса возьматыны луысал: Зарядка Нуназеян вис Нуназеян вис Урок-блок но структураезъя традиционной уроклы уг тупа - со кылдэ ньыль люкетлэсь: 1) лекция – 30 минут. 2) самопогружение – 30 минут. 3) практикум – 30 минут. 4) зачёт – 30 минут. Оглом лыдъяса, урок-блок кык час кыстиське. Кыкетиез урок-блок бырем бере, луо на кык 45 минутъем урокъёс – лабораториос. Цикло-блочной система модульной амалэн дышетонлэн одигез аспортэмлыкез луэ. Селевко Г.К. «Современные образовательные технологии» книгаяз модульной амалэн дышетон сярысь тазьы гожтэ: «Модульное обучение – такая организация учения, при которой учащиеся работают с учебной программой, составленной из модулей. Обучающим модулем называют автономную часть учебного материала, состоящую из следующих компонентов: точно сформулированная учебная цель; банк информации: собственно учебный материал в виде обучающих программ; практические занятия по формированию необходимых умений; контрольная рабата, которая соответствует целям, поставленным в данном модуле. Озьыен, милям урок-блокмы – пумозяз вуттэм модуль, малы ке шуоно со огазея модульлэсь вань кулэ луись люкетъёссэ. Урок-блоклэн люкетъёсыз. 1. Лекция урок. Таяз урокын пиналъёс тодматско выль темаен Одиг урок-блокын дышетись сётоно луэ кык-куинь выль тема, бырйыса сычеоссэ, кудъёсыз ог-огенызы юнгес герзаськемын но, кудъёссэ ваче пуктыса, чошатыса, пиналъеслы выль тема валамонгес луэ. Урок кутскыку, дышетись одно ик тодматэ пиналъёсты уроклэн темаеныз но солэн мугъёсыныз: котькуд дышетскись рос-прос мед валалоз, кыче выль тодон-валанъёс но быгатонлыкъёс басьтыны кулэ со таяз урокын - уроклэн темаосыз но валтись мугъёсыз доска вылэ гожтэмын луо. Дышетись урокез озьы нуыны тырше – пиналъёс урокын огшоры гинэ солэсь валэктэмзэ кылзыса медаз пуке, асьсэос но мылысь-кыдысь мед пыриськозы выль темаез валэктон уже. Соин ик дышетись, пиналъёслы портэм юанъёс сётъяса, проблемной ситуациос кылдытъяса, соослэсь ужан мылкыдзэс жутэ. Озьы таяз урокын, пиналъёслэн азьвыл басьтэм тодон-валанъёссы вылэ пыкиськыса, дышетись пиналъёсын чош уроклы опорной конспект кылдытэ (схемаос, таблицаос): соос юртто пинальёслы выль материалэз син азязы яркыт пуктыны, учебникысь кык-куинь параграфъёсын сётэм темаослэсь куспазы герзаськемзэс валаны но йырвизязы сое кельтыны. Соин валче асьсэос но урокын мозмыса уг пуко ни - опорной конспектэз лекционной тетрадязы гожъяло но выль темая валтись выводъёссэ но озьы ик тетрадязы пусъё. (Вераны кулэ, пиналъёс туж мылысь-кыдысь ужало лекционной тетрадьёсынызы, отысь валтись малпанъёссэ яркыт буёлъёсын пусйыло). Борысь та терадьзы соослы туж яра: татысь опорной конспектъёс юртто соослы зачетной ужъёссэс быдэсъяны но, ортчем темаосты тодазы вайыкузы но, дышетисьлэн юанъёсызлы валэктонъёс сётылыкузы но. Шуом, куатети классын «морфология» разделын, числительнойёсъя ортчемез тодэ вайыкумы, пиналъёсын чош кылдытиськомы та выллем таблица (приложениын 1-ти табл.). Та таблица бордын ужаукмы, пиналъёс одно ик тодазы ваё, кызьы ужамы вал, существительнойёслы, прилагательнойёслы таблицаос лэсьтыкумы, маин портэм числительной существительнойлэсь, прилагательнойлэсь, кыче грамматической категориоссэ числительнойлэсь пусъёно та таблцаын. Озьы, пиналъёслэн азьвыл урокъёсын басьтэм тодон-валанъёссы вылэ пыкиськыса, кылдытиськом таблица, кудиз пиналъёслы юрттоз числительной сярысь огъя тодон-валанзэс муромытыны, учебникын вить-куать параграфын сётэм материалэз огазеяны но йырсазязы числительной сярысь тужгес но кулэ луисьсэ гинэ кельтыны. Яке куатети классын ик, прилагательнойёсты ортчыкумы, «прилагательнойёслэн пормонзы» но «прилагательнойёсты шонер гожъян» темаосты огазеяса эскериськомы – озьы пиналъёс та кык темаослэсь юн герзаськемзэс умой валало но асьсэос ик дышетисьлы та выллем таблица лэсьтыны юртто. Прилагательнойёс пормо Гожтисько 1. Суффиксъёсын: -о (-ё), -эсь (-есь), -ем, -эс (-ес), -ло, -ала, -эс, -алэс, -мыт. Валче: шудтэм, шундые, лызмыт, гордалэс, пудъем. 2. Основаосты валчеяса: Синоним яке антоним луись кылъёслэсь. Буёлэз возьматись сложной прилагательнойёс. Вакчи гожен гожтисько: Шудо-буро, уло-ваё, узыё-борыё, улыно-вылыно. Нап-чуж, бездыт-вож, сьодалэс-горд. Ог кылын пормем прилагательнойёс. Сложной кыллэн кыкети люкетаз гинэ суффикс ватсаса. Валче: Огжуждаесь, огтусъемесь. Шудбуро, улваё, визьнодо. Нош тямысэти классын «висъям второстепенной членъёсын предложениос» темаез ортчыку, ужаськомы таче таблицаен (приложениын 4-ти табл.). Таиз но таблица озьы ик юрттэ пиналъёслы оглом темаез син азязы пуктыны, предложенилэн кыче второстепенной членъёсыз знакъёсын висъясько валаны но кыче одиг кадь правилоосъя висъясько определениос но обстоятельствос –сое йырсазязы кельтыны . Озьы урок-блоклэн нырысети уроказ пиналъёс, портэм темаосты огазеяса но ог-огенызы чошатыса, азьвыл басьтэм тодон-валанъёссы вылэ пыкиськыса, дышетисен чош выль темая выводъёс, обобщениос лэсьто но соосты лекционной тетрадязы гожтыса кельто. 2. Самопогружение урок. Таяз урокын пиналъёс ужало выль темаез юнматон бордын. Нырысь ик, рос-прос эскеро учебникын сётэм параграфъёсты (дышетись соосты азьло ик доска вылэ гожтыса дася). Доска вылын ик дасямын юанъёс, кудъёсызлы валэктонъёс соос шедьтозы, учебникысь материалэз лыдзыса гинэ. Пичи классъёсын (витети-куатети) параграфъёсты лыдзиськомы шара, нош бадзымъёсызгес пиналъёс ужало асьсэ понна. Собере нош ик эскеро на лекционной тетрадязы лэсьтэм опорной конспектсэс. Тае быдэстэмзы бере, выжыны луоз ини тренировочной ужъёс борды но, чемысь со учебникын дэмлам ужъёс луо. Пиналъёс ужало асьсэ понна, эскеро, макем валаллям соос темаез. (Пичи классъёсын ужаськом доска дорын но). Доска дорын ужан пиналъёслы юрттэ асьсэды эскерыны но, кылзэс волятыны но: котькудиз доска дорын ужась валэктэ ужам ужзэ, комментировать каре. Нош огъясь урок-блокын, ортчем темаосты тодэ вайыку, ужаськомы, текстъёс вылэ пыкиськыса. Текст бордын ужанлэн кулэлыкез сярысь али трос гожъяло портэм публикациосын. (Г.А.Ушаков трос ужъёссэ сизиз та темалы). Со валамон: текст бордын ужан юрттэ пиналъёслы грамматика ласянь но, стилистика ласянь но шонер, вольыт вераськыны дышетскыны. Дась текстэз кылзыкузы яке лыдзыкузы, нылпиос узырмыто кыл шыкыссэс, ужало текстын пумиськись тодмотэм кылъёслэн пуштроссы бордын, чаклало, кыче амалъёсын герзасько предложениос текстын, асьсэос но та выллем текстъёс кылдытыны дышетско. Палэнэ кельтыны уг луы созэ но : котькуд текст маке выльзэ ивортэ пиналъёслы, паськытатэ соослэсь тодон-валанъёссэс, улон шоры учкемзэс, умой сямъёс пычатэ. Витети классын, однородной членъёсын, сложной предложениосын тодматскеммы бере, пиналъёслы дэмласько таче текст. «Гоносутэр но войпу. Гоносутэр пайдаё будос. Солэн мульыосаз котьма вань сакыр портэм витаминъёс минерал сылалъёс корт фосфор. Соин эмъяло мусэз пекляез. Гоносутэрез сиё ыльын но позьтыса но. Та будосэз котькин тодэ нош войпуэз адямиос алигес будэтыны кутскизы ай. Войпулэн котьмаиз эмъяськыны яра сяськаез куарез модосэз. Сьод узвесь но ыргон кальций но калий йод но портэм кислотаос ваньмыз вань войпуын. Со котпушез суез-пыдэз синмез пелез йонатэ. Ужъёс: 1) Кулэ знакъёссэ пуктылэ но валэктэ. 2 )Сложной предложенизэ шедьтэ но членъёсъя эскере. 3) Текстлэсь темазэ, идеязэ, типсэ вералэ. 4) Кыче амалъёсын герзаськемын предложениос куспазы. Малпалэ предложениос сётэм схемаосъя: 1)А : «П?». 2) «П!»-а. 3) О!... . Пиналъёс сётэм ужъёсты быдэсто асьсэ понна, собере быдэс классэн эскериськомы, кинлэн кызьы пормем быдэстэм ужез. Та выллем текстъёс бордын ужан дышетэ пиналъёсты котырысь инкуазьмес умойгес тодыны, будосъёслэн удмурт нимъёсынызы тунсыкъяськыны, текст сярысь тодон – валанъёссэс будэтыса, асьсэлэсь но вераськон кылзэс волятыны. Озьы самопогружение урокын пиналъёс, учебникысь материал вылэ пыкиськыса но опорной сигналъёссэс уже кутыса, выль темая тодон-валанъёссэс юнмато. 3. Практикум урок Блоклэн таяз люкетаз пиналъёс азьвыл урокъёсын (лекциын но самопогружениын) басьтэм тодон-валанъёссэс азинто, муромыто, портэм творческой ужъёсты быдэсъяса. Ужало, группаосы огазеяськыса. Коллективной ужан амалъёслэн пайдазы сярысь трос гинэ гожъямын ини. Пиналъёслэн группаын ужзы радъяське, «тьюторство» шуыса нимаськись принцип вылэ пыкиськыса. Тьютор – со наставник. Пиналъёс асьсэос, куспазы вераськытэк, дышетись косытэк, быръё сое полысьтызы. Куд-ог дыръя соос группаын кык-куинь но луыны быгато. Со зеч дышетскыны быгатись пиналъёс. Группаын быдэстыны дышетисен дэмлам ужъёс полысь котькудиз пинал быръе ас кужыменыз лэсьтыны быгатоно люкетсэ но ас понназ сое быдэстэ. Ужзэс пумозяз вуттэмзы бере, группае пырись пиналъёс куспазы верасько – кенешо: тьюторъёс кылзо лябъёссэгес, кулэ дыръяз тупато соосты, валэкто. Йыръёс, группаын соос кык-куинь ке, озьы ик куспазы тодон – валанъёсынызы «вошъясько», ог-огзылы дунъет сёто. Озьы пиналлэн ужамезлы, дышетись сяна, дунъет сёто на эшъёсыз но. Будэ дунъетлэн эмоциональной кужымез. Котькуд пиналлэн тодон-валанлы кулэяськонэз но будэ. Дышетись но ачиз пиналъёслэн наставниксылы порме. кудиз юрттэ соослэсь ужзэс радъяны, куд-ог янгышъёссэс тупатъяны. Котькуд группа, вань ужзэ йылпумъямез бере, быдэс класс азе потыса, тупен-тупен валэктэ, кыче вал солэн ужъёсыз но кызьы соос быдэстэмын вал. Группаысь одигез но пинал вераськытэк уг кыльы. Чем дыръя (тужгес но огъясь урок-блокъёсын) пиналъёс асьсэ группаоссылы ним малпапо, кылсярысь, асьсэды «глаголъёс» яке «наречиос» шуыса нимало. Нимзылы тупась выжыкылъёс, кылбуръёс малпало. Таче ужъёсты пиналъёс тужгес но мылысь-кыдысь быдэсъяло. Куатети классын, кылсярысь, местоимениосъя огъясь урок-блок ортчытыкумы, пиналъёс люкисько куинь группалы: «существительнойёс», «прилагательнойёс» но «местоимениос». Котькудиз группа аслаз вераськон люкетэзъя малпа выжыкылъёс яке кылбуръёс. ( Тужгес но усто пормемъёссэ сётисько приложениын) Со сяна, дышетись котькуд группалы сётэ нимысьтыз ужъёс. Ужаськомы, кызьы пусйи вал ини вылиынгес, текстъёс вылэ пыкиськыса. Существительнойёслы таче текст сётисько. Нюлэскысь эшъёсмы дорын. Котькытын Выль ар праздниклы дасясько гуртын но школаын но. Нош нюлэскысь тылобурдоосты но пойшуръёсты кин шумпоттоз? Озьы малпаса, асьмелэн кружокамы ми кенешимы тэльын улись юлтошъёсмылы юрттыны. Одигаз шутэтскон нуналэ, котомкаосмес ныпъяса, нюлэскы кошкиськом. Бадзым кыз улэ дугдыса, уж борды кутскиськом. Кин кормушкаосты юнматъя кудиз отчы ю тысь киська писпу вайёсы палэзез сусыпу кожыез ошылэ. Салмъёсмес мед веръялозы нюлэскысь эшъёсмы. Ужъёс: 1) Знакъёссэ пуктылыса гожъялэ. 2) Существительнойёссэ пусъе. 3) «Кружокамы» кыллы морфологической разбор лэсьтэ. Со сяна, доска вылын существительнойёслы дасямын на мукет уж но: Берыктэ удмурт кылэ но валэктэ со кылъёслэсь шонер гожтиськемзэс: 1) Рябина- 2) Можжевельник- 3) Насекомое- 4) Горизонт- 5) Ягненок- 6) Ольха- 7) Груздь - 8) Черника- 9) Стрекоза-. Аслыз тупанозэ бырйыса, котькудиз пинал уж борды кутске. Борысь соос чош эскерозы, кинлэн ужез кызьы пормем. Прилагательнойёслы сётисько таче текст:

Похожие:

	Педагогическая практика оказалась для меня сложной и полезной одновременно.... Маоу сош №1 села Акъяр муниципального района Хайбуллинский район Республики Башкортостан		Урок путешествие «В мире кислот» Цель: Совершенствовать знания о составе и классификации кислот, названии их солей, способствовать умению учеников применять свои...
	Рабочая программа профессионального модуля организация процесса приготовления... Ля «Организация процесса приготовления и приготовление сложной горячей кулинарной продукции» разработана на основе Федерального государственного...		Рабочая программа профессионального модуля пм. 02 Организация процесса... ПМ. 02 Организация процесса приготовления и приготовление сложной холодной кулинарной продукции
	Урок русского языка в 6 классе Общественный смотр знаний по теме «Глагол» Самой сложной и самой емкой грамматической категорией русского языка является глагол		Программа по формированию навыков безопасного поведения на дорогах... Применение модульно-блочной системы и теории поэтапного формирования умственных действий А. Я. Гальперина в обучении танцу дало воз­можность...
	Урок конкурс 10. Интегрированный урок >11. Межпредметный урок 12.... Изменение временных рамок, оптимальный временной вариант –1,5 астрономических часа. (Нерегламентированный урок)		Дышетскон ар кутске удмурт кыл сярысь вводной урокен. Вводной урокъёсын... Ужаськом 2003-т арын потэм учебникен, авторъёсыз: Г. А. Ушаков, Н. А. Ермокина, Р. И. Яшина, А. К. Конюхова. Пыкиськиськом «Удмурт...
	Реферат Курсовой проект выполнен на тему «Оборудование станции «Е» Курсовой проект выполнен на тему «Оборудование станции «Е» устройствами блочной маршрутно-релейной централизацией		Реферат Курсовой проект выполнен на тему «Оборудование станции «Е» Курсовой проект выполнен на тему «Оборудование станции «Е» устройствами блочной маршрутно-релейной централизации
	Перечень учебно-производственных работ Пм 01 Организация процесса приготовления и приготовление полуфабрикатов для сложной кулинарной продукции		Реферат Семиуровневая модель osi Обмен информацией между компьютерами различных схем является чрезвычайно сложной задачей
	Реферат по литературе Ученика 9 класса Наверно, не существует более сложной проблемы в обществе, чем проблема образования и воспитания		Комплект контрольно-оценочных средств по профессиональному модулю ПМ. 03 Организация процесса приготовления и приготовление сложной горячей кулинарной продукции
	Расписание звонков: 1 урок 00 45 2 урок 55 10. 40 3 урок 10. 50 11.... Муниципальное образовательное учреждение «Домозеровская средняя общеобразовательная школа» расположена по адресу: 162645, Вологодская...		Программа по формированию навыков безопасного поведения на дорогах... Также мы научимся разным практическим способам определения площади сложной фигуры