Программа бордын ужазы С. Т. Арекеева (к п. н.), В. Г. Пантелеева (к ф. н.), Л. П. Фёдорова (к п. н.), В. Л. Шибанов (к ф. н.), А. Г. Шкляев (к ф. н.) Огъя редакциез
Скачать 1.84 Mb.
|
Личностной 9-тӥ классэз йылпумъясь пинал дышыны кулэ:
Метапредметной 9-тӥ классэз йылпумъясь пинал дышыны кулэ регулятивной, познавательной но коммуникативной быгатонлыкъёслы: регулятивной:
познавательной:
коммуникативной:
Предметной – Валтӥсь удмурт писательёслэсь улон но ужан сюрессэс тодыны – Авторлэн улон но ужан сюресэз сярысь ватсам материал утчаны но шедьтыны. – Гожъясьчилэн творчествоезъя презентациос лэсьтыны. – Кылбурчилэн чеберлыко дуннеезлы дунъет сётыны. – Кылбурчилэн гожъяськон манерез сярысь вакчияк огъян лэсьтыны. – Лирической геройлы дунъет сётыны, солэсь авторлы матын луэмзэ возьматыны. – Кылбурчилэсь литературалэн азинскон сюрес вылаз интызэ валэктыны. – Юанъёслы, текстысь цитатаос вылэ пыкиськыса, валэктон сётыны. – Дышетскон книгаосын но портэм ивортодэто источникъёсын быгатыса ужаны. – Литературно-критической статьяосты конспектировать карыны. – Литературной вакытлы тупась темаосты, образъёсты висъяны. – Произведениослы аннотациос но эссеос гожъяны. – Писательлэсь улон но гожъяськон сюрессэ тодыны. – Текстлэсь сюжетсэ, композицизэ, проблематиказэ эскерыны быгатыны. – Писательлэн гожъяськон манерез сярысь огъян лэсьтыны. – Чеберлыко гожтослэсь мукет произведениосын герӟетсэ (интертекстуальной кусыпъёссэ) шедьтыны, огкадьзэ но пӧртэмзэ висъяны. – Произведенилэсь исторической инъетсэ, фольклорно-романтической тодметъёссэ эскерыны. – Портэм гожтосъёслэсь сюжетсэс но отысь геройёсты ӵошатыны. – Литературной произведениен но зэмос улонэн герӟаса сочинение гожтыны. – Литературной вакытлы тупась темаосты, образъёсты но адямиез суредан амалъёсты висъяны. – Эшъёсыд но калык азьын докладъёсын но ивортонъёсын вераськыны. – Кылбуретлэсь калык творчествоен кусыпъёссэ эскерыны. – Тропъёслэсь кылбурын функцизэс (кулэлыксэс) валэктыны – Кылбуръёслэсь размерзэс тодманы быгатыны. – Символической кылсуредлэсь тодметъёссэ висъяны. – Фольклор люкан историез вакчияк тодыны. – Нимысьтыз гожъясьчилэн фольклор бичан бордын ужамез сярысь тодыны, автор сярысь ватсам материал утчаны быгатыны. – «Просветительство» ӧрлэсь пуштроссэ валэктыны. – Романтизм но реализм амалэн суредам чеберлыко дуннеосты (чеберлыко дуннеослэсь тодметъёссэс) висъяны. – Произведениын возьматэм вакытэз тодманы но валэктыны. – Образ кылдытон амалъёсты сэрттыны-пертчыны. – Драмалэсь, трагедилэсь но комедилэсь валтӥсь тодметъёссэ висъяны. – Чеберлыко литератураын кылысь кылэ берыктон ужпумез валаны. – Берыктэм люкетъёсты ваче пуктыса эскерыны. – Драма родын образ кылдытон амалъёсын тодматскыны – Дунне литература сярысь огъя тодонъёс басьтыны. – Пӧртэм литератураослэсь огкадьзэ но пӧртэмзэ висъяны быгатыны. – Национальной характерлэсь куд-ог тодметъёссэ висъяны. 10 класс ФОЛЬКЛОРЫСЬ — ЛИТЕРАТУРАЕ Удмурт фольклорлэн узырлыкез, литератураын интыез. Калык творчествоез люкан но эскерон. Крашинь бигер Борис Гаврилов но удмурт фольклоръя нырысетӥез книга. Михаил Худяков ӟуч кылбурчилэн удмурт эпос кылдытэмез («Донды батыръёс» но «Калмез батыръёс» люкетъёсыныз тодматскон). Бернат Мункачи мадьяр учёнойлэн удмурт фольклор текстъёсты люкамез. Удмурт фольклор но финн (Т. Аминофф, Ю. Вихманн), немец (М. Бух), австри (Р. Лах) тодосчиос. Туала венгер тодосчиос но соослэн удмурт фольклор бордын ужамзы, удмурт преданиосын но кырӟанъёсын сборникъёс поттон. Геза Кепешлэн венгер кылын кылдытэм «Калмез батыръёс» поэмаез. Михаил Можгинлэн «Беглой» балладаез. Удмурт фольклорлэн туала литератураез азинтонын кужымез. Григорий Верещагин Удмурт миссионер, тодосчи но гожъясьчи. Солэн пӧртэм удысъёсын ужамез. Лирика. Ӟуч выжыкылъя кылдытэм «Батыр дӥсь» поэма. Нырысетӥ югдытӥсьёс Христианствоез вӧлмытэмен валче калыкъёслы письменность кылдытон. Вениамин Пуцек-Григорович но нырысетӥ удмурт грамматика. Ӟуч но удмурт миссионеръёс. Казаньысь православной школаос но дышетӥсьёсты дасясь семинария. Н. Ильминскийлэн дышетон системаез но удмурт книгаос поттон. Иван Михеев. Пӧртэм выжы калыкъёсты дышетон удысын тыршемез. «Нырысетӥ лыдӟон книгае» пырем веросъёсыз. «Удмурт календарьёсты» поттӥсь но удмурт журналистикалы кутскон сётӥсь. Иван Яковлев. Удмурт кылын дышетон сярысь сюлмаськемез. Публицистикаез. «Янтамыр батыр» но «Вормонтэм батыр» поэмаосыз. *Кузьма Андреев. Нырысетӥез удмурт дышетӥсь, удмурт школа кылдытӥсь; кунгож сьӧрысь тодосчиослэн юрттӥсьсы. И. Михеевлэн К. Андреев сярысь «Карлыган удмуртъёс» ужез. *Николай Васильев. Удмуртъёс пӧлысь вылӥ дышетскем адями, Б. Мункачилэн юрттӥсез, черк литератураез берыктӥсь. *Иоанн Васильев. Миссионер но этнограф. Немец кылэ берыктэм ужлэн авторез. *Гавриил Прокопьев. Дышетӥсь но кылбурчи. «Кин йыр?» кылбурез. *Михаил Ильин. Христианской символикаысь революционной символикае кылбуран сюресэз. «Вуко» кылбурез. Революциен валче ӝутскем литература 1905—1907-тӥ но 1917-тӥ аръёсы ортчем революциос бере удмурт литературалэн ӝутскемез. «Виль синь», «Гудыри» но мукет газетъёсын печатлам чеберлыко произведениос. Трокай Борисов. Удмурт йӧскалык движениез бугыртэмез. Удмурт автономия кылдытон бордын ужамез. «Гудыри» газетэз кылдытэмез но пыд йылаз пуктэмез. Улон сюресэз но адӟонэз. «Тӧдьылэн малпанэз» кылбур. Максим Прокопьев. Удмурт автономиез кылдытон бордын тыршемез. «Максимлэн гожтэмез» кылбур книгаез. Кузебай Гердлэн Максим Прокопьевлэсь ожын быремзэ тодыса гожтэм некрологез. Даниил Майоров. «Зарни крезь», «Революци» но мукет кылбуръёсаз вакытлэн пӧсез. Революция тема. Д. Майоровлэн быремез пумысен К. Гердлэн «Туннэ-ӵуказе» кылбурез. Иван Дядюков. Выль улонэз лэсьтонлы сӥзем кылбур-хроникаез. «Пашка Педор» повестез. *Михаил Тимашев. «Камит» поэмаяз революцилэсь азьло улонэз возьматон. Кузебай Герд Дунне бергамез но удмурт калыкез юнгес валаны тыршон. «Крезьчи» бичет. Пеймыт, секыт улон но «чагыр пиштӥсь дуннеосы» кыстӥськон. Гердлэн романтизмез. «Султы ини, Удмуртлыге!», «Вордӥськем музъеммы» кылбуръёс. «Завод» но «Чагыр ӵын» поэмаос. «Сяськаяськись музъем» бичетын инкуазь, уж но яратон темаосты усьтон. Кылсуредъёслэн воштӥськемзы. *«Лёгетъёс» бичетын социализм улонэз данъян. Азьлозэ но ализэ меӵак ваче пумит пуктон. Коллективизация вакытэ гуртысь бугырес дырез возьматон. «Бригадиръёс» поэмаысь «Гуртын буран» люкет. *Классической литератураысь «чурыт» формаосты удмурт литературае пыртон. «Вало дурын» куиньчуръёс (терцинаос), «Гужем ӝыт» сонет, «Мон — кизисько гинэ!» рондо но солэн вариантъёсыз, «Шундыез кырӟаны» триолет («покчи рондо»). *К. Герд удмурт литературалэн азинскон сюресэз сярысь, удмурт поэтъёс сярысь. *Быгатӥсьлэн сэрегез. «Герд удмурт критикаын» темая конференция. Ашальчи Оки Ашальчи Окилэн кылбуретаз удмурт калык кылослэн но ӟуч литератураысь традициослэн герӟаськемзы. Удмурт нылкышнолэсь улонзэ возьматӥсь кылбуръёсыз. Яратонлы сӥзем кылбуръёсаз лирико-драматической (яратонлэсь мӧзмон) мылкыдлэн кузёяськемез. Героинялэн валтӥсь сямъёсыз. Нылкышно гожъяськисьлэн кылбурчи но кылбуран темаез усьтэмез. Кылбурчилэн творческой драмаез. *Ашальчи Оки – веросчи («Онисьлэн шудэз», «Тылпу бере», «Культпоход»). Быгатӥсьлэн сэрегез. Ашальчи Окилэн образэз С. Виноградовлэн но П. Ёлкинлэн суредъёсазы. Кедра Митрей Гожъясьчилэн ортчемзэ но ас вакытсэ валаны тыршемез. «Дитя больного века» повестьын геройлэн дунне шоры учкемез, солэн «огнамо» луэмез. Конфликт кусыпъёсыз. «Эш-Тэрек» трагедиын вашкала вакытэз возьматон амалъёс. «Секыт зӥбет» романын ӝутэм ужпумъёс. Произведенилэн романтизм но реализм тодметъёсыз. Стиль ласянь пӧртэмлыкъёсыз. «Идна батыр» пьесалэн трагедилы тупась тодметъёссы. Ӝутэм ужпумъёс. Конфликтъёслэн шараяськемзы. Валтӥсь геройёслэн образъёссы, соослэн ог-огзылэсь висъяськемзы. «Юбер батыр» поэмаын историез трагизм пыр возьматон. Авторлэн геройёссэ дунъямез. Ож суредъёсты яркыт суреданы быгатэмез. *«Вужгурт» («Зурка Вужгурт») повестьын удмурт гуртлэсь революция вакытэ улонзэ пушласянь возьматон. Произведенилэн хроникалы тупамез. Граждан ожлэн зэмлыко тусыз. Геройёсты аспӧртэмлыко амалэн суредан. Далко Семонлэн образэз. *1930-тӥ аръёсысь критика Кедра Митрейлэн произведениосыз сярысь. *Ватсаса лыдӟыны: «Чут Макар», «Шӧртчи Ондрей» веросъёс. Григорий Медведев Гуртысь бугырес вакытэз суредась прозаик. Авторлэн веросъёс но очеркъёс бордын ужамез. Улонэз воштӥсь но улонлэсь бере кылись («йыромем») геройёс. «Вуж» но «выль» вискысь конфликт. «Лӧзя бесмен» роман-трилогилэн нырысетӥ книгаез. Колхоз кылдытонэн валче гурт калыклэсь ваче пумит вуэмзэ возьматон. Улонэз выль сямен радъяны тыршон но вашкала сямъёсты тӥян. Бутар Ӟапык, Пылька Сандыр, Нунок Миколай но Эшкабей Ондӥ геройёслэн выль сюрес утчамзы но янгышъёссы. Геройёслэн социальной типъёслы тупамзы. Писательлэн образ кылдытон амалъёсыз, адямилэсь психологизэ возьматыны быгатэмез. Произведенилэн кыл ласянь пӧртэмлыкъёсыз. *«Лӧзя бесмен» трилогилэн кыкетӥ но куинетӥ книгаосыз. *Ватсаса лыдӟыны: «Лёва Матран», «Лулпыжет» веросъёс. Михаил Коновалов Писательлэн прозаез азинтэмез, ас вакытсэ но историез возьматэмез. «Гаян» романын историез суредан. Произведенилэн фольклор инъетэз, выжыкыллы тупамез. Валтӥсь геройёслэн образъёссы. Романтизм но реализм тодметъёслэн шараяськемзы. «Вурысо бам» романын удмурт рабочий класслэсь будэмзэ суредан. Производствоен герӟаськем тематика. Романын возьматэм дыр. Геройёслэн воштӥськемзы, соослы коллективизм мылкыдлэн пыӵамез. Валтӥсь геройёслэн (Дубов — Нушин) ваче пумит сылэмзы. Нылкышно образъёс. Геройёсты суредан амалъёс. Персонажъёсты пӧйшуръёслы но пудо-животъёслы укшатон. Условностьлэн паськыт кутӥськемез. Гурт но город кусыпъёсты возьматон. Коллективизация тема. Михаил Петров Гожъясьчилэн пӧртэм жанръёсын ужамез. «Кырӟан улоз» поэма. Филипп Кедровлэн но солэн анаезлэн образъёссы, соослэн огъясь кужымзы. Произведенилэн композициез ласянь пӧртэмлыкъёсыз. Трагической пуштросо поэма, солэн лирико-публицистической тодметъёсыз. «Вуж Мултан» романлэн кылдэмез, солэн историко-документальной инъетэз. Сюжетлэн радъяськемез. Геройёс но соослэн прототипъёссы. В. Г. Короленколэн образэз. М. Петровлэн кылбуретэзлэн валтӥсь темаосыз но образъёсыз. «Мынам сюресэ», «Маяковский лыктӥз», «Шуд чильпет», «Кизилиос», «Мӧзмон», «Оскон», «Чагыр конверт» но мукет кылбуръёсыз. «Италмас» – удмурт легендая но М. Лермонтовлэн «Незабудка» кылбурезъя кылдытэм поэма. Солэн поэтикаез. Поэмаын вашкала сознанилэн шараяськемез. Куд-ог критикъёслэн произведениез курламзы. Поэмалэн кыкетӥ вариантэз, солэн социальной инъетэз. «Италмас» строфа. *М. Петровлэн пичи прозаез. «Улон понна» веросъёсын бичетэз. Войналы сӥзем веросъёсыз («Уй ӵоже», «Вить кышкасьтэмъёс», «Гожтэт», «Кырӟан» но мукетъёсыз). *Ватсаса лыдӟыны: «Ӟардон азьын» повесть. Игнатий Гаврилов Писательлэн пинал дырысеныз ик фольклорез гажамез но сое люкан бордын ужамез. Авторлэн удмурт драматургиез азинтэмез. «Кезьыт ошмес» драмаын беглоен герӟаськем сюжетлэн аспӧртэмлыко усьтӥськемез. Геройёслэн образъёссы. Ковалёв революционерлэн пьесаын интыез. Произведенилэн жанрез. «Камит Усманов» трагедиысь конфликтъёслэн пуштроссы. Валтӥсь геройлэн образэз, солэн секыт адӟонъёсыз. «Санӥ» поэмалэн фольклорлы матэктэмез. Произведениын кырӟанлэн интыез. Героинялэн лыдӟись азьын лул-сюлэмзэ усьтэмез. Конфликтлэн романтической пуштросэз. Поэмалэн шудтэм амалэн йылпумъяськемез. «Вордӥськем палъёсын» трилогилэн нырысетӥ книгаез. Удмурт литературалэсь но театрлэсь сюрессэ эскерон. Коллективизациен герӟаськем ужпумъёсты возьматон. Валтӥсь геройёсты ваче пумит пуктыса суредан: Сергей — Вася, Катя — Вара. Соослэн ӟугырес кусыпъёссы. * «Вордӥськем палъёсын» трилогилэн кыкетӥ но куинетӥ книгаосыз. *«Жингрес сӥзьыл» пьесаын ӝутэм ужпумъёс. Сюжетэз аспӧртэмлыко радъян. Произведенилэн комедилы тупамез, серемес интыосыз. *Ватсаса лыдӟыны: «Кыдёкысь бригадаын» повесть. Трофим Архипов Удмурт литератураын уж сярысь (производственной) романлэн азинскемез. «Лудӟи шур дурын», «Адямилэн чеберез» романъёс. «Лудӟи шур дурын» дилогилэн нырысетӥ повестез. Быдӟым Атыкай ожгар вакытэ гурт улонэз возьматон. Повестьлэн кылдон сюресэз. Кивалтӥсьёс но огшоры колхозникъёс. Колхоз ужлэсь азинскемзэ кивалтӥсьлэн сямъёсыныз герӟан. Секыт вакытэ лэчытомем конфликтъёс (семья кусыпъёс но колхоз уж) но повестьын ӝутэм ужпумъёс. Геройёслэсь психологизэс возьматон амалъёс. *Ватсаса лыдӟыны: «Лудӟи шур дурын» дилогилэн кыкетӥ люкетэз. Удмурт литературалы дышетонлэн результатъёсыз Личностной 10-тӥ классэз йылпумъясь пинал дышыны кулэ:
Метапредметной 10-тӥ классэз йылпумъясь пинал дышыны кулэ регулятивной, познавательной но коммуникативной быгатонлыкъёслы: регулятивной:
познавательной:
коммуникативной:
Предметной – Авторлэсь улон но гожъяськон сюрессэ мур валаны. – Авторлэн улон но ужан сюресэз сярысь ватсам материал утчаны но шедьтыны. – Гожъясьчилэн творчествоезъя презентациос лэсьтыны. – Авторлэн чеберлыко дуннеезлы дунъет сётыны. – Лирической образлэсь аспӧртэмлыксэ висъяны. – Кылбурчилэн гожъяськон манерез сярысь огъян лэсьтыны. – Лирической геройлы дунъет сётыны, солэсь авторлы матын луэмзэ чакланы. – Гожъясьчилэсь азинскон сюрессэ (творческой эволюцизэ) валэктыны быгатыны. – Кылбурчилэсь мукет кылбурчиосын герӟетсэ (интертекстуальной кусыпъёссэ) шедьтыны, огкадьзэ но пӧртэмзэ висъяны. – «Нылкышно» но «воргорон» кылбуретъёслэсь тодметъёссэс висъяны. – Гожъясьчилэсь литературалэн азинскон сюрес вылаз интызэ валэктыны быгатыны. – Юанъёслы, текстысь цитатаос вылэ пыкиськыса, устной яке письменной валэктон сётыны. – Дышетскон книгаосын но портэм ивортодэто источникъёсын быгатыса ужаны. – Литературной вакытлы тупась темаосты, образъёсты тодыны;. – Произведениослы аннотациос, эссеос но рецензиос гожъяны. – Произведенилэсь сюжетсэ, композицизэ, проблематиказэ эскерыны быгатыны. – Писательлэн гожъяськон манерез сярысь огъян лэсьтыны. – Произведенилэсь исторической инъетсэ, фольклорно-романтической тодметъёссэ эскерыны. – Дышетскон книгаосын но пӧртэм ивортодэто источникъёсын быгатыса ужаны. – Литературно-критической статьяосты конспектировать карыны. – Кӧня ке произведениосты пӧртэм-пӧртэм тодметъёсъя чошатыны. – Литературной произведениен но зэмос улонэн герӟаса сочинение гожтыны. – Гожтэм сочинениосысь яке эссеысь янгышъёссэ шедьтыны но соосыз тупатыны, озьы ик редактировать карыны. – Литературной вакытлы тупась темаосты, образъёсты но адямиез суредан амалъёсты висъяны. – Эшъёсыд но калык азьын докладъёсын, ивортонъёсын вераськыны. – Кылбуретлэсь калык творчествоен кусыпъёссэ эскерыны. – Кылбуръёслэсь размерзэс но рифмазэс тодманы быгатыны – Фольклор люкан историез тодыны. – Нимысьтыз тодосчиослэн фольклор бичан бордын ужамзы сярысь тодыны, соос сярысь ватсам (дополнительной) материал утчаны быгатыны. – «Просветительство» ӧрлэсь пуштроссэ валэктыны – Романтизм но реализм амалэн суредам чеберлыко дуннеосты (чеберлыко дуннеослэсь тодметъёссэс) висъяны. – Произведениын возьматэм вакытэз тодманы но валэктыны. – Образ кылдытон амалъёсты сэрттыны-пертчыны – Драмалэсь, трагедилэсь но комедилэсь валтӥсь тодметъёссэ висъяны. – Драма родын образ кылдытон амалъёсты тодыны. – Писательлэн творческой лабораториез сярысь тодыны-валаны. – Чеберлыко литератураын кылысь кылэ берыктон ужпумез валаны. – Берыктэм люкетъёсты ваче пуктыса эскерыны. – Драмаысь жанръёслэсь сценической историзэс тодыны. – Пьесаез рольёсъя шудыны. – Огъя дунне литература сярысь валаны. – Пӧртэм литератураослэсь огкадьзэ но пӧртэмзэ висъяны. – Национальной характерлэсь тодметъёссэ возьматыны. *Произведениосты лыдӟыку но эскерыку, теоретико-литературной валатонъёсты валаса кутыны. *Пӧртэм вакытлы тупась стильёсты, ӧръёсты, озьы ик нимысьтыз авторлы тупась стильёсты висъяны. *Произведенилы котыр ласянь (комплексной) филологи анализ лэсьтыны. *Удмурт литературалэн историезъя но теориезъя эскерон (исследование) ортчытыны. *Литератураысь гожтосъя мукет лулчеберет удысъёсын кылдытэм ужъёслы дунъет сётыны (суредан но крезьгур искусство, театр). *Критикалэсь пӧртэм ӧръёссэ висъяны. 11 класс Удмурт литература 1950—1980-тӥ аръёсы 1960-тӥ аръёсы обществоын «шунытскон». Нимаз адямилэсь психологизэ мургес суредан. Лирикалэн азинскемез. Прозаын, поэзиын, драматургиын адямилэсь сямъёссэ но тусбуйзэ возьматыны тыршон. Выль вакытэ вашкала жанръёслэн удмурт литератураын азинскемзы. Сонетъёс, сонет тугокоос. Михаил Покчи-Петровлэн кык вакыт вискын ӝужам лирикаез. Гай Сабитовлэн «Шунды но ӝужа но...» сонет тугокоез. Отын М. Покчи-Петровлэсь трагической улон сюрессэ суредан. Поэзилэн калык кырӟан ӧре берытскемез. Степанида Ивановалэн лирикаез. Зэмос лирикалэн удмурт литературае берытскемез. 1930—1950-тӥ аръёсы юнме шорысь творчестволэсь палэнтэм но быдтэм писательёслэсь нимъёссэс, данзэс но ужъёссэс калыклы берыктон. Литературалэн историез но теориез шоры выль синмын учкон. 1960-тӥ аръёсы литературамы сярысь дискуссиос. Литературной критикалэн азинскемез. *Быгатӥсьлэн сэрегез: «Удмурт литературалэн 1950 – 1980-тћ аръёсы азинскемез» темая «котырес љќк» ортчытон. Геннадий Красильников Г. Красильниковлэн гожъяськон сюресэз. «Тонэн кылисько» повестьын туала обществоысь улон но уж шоры пӧртэм учкись, ог-огзэс туж пӧртэм дунъясь геройёсты суредан. «Вуж юрт» дилогиын ӝутэм ужпумъёс, валтӥсь геройёс. Ваньбур но адями, анай-атай но нылпи герӟетъёсты возьматон. «Арлэн кутсконэз» роман. Адямиослэсь сямъёссэс, улон дуннеез котыр ласянь но мур эскерон. Алексей Сосновез но Георгий Световидовез пӧртэм адямиослэн синмынызы учкыса суредан. Геройёслэн ӟеч но урод сямъёссы. Ӟечлэн кужымез но лябез. Фаина но солэн улонын сюрес быръемез. Геннадий Красильников удмурт но ӟуч критикаын. *Г. Красильников — веросчи («Деда-баба», «Кошкисез мед кошкоз»). Николай Байтеряков Быдӟым Атыкай ожгар пыр ортчем кылбурчилэн лирикаез. Байтеряковлэн кылбуранэз — удмурт литературалэн азинскон сюрес вылаз нимысьтыз вакыт. Кылбуретаз ожын быремъёс азьын кыл кутон темаез усьтон. Оген кылем анайёслэсь но палкышноослэсь драмазэс возьматон. «Оген кышномурт», «Медаль» кылбуръёс. «Лана», «Азвесь лодка», «Кикыен вераськон» кылбуръёсын реалистической но романтической мылкыдъёслэн пӧлэстӥськемзы. Н. Байтеряковлэн поэмаосыз. «Солдатлэн данэз» поэма. Лирической поэмалэн тодметъёсыз. Быдэсмем но быдэсмымтэ малпанъёс. Поэтлэн лирикаезлэн кырӟанлы матын луэмез. Кылбурчилэн кырӟанъёсыз. *Ватсаса лыдӟыны: «Солдатъёс ке кошко» поэма. Семён Самсонов Удмурт прозаын производственной темаез азинтӥсь. «Вужер» повесть. Улонысь кырсь сямо адямиосын нюръяськон. Гожтослэн сюжет но композиция ласянь аспӧртэмлыкъёсыз. *Писатель-публицист («Мынам гуртэ Тыло» очерк). Творчествояз документально-художественной повестьлэн интыез («Выжыкыл ӧвӧл та» повесть). Александр Белоногов Улонын инты но исторической вакыт сярысь малпаськон. Дор мотив. «Пичи гурт», «Шур дурысь арама кушъёсты…» кылбуръёс. Инкуазь лирикалэн тодметъёсыз. Экологиен герӟаськем ужпумъёс. «Ошмесъёс, шуръёс, гуртъёс…», «Гудӟизы, мудӥзы возьёсты…», «Куасьмем ошмес дорын», «Шимес уйвӧт» кылбуръёс. Яратон лирикалэн аспӧртэмлыкъёсыз. «Кыдёкысь одӥг гуртын», «Оло, мон адӟи вӧтаса…», «Адӟыны гинэ…», «Тонтэк ӝынызэ ыштӥсько кадь шудме…» кылбуръёс. Кылбурчилэн калыке вӧлмем кырӟанъёсыз. «Мусое-инвожое», «Оскыса но, оскытэк но» но мукет. Флор Васильев Шыпыт лирика ӧрын азинскись кылбурет дунне. Пичи родинаез данъясь кылбуръёс. «Бердыш», «Вордскем гуртам ке бертӥсько…», «Шаерамы уло кезьыт тӧлъёс…» кылбуръёс. Инкуазь но адями кусыпъёс, инкуазез утён мотив. «Одӥгаз кызьпу арамаын…», «Тӧдьы ӟазегъёс кадь лобо пилемъёс…», «Мон — язычник. Инмаре — инкуазь…», «Кошкиськом, лэся, инкуазь дорысь…», «Уг яратскы ӵышкем писпуосты…» кылбуръёс. Кылбурчи — тунсыко фольклорист но этнограф. Мур ватэм малпанэн но вашкала калык культураен пыӵам аспӧртэмлыко философской лирика. «Песяйлы песяез вераллям…», «Сюан дӥськут», «Сялтым», «Пинал пыртон», «Крезь» кылбуръёс. Яратон лирикалэн тодметъёсыз но нимаз висъяськись мотивъёсыз: интим лирика но «нылкышно дунне» тема. «Тон кытын?», «Мон адӟисько ке нылмуртэз…», «Ульчаетӥ вамышъясько вал мон…», «Кышномурт ву нуэ», «Нылкышно ке тон азьын…» кылбуръёс. *«Сётысал мон нимдэ тынэсьтыд» сузьетлэн кылдон сюресэз но пуштросэз. *Флор Васильевлэн кылбуретэз удмурт но ӟуч критикаын. *Быгатӥсьлэн сэрегез: «1960 – 1970-тћ аръёсысь яратон лирикалэн аспќртэмлыкъёсыз» темая семинар ортчытон. Роман Валишин «Тӧл гурезь» повесть. Удмурт психологической прозалэн азинскемез. Оникей Камаевлэн трагедиез. Юсялэсь образзэ лирико-романтической амалъёсын суредан. Повестьысь символлы пӧрмем образъёс. Быгатћсьлэн сэрегез: «Удмурт литератураын вќсясьлэн образэз» темая семинар ортчытон. *Валишин-веросчи («Сӥзьыл куазен», «Вальс»). Пётр Поздеев Кылбурчилэн но фольклористлэн пӧлэстӥськыса азинскись творчествоез. Кылбуретлэн «фольклор мылкыдо» луэмез, со мылкыдэз кылдытӥсь образъёс, кыл чеберман амалъёс. «Луд вылын кезьыт тӧл пелляку…», «Буран», «Кырӟа, уӵы!», «Палэзьвай» кылбуръёс. «Кизиськом, кизиськом ми чабей…» — ӟырдыт гражданской мылкыдо кылбур. Валтӥсь образъёслэн пуштроссы. *«Жингырты, удмурт кырӟан!» бичетэз люкан. Пётр Чернов Улон шоры огдыре писательлэн но публицистлэн синмыныз учкон. Чеберлыко произведениосын автобиографизм амаллэн интыез, повестьёсын удмурт гуртэн, удмуртлыкен герӟаськем ужпумъёсты возьматон. «Казак воргорон» повестьын пиосмуртлэсь пушдуннезэ сэрттыны-пертчыны тыршон. Психологизм тодметъёс, геройёсты суредан амалъёс, сюжетлэн сӧзнэтэз. *Ватсаса лыдӟыны: «Дор», «Ӧтем куно» повестьёс. Анатолий Уваров Удмурт сатираез эскерись тодосчи но сое азинтӥсь кылбурчи. Ӵушкась кылбуръёслэн поэтиказы. «Лашман Петыр», «Улӥын но вылӥын», «Ма гинэ мон ӧй кыл…» кылбуръёс. Гражданской лирикалэн аспӧртэмлыкъёсыз. «Уть, Инмаре», «Выжые» кылбуръёс. Быгатћсьлэн сэрегез: «Чалмись кылме тон улњыты, нунал…» темая «котырес љќк» ортчытон. *«Калевала» эпосэз удмурт кылэ берыктон, берыктэм произведенилэн огъя удмурт литератураын интыез. Егор Загребин Вакчи веросъёс, инкуазь зарисовкаос гожъясь усточи. Туала удмурт драматургиысь валтӥсь автор. Драматургилэн пӧртэм жанръёсыз бордын ужан амалъёсыз. «Асьмелэн со одӥг» драма. ХХ даурлэн пумысьтыз удмурт гуртлэн, отысь адямиослэн адӟонзы. Быгатћсьлэн сэрегез: «Аслам гуртэ сярысь малпанъёсы» (Е. Загребинлэн «Асьмелэн со одћг» драмаез вылэ пыкиськыса) темая «котырес љќк» ортчытон. Генрих Перевощиков Асьме вакытысь лэчыт ужпум-югдуръёсты сэрттыны-пертчыны тыршись гожъясьчи. Производственной роман пыр психологической прозае выжон. «Йӧвалег» дилогиын ӝутэм ужпумъёс, геройёсты суредан но сюжетэз радъян амалъёс. Дилогилэн адямилыкен герӟаськем валтӥсь конфликтэз, психологизмез шараясь тодметъёсыз. *«Йӧвалег» удмурт критикаын. Владимир Романов Кылбурчилэн Флор Васильевен кусыпъёсыз. Солэсь мытэм сюрессэ азинтон: удмуртлыкез, вордскем кылэз утён мотивъёс. «Кылъёс», «Кырӟась пужыос», «Кузь сюрес вылэ басьто мон…» кылбуръёс. Войнаен герӟаськем лирикалэн инъетэз. «Пиосмурт пельпум», «Вожъяськон», «Атай пуктэ ке пельпумыз вылэ…» кылбуръёс. Яратон лирикалэн аспӧртэмлыкез. «Я мар тыныд мынам яратонэ?», «Гожтэт», «Уг тодӥськы, ку синмаськи тыныд…» кылбуръёс. Творчество удыслы сӥзем кылбуръёс: «Пушкинлэн кылбуръёсыз», «Болдино. Пушкинлэн юртэз». *Быгатћсьлэн сэрегез: «Пушкинэн вераськыса…» темая семинар ортчытон. Удмурт литературалэн туннэ но џуказе нуналыз (1985—2000-тӥ аръёс) Туала вакыт но литература азьын сылӥсь ужпумъёс. Удмурт литературалэн тусбуез но пуштросэз ласянь воштӥськонъёсызлэн мугъёсыз. Азьвыл вунэтэм нимъёсты но произведениосты выльысь лыдӟись доры вуттон. Берыктон ужлэн шӧдскымон улӟемез. Кылбурет дунне. Туала кылбуретын куинь ӧръёслэн — арлыдо гожъяськисьёслэн, нылкышно лирикалэн, «выль тулкымлэн» — азинскемзы. Сергей Матвеевлэн аспӧртэмлыко лирикаез, солэн философской инъетэз, огнамо улонэз но эрикез данъясь героез. Эрик Батуевлэн кылбуран манерез, дунне шоры тунсыко учконэз. Кулон мотивен герӟаськем чуръёсыз. Проза удысысь шӧдскымон воштӥськонъёс. Прозаикъёслэн утчанъёссы-шедьтонъёссы. Нылкышно проза. Лидия Нянькина — веросчи. Эрико лобанлы кельшись творчествоез. Драматургия. Пӧртэм жанръёслэн пӧлэстӥськыса азинскемзы. Кема вис бере трагедия жанрлэн выльысь «вордскемез». Нылпи литература. Арлыдо но егит гожъясьчиослэн творчествозы. Жанр ласянь утчаськонъёс но син шоры йӧтӥсь ужъёс. Нылпи прозаысь нылкышно нимъёс. *Пётр Захаровлэн «Эбга» трагедиезлэн валтӥсь конфликтэз, удмуртъёслэн вашкала историенызы герӟетэз. Алла Кузнецова Шара мылкыдо, дӥсьтӥсь, темаос ласянь узыр кылбурчи. Кышномуртлыкез, чиданэз данъясь философской пуштросъем лирика. «Мон сюрс пол кулылӥ…», «Вӧсь», «Уг бӧрдӥськы» кылбуръёс. Палдурес яратонэн пыӵам чуръёс но яратонлэсь оглом ӟырдыт кужымзэ данъясь кылбуръёс. «Вожан», «Тау тыныд», «Инмын лоба ке шуд тури…», «Малпасько тонэ…». *«Кобла мон…» — эрико мылкыдъем, мур философиен произведение. Поэтика ласянь аспӧртэмлыкъёсыз. Никвлад Самсонов Туала прозаысь тунсыко веросчи. Веросъёсын ӝутэм ужпумъёс, характер но конфликт кылдытон амалъёс. Детальлэн интыез. «Лыз наличникъёс» — пиосмуртлэсь психологизэ, дунне шоры учконзэ шараясь верос. Психологизмен герӟаськем тодметъёс. Конфликтлэн инъетэз. Символлы укшась кылсуредъёс. *Ватсаса лыдӟыны: «Ежалэс улмо», «Чоръяло атасъёс Чуньышурын» веросъёс. Михаил Федотов Лирико-драматической но трагической мылкыдъем кылбурчи. Бесерман калыклэсь кырӟанзэ улӟытон малпанэн пыӵам лирика, доре бертон, карысь кошкон мотив. «Татчы вуисько но — быре жадёнэ…», «Шедьтӥ, лэся, аслым берпум сэрег…», «Тодско на мон…», «Ньыль сэрго коркае тон мынам…» кылбуръёс. Улонысь кошкон, кулон темаен герӟаськем кылсуредъёс, соослэн пӧртэм пумо пуштросъёссы. «Кыкто», «Акшан пыртӥ адско сьӧд вужеръёс…», «Уйбыртон», «Кулэм муртлэн дневникысьтыз» кылбуръёс. Яратон лирика. «Тонтэк та дунне но ӧвӧл ук…», «Тодад ӧд вай ни ке монэ…», «Мыным тонэн гинэ умой!» кылбуръёс. Кылбурчи но улон тема. «Герд», «Йыркур», «Вазь ӵукна ик мон гур эстӥсько» кылбуръёс. *Быгатӥсьлэн сэрегез: «Дунне кылбуретын пумиськись огкадь кылсуредъёс» темая семинар ортчытон Олег Четкарёв Повесть жанрлэсь луонлыкъёссэ выльдӥсь но азинтӥсь гожъясьчи. Гурт—город темалэсь конфликтсэ ас сяменыз эскерись. «Чагыр но дыдык…» повестьын ӝутэм ужпумъёс, конфликтъёс. Сюжетлэн аспӧртэмлыкез, гожтосын метафоралэн интыез, геройёслэн образъёссы. Удмурт прозаын маргинальной героез суредан. *Ватсаса лыдӟыны: «Пиртэш толэзь» повесть. Галина Романова Тужгес но удмурт сямъем кылбурчи. Эпической пуштросо кылбурет дунне, дыр-вапумез шӧдон но дунъян мотив. «Вашкала мадёс», «Тон лобӟы, кырӟанэ!», «Вуж юрт», «Ӝыны улон сюрес ке ортчемын…» кылбуръёс. Улонысь адӟем учырез дунъян-кылбуран. «Вал ворттэ!..», «Пересь турна» кылбуръёс. Фольклор поэтикалы матэктӥсь яратон лирика. «Мӧзмем сюлэм», «Быдэс даур тонэ вити…». «Тӧдьы юсь сямен ортчоз» — нылкышно чеберлыкез данъясь кылбур. Психологизм тодметъёсыз, поэтика ласянь аспӧртэмлыкъёсыз. Татьяна Чернова Романтизм пуштросъем кылбурет дунне, валтӥсь кылсуредъёс. «Шедьтэ сяськадэс», «Чагыр тылы» кылбуръёс. Кышномуртлыкез, анайлыкез данъясь мотив. «Нылы но анае…», «Малпаськон» кылбуръёс. Лирико-драматической мылкыдъем яратон лирика. Яратон но кылбуран темаослэн герӟаськемзы, фольклорысь асэстэм образъёс но мукет чеберман амалъёс. «Вожан сяськаез тӥялто…», «Монэ куштӥд ке, аналтӥд ке…», «Тон кошкид, мон кыли…», «Лэзь монэ» кылбуръёс. «Кылбур — кыл бурд…» — кылбуран дуннеетӥ лобанлы сӥзем аспӧртэмлыко произведение. *Быгатӥсьлэн сэрегез: «Кылбуръёсме сутћ быдэс гурезь…»: «Татьяна Черновалэн но Анна Ахматовалэн кышномурт-кылбурчи сярысь малпанъёссы» темая семинар ортчытон. Людмила Кутянова Ашальчи Окилы матын луись кылбурчи. Лирической героиняез суредан амалъёс, кылбуретэ пыӵам мӧзмон мылкыд. «Бубыли», «Тон-а со?», «Ашальчи Окилы» кылбуръёс. Мур психологизмен пыӵам яратон лирика. Яратон—люкиськон мотив, детальлэн но символлэн интызы. «Зундэс лэсьтӥ», «Укноме чильтэрен мон уг возъя…», «Ӝужыт корказь», «Адӟид-а тон?», «Тон но йӧно» кылбуръёс. Ӟырдыт куараё гражданской но философской лирика. «Озьы потэ улэм», «Одӥг ӧсэтӥ одӥгзэ…» кылбуръёс. *Быгатӥсьлэн сэрегез: «Пушъеттэк выжы куасьме…»: «Людмила Кутяновалэн но Ашальчи Окилэн кылбуран куараоссы» темая семинар ортчытон. Вячеслав Ар-Серги Лирической но психологической прозаез азинтӥсь веросчи. Психологизм кылдытӥсь амалъёсын — подтекст, вераськон аспӧртэмлык, мыдланьтыса суредан — быгатыса ужан. «Телефон дурын», «Палэзьпу — оскон», «Акшанысь кышномурт», «Пислэг» веросъёс. «Пислэг» веросын гурт пиосмуртлэсь улон-вылонзэ, философизэ валаны тыршон. «Сьӧлыкен кошкись» — кыл кутон темаен герӟаськем верос. Героез суредан амалъёс, поэтика ласянь аспӧртэмлыкъёсыз. *Быгатӥсьлэн сэрегез: «Вячеслав Ар-Сергилэн веросъёсаз нылкышно образъёс» темая семинар ортчытон. Удмурт литературалы дышетонлэн результатъёсыз Личностной 11-тӥ классэз йылпумъясь пинал дышыны кулэ:
Метапредметной 11-тӥ классэз йылпумъясь пинал дышыны кулэ регулятивной, познавательной но коммуникативной быгатонлыкъёслы: регулятивной:
познавательной:
коммуникативной:
Предметной – Авторлэсь улон но гожъяськон сюрессэ мур тодыны. – Авторлэн улон но ужан сюресэз сярысь ватсам материал утчаны но шедьтыны. – Гожъясьчилэн творчествоезъя презентациос лэсьтыны. – Авторлэн чеберлыко дуннеезлы дунъет сётыны. – Лирической образлэсь аспӧртэмлыксэ висъяны. – Кылбурчилэн гожъяськон манерез сярысь огъян лэсьтыны. – Лирической геройлы дунъет сётыны, солэсь авторлы матын луэмзэ чакланы. – Гожъясьчилэсь азинскон сюрессэ (творческой эволюцизэ) валэктыны быгатыны. – Кылбурчилэсь мукет кылбурчиосын герӟетсэ (интертекстуальной кусыпъёссэ) шедьтыны, огкадьзэ но пӧртэмзэ висъяны. – «Нылкышно» но «воргорон» кылбуретъёслэсь тодметъёссэс висъяны. – Кылбурчилэсь литературалэн азинскон сюрес вылаз интызэ валэктыны быгатыны. – Юанъёслы, текстысь цитатаос вылэ пыкиськыса, устной яке письменной валэктон сётыны. – Дышетскон книгаосын но портэм ивортодэто источникъёсын быгатыса ужаны. – Литературно-критической статьяосты конспектировать карыны. – Литературной вакытлы тупась темаосты, образъёсты висъяны. – Произведениослы аннотациос, эссеос но рецензиос гожъяны. – Произведенилэсь сюжетсэ, композицизэ, проблематиказэ эскерыны быгатыны. – Писательлэн гожъяськон манерез сярысь огъян лэсьтыны. – Произведенилэсь исторической инъетсэ, фольклорно-романтической тодметъёссэ эскерыны. – Дышетскон книгаосын но пӧртэм ивортодэто источникъёсын быгатыса ужаны. – Литературно-критической статьяосты конспектировать карыны. – Кӧня ке произведениосты пӧртэм-пӧртэм тодметъёсъя чошатыны. – Литературной произведениен но зэмос улонэн герӟаса сочинение гожтыны. – Гожтэм сочинениосысь яке эссеысь янгышъёссэ шедьтыны но соосыз тупатыны, озьы ик редактировать карыны. – Литературной вакытлы тупась темаосты, образъёсты но адямиез суредан амалъёсты тодыны. – Эшъёсыд но калык азьын докладъёсын, ивортонъёсын вераськыны. – Кылбуретлэсь калык творчествоен кусыпъёссэ эскерыны. – Кылбуръёслэсь размерзэс но рифмазэс тодманы быгатыны – Фольклор люкан историез тодыны. – Нимысьтыз тодосчиослэн фольклор бичан бордын ужамзы сярысь тодыны, соос сярысь ватсам (дополнительной) материал утчаны быгатыны. – «Просветительство» ӧрлэсь пуштроссэ валэктыны – Романтизм но реализм амалэн суредам чеберлыко дуннеосты (чеберлыко дуннеослэсь тодметъёссэс) висъяны. – Произведениын возьматэм вакытэз тодманы но валэктыны. – Образ кылдытон амалъёсты сэрттыны-пертчыны – Драмалэсь, трагедилэсь но комедилэсь валтӥсь тодметъёссэ висъяны. – Драма родын образ кылдытон амалъёсты тодыны. – Писательлэн творческой лабораториез сярысь тодыны-валаны. – Чеберлыко литератураын кылысь кылэ берыктон ужпумез валаны. – Берыктэм люкетъёсты ваче пуктыса эскерыны. – Драмаысь жанръёслэсь сценической историзэс тодыны. – Пьесаез рольёсъя шудыны. – Огъя дунне литература сярысь тодыны. – Пӧртэм литератураослэсь огкадьзэ но пӧртэмзэ висъяны. – Национальной характерлэсь тодметъёссэ возьматыны. *Произведениосты лыдӟыку но эскерыку теоретико-литературной валатонъёсты валаса кутыны. *Пӧртэм вакытлы тупась стильёсты, ӧръёсты, озьы ик нимысьтыз авторлы тупась стильёсты висъяны. *Произведенилы котыр ласянь (комплексной) филологи анализ лэсьтыны. *Удмурт литературалэн историезъя но теориезъя эскерон (исследование) ортчытыны. *Литератураысь гожтосъя мукет лулчеберет удысъёсын кылдытэм ужъёслы дунъет сётыны (суредан но крезьгур искусство, театр). *Критикалэсь пӧртэм ӧръёссэ висъяны. III. ТЕМАТИЧЕСКОЙ ПЛАНИРОВАНИЕ 5 класс
| ||||||||||||||||||||||||||||||||||||||||||||||
Похожие:
 | Сочинение ученика 5 класса Федорова Кирилла на тему «Роль моей семьи... | | Проблемы медиаобразования (научная школа под руководством А. В. Федорова) Монография Федоров А. В., Челышева И. В., Новикова А. А. и др. Проблемы медиаобразования (научная школа под руководством А. В. Федорова). Монография.... |
 | Справочник классного руководителя №9, 2013 г Автор: Пантелеева О. В., педагог-психолог мбоу гимназия городского округа г. Урюпинск Волгоградской области | | Четвертый том «Собрания сочинений» Н. Ф. Федорова практически полностью,... ТТ. II и III наст изд., а также обширное «Приложение», включающее материалы лиц из окружения Н. Ф. Федорова. Текстологические принципы... |
| Программа составлена на основе учебной программы «Наша родина Ямал» (автор Федорова Л. В.) Автор-составитель – Ресухина С. Г. Программа составлена на основе учебной программы «Наша родина Ямал» (автор Федорова Л. В.) регионального... | | А. К. Толстой «Василий Шибанов» «Князь Серебряный» М. Ю. Лермонтов. Стихотворения: «Кинжал»(1837), «Смерть поэта» (1837), «Дума» (1838), «Воздушный корабль» (1840), «Тучи» (1840),... |
| Программа по формированию навыков безопасного поведения на дорогах... Федосеева В. М., Меркулова В. И., Трескот Л. А., Кониенко Э. М, Фархутдинова Г. А., Барановский Е. Н., Акуленко С. И., Мазярчук Л.... | | Лакунарность в юридическом тексте в аспекте перевода пантелеева Д.... Среда обитания. Особенности строения: специализация клеток, два клеточных слоя(наружный и внутренний) |
| 9-ти классын цикло-блочной системая сложной предложениосъя урок-блокъёс Озьыен, туала улон школа азе но пуктэ бадзымесь куронъёс., соин валче дышетисьёс но огинтыязы сылыны кулэ овол – ялан выльзэ но умойзэ... | | Н. К. Пантелеева Один из спо собов, призванных решению этих за дач, — активная самостоятельная работа учащихся. Она создает условия для разви тия... |
| Андрея Владимировича Снежневского профессор Г. П. Пантелеева Я до сих пор благодарна своей профессиональной судьбе за то, что она подарила мне годы непосредственной учебы и работы под руководством... | | Программа по формированию навыков безопасного поведения на дорогах... Познакомить учащихся с жизнью и творчеством Л. Пантелеева. Совершенствовать навыки беглого, правильного, осознанного, выразительного... |
| Виниченко О. Д. Литературное творчество Тимира Федорова страница истории школы, города, Кузбасса Литературное творчество Тимира Федорова страница истории школы, города, Кузбасса | | Республики Коми «Национальная библиотека республики Коми» Массовые мероприятия: поиск и реализация новых форм: методические рекомендации к Году литературы / сост. И. С. Елисеева; отв ред.... |
| Рабочая программа по интегрированному краеведческому курсу Учитель Мустафина Т. В Рабочая программа по курсу «Краеведение» для 4 а класса разработана на основе программы интегрированного краеведческого курса в содержании... | | Чупрасова Людмила Витальевна обучающаяся 8А класса моу «Богашёвская... ... |
