8 класс
Темаос
|
Дышетскисьлэн ужпӧръёсыз (основные виды деятельности учащихся)
|
Фольклор
|
Фольклорлэн покчи кабъёсыз но туала кылбурет.
Фольклорлэн покчи кабъёсыз. Чаклан кыл (примета). Осконъёсты юнматӥсь индылон-косонъёс (повериос). Визькылъёс (пословицаос). Лэчыт кылъёс (поговоркаос). Мадиськонъёс (загадкаос).
Ф. Васильевлэн «Толэзь бӧрсьы кошкоз толэзь…» кылбур сузьетэз.
|
Фольклорлэсь покчи кабъёссэ тодыны но нимысьтыз жанрлы тупась тодметъёссэ висъяны.
Чеберлыко гожтосысь фольклор кылсуредъёслэсь кулэлыксэс валэктыны.
Кылбур сузьетэз пуштросэз но кылтӥрлыкез ласянь сэрттыны-пертчыны.
Литературалэсь калык творчествоен кусыпъёссэ чакланы
|
Литература
|
Иван Яковлев
«Янтамыр батыр» – батыръёс сярысь удмурт легенда вылын кылдытэм поэма. Янтамыр батырлэн образэз. Эпосын калыклэсь «зарни даурзэ» суредан. Эпической геройлэн улэмез, тушмонъёсын нюръяськемез но быремез. Авторлэн интыез.
|
«Просветительство» ӧрлэсь пуштроссэ валэктыны.
Лиро-эпической произведенилэсь жанровой тодметъёссэ висъяны.
Гожтослэсь литература дӥнен герӟаськемзэ валаны.
Пӧртэм динё (эпос, лирика, драма) произведениосысь авторлэсь позицизэ шараясь тодметъёсты висъяны но валэктыны.
Произведенилэсь фольклор инъетсэ висъяны.
|
Михаил Худяков
«Песнь об удмуртских батырах».
Удмурт калыклэн ортчем сюресэз сярысь легендаосъя ӟуч кылын кылдытэм батырлыко эпос. Сое удмурт кылэ берыктон. Эпослэн «Дорвыжы» вариантысьтыз укмысэтӥ кырӟанэз. Удмурт калыклэн вашкала книгаез сярысь легенда но сое эпосын возьматон.
|
Эпос кылдон историез огъяны.
Литературалэсь инъетъёссэ валаны (фольклор, письменность, берыктон уж).
Произведенилэсь фольклор инъетсэ чакланы.
Ӟуч но берыктэм произведениосты ог-огенызы ӵошатыны, огкадь но пӧртэм тодметъёссэс висъяны.
|
Иван Михеев
Евангелиос («Ӟеч ивор») удмурт кылын. Иисус Христослэн быремез (Евангелиысь люкет). Ӟуч религиозно-житийной литература но солэн удмурт литературае пыӵамез. «Житиелэн» тодметъёсыз. «Степан Пермскийлэн улэмез» (берыктӥз И. Михеев).
|
«Просветительство» ӧрлэсь пуштроссэ валэктыны.
Удмурт югдытӥсьёслэсь улон сюрессэс но творчествозэс чакланы.
Литературалэсь инъетъёссэ валаны (фольклор, письменность, берыктон уж).
Литературной вакытлы тупась темаосты, образъёсты висъяны.
|
Алексей Денисов
«Мынам пленысь пегӟеме».
Нырысетӥ мировой война дыръя пленэ сюрем удмурт солдатлэн пленысь пегӟемез но дуннетӥ костаськемез. Повестьлэн сюжетэз.
|
Произведениын возьматэм вакытэз чакланы
Гожтослэсь сюжетсэ, проблематиказэ эскерыны.
Гожтосысь автор-мадёсчилэсь образзэ, вераськон манерзэ сэрттыны-пертчыны.
Текстъя юанъёс пуктыны.
Юанъёслы, текст вылэ пыкиськыса, устной яке письменной валэктон сётыны.
|
Иван Соловьев
«Кузь нюк»
Игнатий Гаврилов
«Санӥ»
Беглойёс сярысь легендаосъя пӧртэм жанръёсын гожтэм произведениос. Эксэй армиысь пегӟем солдатлэн улон сюресэз но адӟонъёсыз. Авторлэн кылдэм малпанъёсыз. Повестьлэн но поэмалэн поэтиказы.
|
Произведениосын возьматэм вакытэз шараяны.
Образ кылдытон амалъёсты сэрттыны-пертчыны.
Валтӥсь образъёслэсь аспӧртэмлыксэс висъяны
Гожтосъёсысь романтизм амаллэсь тодметъёссэ валэктыны
Произведениослэсь сюжетсэс ӵошатыны.
Авторлэн малпанъёсызлы комментарий сётыны
Текстъёсысь кулэ цитатаосты шедьтыны.
Текстъёсъя юанъёс пуктыны.
|
Михаил Петров
«Кырӟан улоз»
Батыр сярысь туала поэма. Филипп Кедровлэн но солэн анаезлэн образъёссы, соослэн огъясь кужымзы. Произведенилэн композициез ласянь пӧртэмлыкъёсыз. Поэмалэн фольклор инъетэз но документальностез.
|
Произведенилэсь исторической инъетсэ, фольклорно-романтической тодметъёссэ эскерыны.
Произведенилэн композициез ласянь пӧртэмлыкъёссэ висъяны
Валтӥсь образъёслэн характеръёссылы дунъет сётыны
Поэмалэсь трагической пуштросо луэмзэ валаны но валэктыны
Авторлэн малпанъёсызлы комментарий сётыны
Произведенилэн нимыз пумысен ас малпанзэс вераны
|
Николай Байтеряков
«Оген кышномурт», «Азвесь лодка», «Кикыен вераськон». «Эш-Тэрек».
Оген кылем кышномуртъёс но бырем солдатъёс азьын кыл кутон. Кылбурчилэн романтической традициосыз азинтэмез. Кылбуръёслэн но поэмалэн крезьгурзы но поэтиказы. Поэмаысь геройёс но характеръёс.
|
Писательлэсь удмурт литератураын кыџе инты басьтэмзэ тодыны.
Кылбуръёсты выразительно лыдњыны.
Кылбуръёслэсь тема ласянь аспӧртэмлыксэс чакланы.
Кылбур темаез авторлэн биографиеныз герӟаны
Кылбуръёсысь реализм но романтизм амалэн суредам чеберлыко дуннеосты висъяны.
Кылбуръёслэсь размерзэс но рифмазэс тодманы.
Поэмаын возьматэм вакытэз чакланы.
Поэмалэсь композицизэ валаны но солэсь мылкыд-малпан усьтонын интызэ валэктыны.
Поэмалэсь фольклор инъетсэ висъяны.
Произведениослы отзывъёс но рецензиос гожъяны.
|
Даниил Яшин
«Вамыштоно ке — мед кылёз пытьы…». «Мон — Уралысь».
Кылбурчилэн гражданской лирикаез.
|
Кылбуръёсты выразительно лыдњыны.
Лирика родысь кылбурлэсь жанръёссэ тодманы но сое лыдӟем пыр возьматыны.
Нимаз тропъёслэсь кылбурын функцизэс (кулэлыксэс) валэктыны.
Лирической геройлэн мылкыд-малпанъёсызлы дунъет сётыны.
Кылбуръёсын ӝутэм темаосъя дискуссие (споръяськонэ) пыриськыны.
|
Геннадий Красильников
«Тонэн кылисько».
Повестьын ӝутэм ужпумъёс. Повествованилэн аспӧртэмлыкез. Гожъясьчилэн жанровой традициосыз узырмытэмез. Характеръёс.
|
Писательлэсь улон но гожъяськон сюрессэ тодыны.
Пӧртэм ивортодэто источникъёсысь писательлэн улон но ужан сюресэз сярысь ватсам материал утчаны, сое эскерыны но кулэезъя уже кутыны.
Произведенилэсь сюжетсэ, тематиказэ, проблематиказэ эскерыны.
Произведенилэсь конфликтсэ валаны но солэсь азинскемзэ чакланы.
Валтӥсь геройлэсь характерзэ, мылкыд-малпанъёссэ эскерыны.
Повестьлэсь жанр но мадён амалъёс
ласянь аспӧртэмлыкъёссэ валаны но валэктыны
Повестьлэн чеберлыко дуннеезлы дунъет сётыны.
Литературной произведениен но зэмос улонэн герӟаса сочинение гожтыны.
|
Григорий Данилов
«Пинал мылкыд — юмал йӧлпыд».
Повестьысь нылпиослэсь аспӧртэмлыко характеръёссэс возьматон. Образъёсты юмор пыр суредан. Нылпиослэн асьсэлэн ас улонзэс радъян опытсы сярысь.
|
Произведенилэсь пуштроссэ мадьыны (пересказ).
Повестьын возьматэм вакытэз тодыны.
Образ но характер кылдытон амалъёсты сэрттыны-пертчыны.
Произведениысь образъёслэсь герӟетзэс возьматыны.
Гожтосысь мадён амалъёсты висъяны.
|
Фёдор Пукроков
«Кизили ныл».
Нылпиослэн улоназы ӝужась яратон. Валасьтэм адямиослэн сое куашкатэмзы. Авторлэн ӝутэм ужпумъёс сярысь малпанъёсыз. Егит адямиослэн яратэмзы сярысь тема
Р. Бернслэн «Дженни» кылбураз.
|
Произведенилэсь тематиказэ, проблематиказэ эскерыны.
Произведенилэсь конфликтсэ валаны.
Валтӥсь геройёслэсь характерзэс, мылкыд-малпанъёссэс эскерыны.
Произведенилы пӧртэм пумо план лэсьтыны, озьы ик цитатный план но.
Текстъя юанъёс пуктыны.
Юанъёслы, текст вылэ пыкиськыса, устной яке письменной валэктон сётыны. Озьы ик цитатаосты кутыны.
Авторлэн малпанъёсызлы дунъет сётыны
|
Кузебай Герд
«Воз». «Парсь». «Пагӟа». «Пуныос».
Фольклорын сатира но юмор амалъёс. Басня но памфлет гожъян традициосыз удмурт литературае пыӵатон.
|
Кылбурчилэн улон но ужан сюресэз сярысь ватсам материал утчаны но шедьтыны.
Кылбурчилэн творчествоезъя презентациос лэсьтыны.
Кылбуръёслэн чеберлыко дуннезылы дунъет сётыны.
Сатира но юмор кылдытон амалъёсты валаны.
Кылбуръёслэсь жанровой тодметъёссэс валэктыны.
Кылбурчилэн сатира удысын гожъяськон манерез сярысь огъян лэсьтыны.
Кылбурчилэсь мукет кылбурчиосын герӟетсэ (интертекстуальной кусыпъёссэ) шедьтыны, огкадьзэ но пӧртэмзэ висъяны.
Текстысь валантэм кылъёсты шедьтыны но соослэсь шуштроссэс усьтыны.
|
Даниил Яшин
«Кин кызьы гожтысал».
Юмор амалэн гожтэм кылбуръёс. Соослэн поэтиказы
|
Кылбуръёсты выразительно лыдњыны.
Нимаз тропъёслэсь кылбурын функцизэс (кулэлыксэс) валэктыны.
Лирика родысь кылбурлэсь жанръёссэ тодманы но сое лыдӟем пыр возьматыны.
Сатира но юмор кылдытон амалъёсты валаны.
|
Степан Широбоков
«Яратон ке ӧвӧл».
Комедия гожтон амалъёс. Комедиысь образъёс но конфликтъёс
|
Драмалэсь но комедилэсь валтӥсь тодметъёссэ висъяны.
Комедия жанрын образ кылдытон амалъёсты вераны.
Произведенилэсь сюжетсэ, тематиказэ, проблематиказэ эскерыны.
Гожтослэн чеберлыко дуннеезлы дунъет сётыны.
Произведенилэсь кылтӥрлыксэ эскерыны
|
9тӥ класс
Темаос
|
Дышетскисьлэн ужпӧръёсыз (основные виды деятельности учащихся)
|
Удмурт литература 1889–1919-тӥ аръёсы
|
Григорий Верещагин
«Чагыр, чагыр дыдыке...». «Огназ черсӥсь». «Шакырес луэ сюрес».
«Чагыр, чагыр дыдыке...» — удмурт чеберлыко литературалэн аспӧртэмлыко кутсконэз. «Огназ черсӥсь» кылбурын сирота ныллэсь сюлэм куректонзэ суредан. «Шакырес луэ сюрес» кылбурын гурт улонэз возьматон амалъёс. Кылбуретын силлаботоникалэн куронъёсыз сярысь.
|
Писательлэсь удмурт литератураын кыӵе инты басьтэмзэ тодыны.
Произведениослэсь фольклор инъетсэс висъяны.
Удмурт литературалэсь азинскемзэ ӟуч литературалэн историеныз ӵошатыны, огкадь тодметъёссэ но пӧртэмлыксэ валэктыны.
|
М. Можгин. «Беглой».
Фольклор но литература вискын кылдэм произведение. Солэн балладалы матын луэмез. Романтической но реалистической тодметъёсыз. Беглой шоры пӧртэм синмын учкон.
|
Произведенилэсь пуштроссэ но формазэ историко-литературной вакытэн герӟаны
Писательёслэсь литературалэн азинскон сюрес вылаз интызэс валэктыны, соослэсь мар выльзэ ватсамзэс валэктыны быгатыны.
Произведениосты ог-огенызы ӵошатыны но огкадь но пӧртэм тодметъёссэс висъяны.
Произведениосысь фольклор тодметъёсты висъяны.
ХХ даурысь но туала удмурт литература сярысь ченгешонэ (дискуссие) пыриськыны, малпанъёстэ вольыт вераны быгатыны.
|
Кедра Митрей
«Эш-Тэрек».
Нырысетӥ удмурт трагедилэн пӧртэмлыкез. Эш-Тэреклэн вачепумитлыко характерез. Трагедие пыртэм фольклор материаллэн кулэлыкез но чеберлыкез.
|
Литературалэсь инъетъёссэ тодыны (фольклор, письменность, берыктон уж).
Произведенилэсь сюжетсэ, тематиказэ, проблематиказэ эскерыны.
Гожтосысь романтизмлэсь тодметъёссэ шедьтыны (кыл, композиция, дырез но интыез возьматӥсь кылсуредъёс ласянь).
Миф кылсуредъёслэсь литератураын кулэлыксэс (функцизэс) тодыны.
Пӧртэм ивортодэто источникъёсысь кулэ материал утчаны, сое эскерыны но кулэезъя уже кутыны.
Произведениослэсь валтӥсь жанровой тодметъёссэс висъяны.
Текстысь валантэм кылъёсты шедьтыны но соослэсь валатонзэс усьтыны.
Литературно-критической статьяосты конспектировать карыны.
|
Удмурт литература 1919–1938-тӥ аръёсы
|
Кедра Митрей
«Пиме сӧризы» веросын писательлэн мадь (мадёс) жанрлы вазиськемез. Кедра Митрейлэн ӟугырес вакытэн кусыпъёсыз.
«Вожмин» веросысь характеръёс но конфликтъёс.
|
Гожтос вылэ пыкиськыса, реализмлэсь тодметъёссэ эскеронъя уж гожтыны (ас поннад яке туркымен дышетӥсь кивалтэм улсын).
Пӧртэм динё (эпос, лирика, драма) произведениосысь авторлэсь позицизэ шараясь тодметъёсты шедьтыны но валэктыны.
Эпической гожтосысь автор-мадёсчилэсь, мадись муртлэсь но верасьлэсь образъёссэс висъяны.
|
Кузебай Герд
«Вордӥськем музъеммы». «Чугун сюрес». «Бусы». «Чагыр кышет». «Гужем ӝыт». «Завод».
Герд но бугырес вакыт, поэтлэн трагической улон сюресэз. Кылбуръёсызлэн романтической пуштроссы но поэтиказы. Жанр ласянь туссы. Сонет сярысь валан, солэн куронъёсыз.
«Завод» поэмаысь романтической герой. Заводлэн образэз, сое кылдытонын метафоралэн но кылкуараослэн интызы. Произведенилэн структураез, композициез.
|
Удмурт литературалэсь азинскемзэ ӟуч литературалэн историеныз ӵошатыны, огкадь тодметъёссэ но пӧртэмлыксэ валэктыны.
Кылбурчилэн улон но ужан сюресэз сярысь ватсам материал утчаны но шедьтыны.
Лэчыт ужпумез возьматонын авторлэсь аспӧртэмлыкъёссэ шедьтыны.
Кылбурчилэн творчествоезъя презентациос лэсьтыны.
Лирической образлэсь аспӧртэмлыксэ висъяны.
Кылбурчилэсь азинскон сюрессэ (творческой эволюцизэ) валэктыны.
Кылбурчилэсь мукет кылбурчиосын герзетсэ (интертекстуальной кусыпъёссэ) шедьтыны, огкадьзэ но пӧртэмзэ висъяны.
Дышетскон книгаосын но пӧртэм ивортодэто источникъёсын быгатыса ужаны.
Произведенилы эссеос, аннотациос, отзывъёс но рецензиос гожъяны.
Кылбуръёслэсь размерзэс но рифмазэс тодманы.
|
Ашальчи Оки
«Тон юад мынэсьтым…». «Лулы мынам». «Кык гожтэт». «Та бадӟым кузьымме».
Удмурт нылкышнолэн литературае пыремез. Кылбуръёсын удмурт нылкышно сюлэмез усьтон. Лирической героинялэн образэз. Кылбуръёслэн крезьгурзы.
|
Кылбурчилэн творчествоезъя презентациос лэсьтыны.
Кылбурчилэн чеберлыко дуннеезлы дунъет сётыны.
Лирической образлэсь аспӧртэмлыксэ висъяны.
Лирической геройлы дунъет сётыны, солэсь авторлы матын луэмзэ чакланы.
«Нылкышно» но «воргорон» кылбуретъёслэсь тодметъёссэс висъяны.
Юанъёслы, текст вылэ пыкиськыса, устной яке письменной валэктон сётыны. Озьы ик цитатаосты кутыны.
Дышетскон книгаосын но пӧртэм ивортодэто источникъёсын быгатыса ужаны.
Литературно-критической статьяослы конспект лэсьтыны.
Произведениосты учкытэк вольыт (выразительно) вераны.
Кылбуръёслэсь размерзэс но рифмазэс тодманы.
|
Михаил Коновалов
«Гаян».
Историез литературае пыӵатон. Паймытӥсь выжыкыллэн куронъёсызъя кылдытэм пушсузьет. Реализмлэн но романтизмлэн тодметъёссы. Гаянлэн, Пугачёвлэн но Луизалэн образъёссы.
|
Удмурт литературалэсь азинскемзэ ӟуч литературалэн историеныз ӵошатыны, огкадь тодметъёссэ но пӧртэмлыксэ валэктыны.
Произведенилэсь сюжетсэ но композицизэ сэрттыны-пертчыны.
Произведенилэсь исторической инъетсэ, фольклорно-романтической тодметъёссэ эскерыны.
Юанъёслы, текст вылэ пыкиськыса, устной яке письменной валэктон сётыны. Озьы ик цитатаосты кутыны.
Литературно-критической статьяосты конспектировать карыны.
Пӧртэм произведениослэсь сюжетсэс но отысь геройёсты ӵошатыны.
|
Григорий Медведев
«Выль дунне».
Веросын фэнтэзи жанрлэн тодметъёсыз. 1928-тӥ но 2128-тӥ аръёсты огдыре ваче пумит карон но ог-огенызы герӟан. Шудо-буро улонлэн тодметъёсыз. Кирлолэсь характерзэ кылдытонын юморлэн интыез.
|
Произведенилэсь пуштроссэ но формазэ историко-литературной вакытэн герӟаны.
Пӧртэм ивортодэто источникъёсысь кулэ материал утчаны, сое эскерыны но кулэезъя уже кутыны.
Писательлэн чеберлыко дуннеезлы дунъет сётыны.
Произведенилэсь тематиказэ, проблематиказэ, инты но дыр ласянь радъяськемзэ эскерыны.
Произведенилэсь мукет произведениосын герӟетсэ (интертекстуальной кусыпъёссэ) шедьтыны, огкадьзэ но портэмзэ висъяны.
Текстысь кулэ цитатаосты шедьтыны.
Эпической гожтосысь автор-мадёсчилэсь, мадись муртлэсь но верасьлэсь образъёссэс висъяны.
Соцреализм амалэн суредам чеберлыко дуннелэсь аспортэмлыкъёссэ висъяны.
|
Игнатий Гаврилов
«Камит Усманов».
Фольклоръя но исторической материалъёсъя кылдытэм трагедия. Геройёслэн кык лагерьлы люкиськемзы. Трагедиысь конфликтъёслэн пуштроссы. Валтӥсь геройлэн образэз, солэн секыт адӟонъёсыз. Нюръяськись герой но сое калыклэн дунъямез. Трагедилэн тодметъёсыз.
|
Трагедия жанрен гожтэм текстъёсты рольёсъя быгатыса лыдӟыны, аудио но видео амалъёсты уже кутыса.
Произведенилэсь сюжетсэ, тематиказэ, проблематиказэ эскерыны.
Произведенилэсь исторической инъетсэ, фольклорно-романтической тодметъёссэ эскерыны.
Текстысь кулэ цитатаосты шедьтыны.
Драматической текстысь ремаркаосты эскерыны.
|
Михаил Петров
«Вуж Мултан».
Гожъясьчилэн удмурт литератураез азинтонын интыез. Романын историен герӟаськем ужпумъёсты ӝутон. «Вуж Мултан» романлэн кылдэмез, солэн историко-документальной инъетэз. Сюжетлэн радъяськемез. Геройёс но соослэн прототипъёссы. В. Г. Короленколэн образэз.
Характеръёс. Короленко но Раевский. Авторлэн кыкетӥ планысь геройёсты быгатыса суредамез (Буграш, Даша Гришина). Романлэн композициез.
|
Удмурт литературалэн ХХ даурын азинскон сюресэз сярысь реферат, доклад гожтыны но класс азьын сое утьыны.
Писательлэн улон но ужан сюресэз сярысь ватсам материал утчаны но шедьтыны.
Произведенилэсь сюжетсэ, тематиказэ, проблематиказэ эскерыны.
Лэчыт ужпумез возьматонын авторлэсь аспӧртэмлыкъёссэ шедьтыны.
Произведенилэсь исторической инъетсэ эскерыны.
Литературно-критической статьяосты конспектировать карыны.
ХХ даурысь но туала удмурт литература сярысь ченгешонэ (дискуссие) пыриськыны.
|
Удмурт литература 1956–1988-тӥ аръёсы
|
|
|
Геннадий Красильников
«Пыртос», «Чупыргы Вася вӧта» веросъёс.
Гожъясьчилэн «шунытскон» вакытэ литературае лыктэмез. Нимаз адямилэсь психологизэ мур возьматыны быгатэмез. «Пыртос» верослэн подтекстэз. Веросъёсын нравственной ужпумъёсты ӝутон. Веросъёслэн жанр ласянь пӧртэм луэмзы.
|
Произведениосысь авторлэсь позицизэ шараясь тодметъёсты шедьтыны но валэктыны.
Писательлэн улон но ужан сюресэз сярысь ватсам материал утчаны но шедьтыны.
Писательлэн творчествоезъя презентациос лэсьтыны.
Произведенилэсь сюжетсэ, тематиказэ, проблематиказэ эскерыны.
Литературной вакытлы тупась темаосты, образъёсты но адямиез суредан амалъёсты висъяны.
Пӧртэм произведениослэсь сюжетсэс но отысь геройёсты ӵошатыны.
Пӧртэм произведениосты пуштроссы ласянь, стильлы но жанрлы тупамзы ласянь, быръем кыламалъёс но кылтӥрлык ласянь ӵошатыны.
Произведениослы эссеос, аннотациос, отзывъёс но рецензиос гожъяны.
|
Флор Васильев
«Мон — язычник». «Куазьлэсь уд луы зӧк»,— шуиз муми…». «Уг яратскы ӵышкем писпуосты». «Сюан дӥськут».
Кылбуретын инкуазь но адями кусыпъёсты выль сямен суредан. Калык сямъёсты возьматон, фольклорысь но мифологиысь кылсуредъёсты выль пуштросэн кутон. «Пичи родина» валатонлэн валтӥсь инты басьтэмез.
|
Удмурт литературалэн ХХ даурын азинскон сюресэз сярысь реферат, доклад гожтыны но класс азьын сое утьыны.
Мифологической кылсуредъёслэсь литератураын кулэлыксэс (функцизэс) тодыны.
Лирикаысь авторлэсь но лирической геройлэсь образъёссэс висъяны.
Пӧртэм ивортодэто источникъёсысь кулэ материал утчаны, сое эскерыны но кулэезъя уже кутыны.
Авторлэн чеберлыко дуннеезлы дунъет сётыны.
Литературной вакытлы тупась темаосты, образъёсты но адямиез суредан амалъёсты висъяны.
Произведениосты учкытэк вольыт (выразительно) лыдӟыны.
Кылбуръёслэсь размерзэс но рифмазэс тодманы.
|
Роман Валишин
«Узвесь пыры».
Веросын ӝутэм философской но нравственной ужпумъёс. Ӟеч сюлэмо (Катьырна) но сьӧлыко (Орина) геройёслэсь кусыпъёссэс возьматон. Авторлэн психология ласянь зэмлыко образъёс кылдытэмез. Характерез суреданын детальлэн (ӵуж кобы, вуюись) интыез. Верослэн пушгерӟетэз но композициез. Деталь но лейтмотив сярысь валанэз муромытон.
|
Лэчыт ужпумез возьматонын авторлэсь аспӧртэмлыкъёссэ шедьтыны
Гожтос вылэ пыкиськыса, реализмлэсь тодметъёссэ эскеронъя уж гожтыны (ас поннад яке группаен дышетӥсь кивалтэм улсын).
Эпической гожтосысь автор-мадёсчилэсь, мадись муртлэсь но верасьлэсь образъёссэс висъяны
Произведенилэсь сюжетсэ, тематиказэ, проблематиказэ эскерыны быгатыны.
Литературной произведениен но зэмос улонэн герӟаса сочинение гожтыны.
Гожтэм сочинениосысь янгышъёссэ шедьтыны но соосыз тупатыны.
|
Людмила Кутянова. «Озьы потэ улэм».
Татьяна Чернова. «Серекъялод оло бӧрдод…».
Гражданской лирикаын трос пӧртэм мылкыдъёслэн-шӧдонъёслэн яркыт шараяськемзы.
|
Гожъясьчилэсь валтӥсь чеберман амалъёссэ тодыны но соослэсь произведениын кулэлыксэс валэктыны.
Кылбурчилэн улон но ужан сюресэз сярысь ватсам материал утчаны но шедьтыны.
Кылбурчилэн творчествоезъя презентациос лэсьтыны.
Лирической образлэсь аспӧртэмлыксэ висъяны.
Кылбурчилэсь мукет кылбурчиосын герӟетсэ (интертекстуальной кусыпъёссэ) шедьтыны, огкадьзэ но пӧртэмзэ висъяны.
Кылбурчилэсь литературалэн азинскон сюрес вылаз интызэ валэктыны.
Литературно-критической статьяосты конспектировать карыны.
Кылбуретлэсь калык творчествоен кусыпъёссэ эскерыны.
|
Алла Кузнецова. «Мон сюрс пол кулылӥ…».
Галина Романова. «Куинь пиосмурт понна». Яратон лирикаез нравственно-философской малпанъёсын узырмытон.
|
Гожъясьчилэсь валтӥсь чеберман амалъёссэ тодыны но соослэсь произведениын кулэлыксэс валэктыны.
Кылбурчилэсь вакытэныз кусыпъёссэ висъяны.
Кылбурчилэн гожъяськон манерез сярысь огъян лэсьтыны.
Лирической геройлы дунъет сётыны, солэсь авторлы матын луэмзэ чакланы.
Кылбуръя эссе но отзыв гожтыны.
|
Удмурт литература туала вакытэ (1988-тӥ арысен туннэ нуналозь)
|
Анатолий Перевозчиков
«Ар гурезь». «Арчакар сутэмын». «Ӟазег Сюрес яла…».
Туала вакытэз вашкала дауръёсын герӟан мылкыд. Метафоралэн узыр луонлыкъёсыз.
|
Символической кылсуредлэсь тодметъёссэ висъяны.
Мифологической кылсуредъёслэсь литератураын кулэлыксэс (функцизэс) тодыны.
Нимаз тропъёслэсь кылбурын функцизэс (кулэлыксэс) валэктыны.
Гожъясьчилэсь валтӥсь чеберман амалъёссэ тодыны но соослэсь произведениын кулэлыксэс валэктыны.
|
Михаил Федотов.
«Шедьтӥ, лэся, аслым берпум сэрег». «Веме».
«Шедьтӥ, лэся, аслым берпум сэрег» кылбурын геройлэн улон философиез. «Веме» кылбурын ужез данъян тема, бесермянъёсты возьматон.
|
Удмурт литературалэн ХХ даурын азинскон сюресэз сярысь реферат, доклад гожтыны но класс азьын сое утьыны.
Кылбурчилэн улон но ужан сюресэз сярысь ватсам материал утчаны но шедьтыны.
Лирикаысь авторлэсь но лирической геройлэсь образъёссэс висъяны
Кылбурчилэн чеберлыко дуннеезлы дунъет сётыны.
Лирической образлэсь аспӧртэмлыксэ висъяны.
Кылбурчилэсь азинскон сюрессэ (творческой эволюцизэ) валэктыны быгатыны.
Кылбурчилэсь литературалэн азинскон сюрес вылаз интызэ валэктыны быгатыны.
Литературно-критической статьяосты конспектировать карыны.
Произведениосты учкытэк вольыт (выразительно) лыдӟыны.
|
Вячеслав Сергеев (Ар-Серги)
«Палэзьпу — оскон».
Геройлэсь психологизэ возьматон понна кутӥськись пӧртэм амалъёс, соосты удмурт прозаысь йылолъёсын герӟан.
|
Писательлэн творчествоезъя презентациос лэсьтыны.
Психологической пуштросъем верослэсь конфликтсэ, сюжетсэ но проблематиказэ эскерыны.
Пӧртэм произведениослэсь сюжетсэс но отысь геройёсты ӵошатыны.
Психологической текстъя юанъёс пуктыны.
Кыллюкамъёсын но пӧртэм ивортодэто источникъёсын быгатыса ужаны.
Мифологической кылсуредъёслэсь литератураын кулэлыксэс (функцизэс) тодыны.
|
Генрих Перевощиков
«Узы сяськаян вакытэ».
Сьӧлыко адямилэсь пушдуннезэ возьматон. Туала город шоры аспӧртэм учкон. Повестьын «узы» символлэн интыез.
|
Писательлэн улон но ужан сюресэз сярысь ватсам материал утчаны но шедьтыны.
Кыӵе ке гожтос вылэ пыкиськыса, реализмлэсь тодметъёссэ эскеронъя уж гожтыны (ас поннад яке группаен дышетӥсь кивалтэм улсын).
Произведенилэсь пуштроссэ но формазэ историко-литературной вакытэн герӟаны.
Удмурт произведениосысь дунне лулчеберетын пумиськись ноку вужмисьтэм образъёсты шедьтыны.
Повестьлы пӧртэм пумо план лэсьтыны, озьы ик цитатный план но.
Юанъёслы, текст вылэ пыкиськыса, устной яке письменной валэктон сётыны.
Произведениосты пуштроссы ласянь, стильлы но жанрлы тупамзы ласянь, быръем кыламалъёс но кылтӥрлык ласянь ӵошатыны.
Произведенилы аннотациос, отзывъёс но рецензиос гожъяны.
|
Лидия Нянькина.
«Имитация». «Ваёбыж кар».
Веросъёсын юморлэн интыез. Туала гуртлэн бадӟым дунне-ен герӟаськемез. Кышномуртлэн воргоронлыко луэмез.
веросчи. «Эрико лобанлы» кельшись творчествоез.
|
Произведенилэсь сюжетсэ, тематиказэ, проблематиказэ сэрттыны-пертчыны.
Литературной вакытлы тупась темаосты, образъёсты но адямиез суредан амалъёсты висъяны.
Пӧртэм произведениослэсь сюжетсэс но отысь геройёсты ӵошатыны.
Литературной произведениен но зэмос улонэн герӟаса сочинение гожтыны.
|
Анатолий Григорьев.
«Атас Гири».
Комедия жанр пыр туала ужпумъёсты сэрттон-пертчон. Ортчеменыз серекъяса люкиськон. Серемес характеръёсты кылдытон амалъёс.
|
Комедилэсь валтӥсь тодметъёссэ висъяны.
Комедия жанрен гожтэм текстъёсты рольёсъя быгатыса лыдӟыны, аудио но видео амалъёсты уже кутыса.
Драма родын образ кылдытон амалъёсты тодыны.
Комедилэсь сценической историзэ тодыны.
Произведенилэсь сюжетсэ, тематиказэ, проблематиказэ эскерыны быгатыны.
Писательлэн чеберлыко дуннеезлы дунъет сётыны.
|
Эрик Батуев.
«Арлыдтэм вужер». «Дор».
Эрик Батуевлэн кылбуран манерез, дунне шоры тунсыко учконэз. Кулон мотивен герӟаськем чуръёсыз.
|
Удмурт гожъясьчиослэсь дор мотивез суредан аспӧртэмлыкъёссэс шедьтыны.
Кылбурчилэн улон но ужан сюресэз сярысь ватсам материал утчаны но шедьтыны.
Кылбурчилэсь улон но гожъяськон сюресэз сярысь презентация лэсьтыны, сое дышетскисьёс азьын утьыны.
Кылбурчилэсь вакытэныз кусыпъёссэ висъяны.
Лирической образлэсь аспӧртэмлыксэ висъяны.
Кылбурчилэсь литературалэн азинскон сюрес вылаз интызэ валэктыны быгатыны.
| |
